الشك في الماضي
عندي مشكله كبيره جدا هي اني بشك في الماضي يعني اكون بذاكر او بعمل اي حاجه و ييجي في دماغي مشهد معين عقلي يقول انه حصل ليا في الماضي وانا مش فكره هل حصل ولا لأ
هحكي ليكو علي موقف حصل ليا في الاعدادي عشان تفهمو مشكلتي كنت قاعده مع صحبتي في الفصل بنتكلم في الكوره وكان في شله ولاد واقفين جنبنا فسالونا في الكوره و فضلنا نتكلم في الكوره خصوصا معايا انا عشان كنت عارفه اسماء لاعبين كتير المهم افتكرت الموقف ده في شهر ٧ و فضلت الوم في نفسي ان انا اتكلمت معاهم وجالي وسواس وتانيب ضمير و بعدين سالت ماما وقالت دي حاجه عاديه جدا و الموقف خلص خلاص من حوالي شهرين كده كنت قاعده فافتكرت الموقف ده عادي فايجا موقف في عقلي بيقول ان وانا بتكلم معهم في ولد حد ايه عليا وحد صورنا وانا سمحتله بكده فضلت افتكر بس كان مخي في حاجه بتمنعه انه يفتكر حاجه كأني فاقده للذاكره وكل شويه افتكر حاجه اكبر يعني بعديها قلت لا هو مش حط ايده هو اتحرش بيا بعديها عقلي قال لأ هو مش اتحرش بيا أنا سمحتله بكده و كنت عايزه كده و كنت بعمل معاه حجات مش كويسه حاولت افتكر بس برضو مش فاكره والاسوء ان عقلي بدا يديني دلائل ان كده حصل فعلا وانا دلوقتي مصدقه و مقتنعه ان كده حصل وان و احنا بنعمل كده حد صورنا و هيبلغ علينا عشان ده فعل فاضح علني قلت لنفسي هقول معملتش كده قلت بس في كاميرات مراقبة في المدرسه مش ممكن اكون عملت كده فعلا والكاميرات صورتني و هتعاقب من القانون؟
فأنا دلوقتي خايفه و عايزه اعرف هل ده حصل فعلا ولا لأ؟ مش تقولو ان ده وسواس و مش تفكري كده بس انا فعلا عايزه اعرف هل ده حصل ولا لأ فهل في طريقه او دوا او اي حاجه تخليني اعرف هل ده حصل ولا لأ؟
ملحوظه صحبتي دي سافرت بلد تانيه وهتعيش عمرها هناك
الموقف ده من وانا عندي ١٤ سنه وانا دلوقتي ٢١ سنه
وعايزه اعرف هل ممكن ارجع كاميرات المراقبة ولا هتكون التسجيلات اتمسحت؟
