مش عايزة اكمل..انا تالتة ثانوي ازهري

السلام عليكم أختي في الله
أنا أول مشوفت الرسالة دي حسيت إن أن دي نفسي من سنتين اللي بتكلم وجاتلي صدمة لثواني أستوعب ، عايزة أقولك يا حبيبتي إني مريت بنفس الظروف دي وأكتر ، فعايزة اقولك إن اللي نجاني من الانتحار هو ربنا وخوفي من الآخرة ، مهما الحياة اسودت في وشك هل ضمنتي مابعد الإنتحار؟ الموت مش الحل لإن المنتحر مخلد في النار وفي أحاديث كتير علي كده وهتكوني خسرتي دنيا وآخرة اسألي نفسك هل أنتي قادرة تستحملي عذاب دائم ؟ هل الجحيم اللي عايشة فيه دلوقت أسوء من عذاب جهنم ؟
الحل والله يا حبيبتي ساهل جدا وياريت كان حد قالهولي زمان و هوا انك تقولي “لا إله إلا أنت سبحانك إني كنت من الظالمين” و دعاء تفريج الهموم “”اللهم إني عبدك وابن عبدك وابن أمتك ناصيتي بيدك ماض في حكمك عدل في قضائك أسألك بكل اسم هو لك سميت به نفسك أو أنزلته في كتابك أو علمته أحداً من خلقك أو استأثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وهمي “” سيبي كل اللي في ايدك دلوقت وادعي بالأدعية دي وباللي نفسك فيه بيقين وافتكري كويس اللي خلق الكون دا كله واللي خلقك وخلق حلمك هل هيعجز عن مشكلة بتمري بيها ؟ ربنا من اسمائه “القادر” فمتيئسيش من رحمة ربنا .
تاني حاجة ياحبيبتي بما إن علاقتك مع مامتك كويسة حاولي تفتحتي معاها موضوع خوفك متكتميش في نفسك وفضفضيلها لإنك بالكتمان بتكبري الأفكار والمخاوف دي جواكي لو وحاسة إن محدش فاهمك ولا هيسمعك أو مامتك مش هتخليكي تفضفضي شوفي أبلة تثقي فيها وتستريحيلها ممكن تساعدك أوي لو مفيش أبلة بردو يبقي لازم تقنعي مامتك أن نفسيتك مش تمام وانك عندك مشاكل ومخاوف كاتماها في نفسك واتكلمي بجدية علشان توصليلها رسالة ‘أنا بجد تعبانة وعايزة حل’ متسيبيش نفسك كدا للألم والإكتئاب أنا عارفة إنو ألم محدش هيحس بيه غير اللي عايشو بس هوا مش مصيبة ملهاش حل واطلبي من مامتك تروحي لدكتورة نفسية ولو حاسة انك مش بتعرفي تركزي لما بتذاكري لوحدك اطلبي منها تقعد معاكي أو حد من خواتك أهم حاجة متكونيش لوحدك علشان متفكريش
ثالثا لو مش هتقدري تطلبي حد يقعد معاكي أو محاولاتك مع مامتك فشلت ومسمعتكيش بعد متكلمتي بجدية وموافقتش تروحي لدكتورة أو فيه حد قعد معاكي بس مش حاسة بتحسن ولا تغيير متقلقيش ولا تقولي مفيش حل انتي مش محتاجة حد غير ربنا علشان تتحسني ببساطة لو انتي أقل من ١٨ ممكن تاخدي دواء مخفف للقلق والإكتئاب وملوش آثار جانبية تاخدي حباية الصبح وبليل لمدة شهر بعد كدا واحدة لمدة شهر بعد كدة نص حباية لمدة شهر ولو انتي ١٨ سنة ممكن تاخدي بدل الأول مودابكس ٥٠مجم حباية في اليوم لمدة أسبوعين بعد كدا حبايتين لمدة شهر بعد كدا حباية لمدة شهر بعدين نص حباية لمدة أسبوعين وتوقفي وسواء دا أو دا ببيتاخد بعد الأكل وإنتي إن شاء الله هتحسي بالفرق من أول ١٠ أيام وهتبقي تمام .
الموضوع مش صعب والله ياحبيبتي بس الإنسان لما بيكون في همّ مش بيشوف أي نور لازم تهدي كدا وتكلمي ربنا وتدعيلو وطلعي اللي في قلبك كلو ليه وحافظي علي الصلاة علي الرسول لإن هيا والله وعن تجربة بتعمل المستحيل مهما كنتي في ضيق وحزن وحافظي علي صلاتك في معادها وربنا يوفقك .
وأخيرا الثانوية مش نهاية المطاف أكيد سمعتي الجملة دي كتير بس أنا فاهمة موقفك وخوفك لإني عشتو وحاسة بوجعك من قلة تركيزك وتراكم المواد وحاسة بخوفك علي مستقبلك وأهلك بس زي مقولتلك ربنا قادر على كل شئ والمستقبل بإيدو مينفعش ننهي حياتنا علي مستقبل مش بإيدنا إحنا ، كل اللي مطلوب منك دلوقت تاخدي راحة لمدة يوم متذاكريش متحاوليش كإنك بتعملي كدا رسترة لحياتك علشان تبدأي من جديد بس بقلب فيه ربنا وفيه أمل وادعي من قلبك وصلي صلاة حاجة واستغفري واقرأي سورة البقرة واعرفي أن كل ما يصيبنا خير ، إوعك تحصري تفكيرك في إن أنا لو مجبتيش كلية كذا يبقي خلاص أنهي حياتي وانتحر
اتمسكي بالدنيا وثقي بربنا ، حاسة بقلبك اللي واجعك بس إوعك تسخطي وتقولي ‘كان لازم يعني كل دا يحصل’ لإن أكتر من نص الحل في الرضا والتسليم بقضاء الله ودا اختبار من ربنا لازم تحتسبي وهيعوضك خير والحياة لازم تمشي ، بوصي للنعم اللي عندك واحمدي ربنا فضَّلك علي ناس كتير ومتنسيش الحديث القدسي{أنا عند ظن عبدي بي…} أحسني الظن بالله وهتلاقي الخير
يارب يشفيكي ويعافيكي ويذهب من قلبك الخوف والحزن والألم ويهون عليكي ما أنت فيه ويقربك إليه ويحققلك أمنياتك أسأل الله العافية لكي دنيا وآخرة .
ونصيحة أخيرة اسمعي للدكتور حازم شومان والدكتور مصطفى حسني ١٠٠٪ هتفرق معاكي
بالشفاء والتوفيق ياحبيبتي