رهاب اجتماعي وفوبيا من الناس

ارجو الرد ع مشكلتي ارجوكو ضروري ف اسرع وقت
انا عندي ٢٢سنة ، لسه متخرجه وهدخل ع مرحلة الشغل ،المفروض اني هشتغل ممرضة ان شاء الله يعني هتعامل مع ناس كتير وفئات مختلفة ، المشكلة اني بعاني من رهاب اجتماعي لدرجه الفوبيا من الناس ،الموضوع كل مدي بيزيد اكتر ،كنت فالاول بخاف من الناس الغريبة عني بس لكن دلوقت بقيت حتا اصحابي مش عايزة اقابلهم وقطعت علاقتي من الناس كلها ،بقيت افضل العزلي عن التعامل مع البشر ،بيوصل معايا الخوف لدرجه ان ركبي بتخبط ف بعض وبعرق وبيبان عليا التوتر ومش بعرف اتكلم كلمتين علي بعض ،تعبت من كل مرة اقول هواجهه خوفي وبرجع بفشل وخيبة امل ،كان عندي تجربة شغل قبل كدا ماكنتش كويسة خالص ويمكن دي اللي مخوفاني
انا عايزة اعرف اعمل ايه من دلوقت عشان مرجعش اندم بعدين عايزة م البداية اكون علاقات حلوة فالشغل ومحدش يحس بضعف شخصيتي وعدم ثقتي وتوتري وازاي استحمل فكرة كم الناس الكتيرة اللي هقابلهم ف يومي
ارجوكو ساعدوني بالله عليكم ،تعبت