عندي طاقة سلبية من الناس اللي حوالي

انا موجودة بوسط الاغلب عنده مشاكل اهلي، مشاكل امي وابوي اخوتي، حماتي ومرضها اولاد سلفي وحزني عليهم، بنت حماي ومشاكلها، وانا بسمع كل اشي من الكل وبكتم جواتي كل هالمشاكل ومن وقت طويل هالحكي بضلني افكر فيهم كلهم، بنفس الوقت ابتسامتي على وجهي ما تفارقني، يعني جواتي اشي وعلى وجهي اشي ثاااني،، وغيرو لازم استقبل زوجي وانا مبسوطة ومرتاحة وما بقدر اشكيله واصلا بالمواضيع العادية ما بكون مركز بحكيي، وما عندي صديقة قريبة اقدر اشكيلها وما بدي افضفض لحدا انا بشو حاسة لاني خايفة عليهم يقلقو بزيادة واحملهم فوق طاقتهم
انا حاليا نفسيتي بتنهار ومبلشة عياط وخايفة الاشي يأثر على حملي
حاسة قلبي يوجعني وعقلي مش قادر يهدا عن التفكير
بدي معالج او طبيب نفسي استشيره يكون اونلاين وثقة وما عندي القدرة المالية كمان 😔