مشكلة عاطفية صعبة

انا عندي ٢٠ سنة كنت بحب واحد في الكلية بس مع الوقت ظهر منه تصرفات و اسلوب مكانش موجود في الأول و مش مقبول باللنسبالي و حذرته من حاجات مش بتعجبني لكن برغم كدا كررها زي مثلا انه يبعتلي تلميحات +١٨ على سبيل الرومانسية بس انا بقرف من كدا و يتعمد يخليني اغير عشان يستفزني و اكتشفت انو مش مهتم بنضافته الشخصية،كل الحاجات دي خليتني اتقفل منو و مبقيتش بحس بحاجة ناحيته بس هو لما عرف كدا بقاله كذا يوم بيحاول معايا ارجع تاني نفس تعاملي اللي كان معاه في الأول بس انا خلاص مبقيتش قادرة
و كمان اسلوبه وقت الخلافات او المناقشات الشديدة بيكون اسلوب حاد بيقلقني و بيخليني مش متطمنة
اخلع منو ازاي؟عشان عمال يحسسني بالذنب اني تعبته و كسرت قلبه و ان هو بيحبني اوي و بيستعطفني
انا اتكسف بصراحة اقوله انو مش مهتم بنضافته الشخصية لكن لما قولتله ع حوار استفزاز الغيرة و التلميحات+١٨ مكانش بيحب يبان غلطان اوي و يقعد يهزر و يكررها تاني