استشارة فى علاقة

انا مرتبطه بحد بقالى ٥ سنين استنيته لما خلص اخر سنه جامعه و قعد السنه بتاعة الكورونا و دخل سنه جيش و قعد سنتين بعد الجيش يدور على شغل كل ده وانا صابره و مستنيه و كنت بدورله معاه على شغل وقفت جنبه كتيير يعنى لحد اما اشتغل و الحمد لله بيقبض كويس يقدر يعمل جمعيه مثلا يبتدى فى اى حاجه عشان نتخطب .. قولتله يلا ابدأ اعمل حاجه ادخل جمعيه و انزل اتعرف على مامتى قبل ما تيجى تتقدم فى البيت و اشرحلها ظروفك و هتعمل ايه و كده و حددلها وقت و نجيب دبله و محبس بس دلوقتى و نتخطب و فى مدة الخطوبه نجهز براحتنا بيقولى انا اتكلمت مع ماما و اخويا و قالولى انت لسه شغال بقالك ٣ او ٤ شهور مش طبيعى انك تخطب دلوقتى !! طب و انا اعمل ايه بعد السنين اللى استنيتها دى و رفضت ناس كتير اتقدمتلى عشانه عايزنى استنى سنه كمان انا زهقت بجد انا دلوقتى ٢٧ سنه على مانتجوز هبقى ٣٠ ولا ايه .. و مامته عارفانى و بتحبنى و عايزانى مش عارفه غيرت الكلام ليه و كانت تفضل تقولى لحلحيه و شجعيه انه يشتغل فضلت وراه و جمبه والله عملت اللى محدش يعمله واحده غيرى كانت قالت عليا من ده بأيه اسيبه و اشوف حياتى .. دلوقتى بيقولى انا هحاول معاهم تانى قولتله محتاج مده اد ايه قالى لغاية اخر الشهر مثلا قولتله ماشى اول الشهر الجديد لو قولتلى حاجه عجبتنى تمام ماقولتليش حاجه انا مش هكمل .. هل انا كده غلطانه او متسرعه مثلا ؟؟