الخوف الدائم
انا فاطمه عندي 17 سنه كنت شاطره في دراستي بس حاليا مش بذاكر نهائي بسبب تشتت ذهني وخوفي من كل حاجه خايفه من كل حاجه حوليا لاكون بغضب ربنا بصلي والحمد لله وبقرأ قرأن بس خايفه لاكون بعمل ذنوب وانا مش واخده بالي ف بستغفر ربنا كتير وبردو الموضوع ملازمني بقالي شهرين و وصل معايا اني اخاف من المستقبل على الحاله الماديه بسبب الحاله الاقتصاديه وان مش هنلاقي ناكل وهيحصل مجاعه في البلد وكلنا هنموت واني افقد ناس من حياتي وكمان اني ممكن اموت ف اي وقت وربنا ميكونش راضي عني في اسئله كتيره ف دماغي مش عارفه ليها اجوبه بس انا مش سعيده نهائي الخوف ديما ملازمني والقلق بردو وتوتر وكمان من ساعه زلزال تركيا وسوريا وانا بقيت خايفه ليحصل عندنا زيه وكل شويه براقب الزلازل ع جوجل و الموضوع بجد مقلق بطريقه فظيعه وانا عارفه ان كل دا بايد ربنا بس بجد مجرد التفكير ف شئ زي دا مخليني مرعوبه ديما وكمان حاسه ديما ان انا بعمل حاجه غلط وان كل حاجه حوليا حرام مع اني مش بعمل حاجه بس بحس اني بعمل وبقول لنفسي ما انتي بتتفرجي علي التلفزيون ماهو حرام ما انتي بتلعبي بالفون ماهو حرام اي حاجه بقت تديني بجهه وسعاده او ترفيه بحس انها حرام ممكن نصيحه او وصف لحالتي واقدر انهي كل الافكار دي ازاي لان ماما لاحظت عليا وكلهم وباين عليه الحزن والتوتر
