مش عارفة اتقبل جامعتي ومش بعمل حاجة مهمة في يومي

انا للأسف مش بحب كليتي نهائي (والسبب انها تفتقر للحاجات الاساسية الي بيحتجها الطالب زي مثلا اني الاقي مكان احضر فيه على الاقل! او يكون في سكاشن و كويزات زي باقي الكليات الطبيعية)ودخلت قسم انا مخترتهوش بسبب ان مجموعي ماجبش القسم الي انا عايزاه، قعدت اول سنة اقنع نفسي اني هعرف احول لجامعة تانيه في السنة الي بعدها و وديه كانت حجتي وكنت بهرب ساعتها من الواقع الي انا فيه، ولما جه وقت التحويل للاسف معرفتش احول وفضلت في نفس الجامعة والوضع بقى سيء أكتر ومن اول السنة التانية ديه محضرتش ولا محاضرة ولا طايقة اني اروح اساسا، وطبعا ابتديت اهرب تاني من الواقع ده واخطط اني احول لجامعة تانية بس خاصة المره ديه وخايفة يكون مجرد كلام وهروب زي اول مره.

المختصر اني مش عارفة الحل فين اني اتقبلها واعدي السنتين الي فاضلين دول وخلاص ولا احاول فعلا اني احول، وهل لو حولت هكون سعيدة ساعتها ولا برضوا هقعد ابص للعيوب واكرها برضوا

المشكلة الحقيقة الي ناتجة عن الموضوع ده اني مش عارفة اتطور ولا اعمل اي حاجة في يومي ورابطة نفسي في الجانب الاكاديمي ده وموقفة حياتي تماما

ده بجانب اني عندي وسواس قهري وشك رهيب وتفكير زايد وطبعا مع فراغي ده المشاكل ديه بتكبر اكتر

انا ماعنديش صحاب ومش بعرف اكون صدقات اساسا، مبخرجش من البيت نهائي اي حاجة بعملها بفكر قبليها مليون مرة حتى لو حاجة تافة وصغيرة وبعقد حياتي للاسف، و وصل الموضوع اني بقيت مهملة نفسي تماما و ٢٤ ساعة على الموبايل والسوشيال ميديا والمقارنات

مش نافعة في اي مجال، عندي كسل رهيب وكل ما الاقي احل او نشاط يخرجني من الي انا فيه مش ببدأ فيه والدوامة بتتكر تاني وفي الغالب بعاني من المثالية وعايزة كل حاجة تبقى بيرفكت وبعقد نفسي

اتمنى حد يساعدني او ينصحنى و اتمنى برضوا اني ماكنش ذكرت تفاصيل مالهاش داعي