قلق و وسواس من حجات غريبه محتاجه حد يساعدني

موسوسه ف كل حاجه قدامي و لازم اشوف الحاجه منظمه زي ما انا حطاها و كل حاجه ف مكنها و مترتبه و نضيفه و لو لقيت غير كده بتعصب جامد و افضل ازعق مع اللي عمل كده و ساعات ببدا حاجه و افضل اتعب نفسي لحد ما تخلص مبعرفش ابدا حاجه و اسيبها يا اما مش هبداها خالص اصلا و افضل مكسله و مفييش طاقه اعمل حاجه و بحب قاعده البيت و السرير و النوم و محدش يكون معايا
بخاف دايما علي الناس اللي بحبها زياده عن اللزوم بخاف يموتو لو حد طلع يجيب حاجه و يجي و اتاخر بفضل قلقانه و تفضل دماغي تتخيل حجات كتير او ي انه مات بقي و خلاص و افضل اعيط من غير سبب لمجرد التفكير و احيانا بمسك نفسي معيطش و احاول ابقي عادي مش عارفه سبب كل ده اي و بجد متلغبطه