الشعور بالاكتئاب
من حوالي أربع سنين جالي أفكار عن الله ، أفكار في العقيدة ، أفكار شك ، سببت لي توتر وخوف وبكاء دائم ، وانعزال، والبكاء الدائم عند سماع القرآن ، كنت بحب أحط رأسي جمب التسجيل وأسمع القرآن وأعيط، وفضلت فترة على كده، زائد التفكير في الموت والاستلذاذ بالتفكير فيه، كنت بحس بالراحة لما أفكر في الموت ، مش فاكرة فضلت على الحال ده أد اي بالظبط ، بعدين بدأت أفكر في الموت كتير بس المرة دي بشكل مختلف، أنا المرة دي خايفة ومرعوبة منه!! مش عايزة أموت لحد دلوقتي أنا مش عايزة أموت ،بخاف من الموت ، بدل ما كنت برتاح لما بفكر في الموت، بقيت بخاف منه وبكرهه، وخايفة جدا من الموت والحساب ويوم القيامة. زائد وقتها بردو كنت بحس إني مصدومة في نفسي وأفكر في حاجات حصلت وأقعد أقول أنا إذاي عملت كده و إذاي ده حصل مع إحساسي بالصدمة، وأقعد أبكي . أنا دلوقتي مش عندي الأفكار الوسواسية دي، خلصت منها الحمدلله،بس تعبانة جدا مش عارفه ايه الحل ، حاسة إني غريبة عن نفسي ، وإن الفترة دي غيرتني جدا جدا لدرجة مبقتش عارفة أنا مين وايه اللي حصل !! تعبانة جدا ونفسي أرتاح، مش عارفه أرجع طبيعية! حاسة إني عندي اكتئاب ، نفسي بس أرجع طبيعية ، ساعدوني أرجوكم!!
