بدي حل لمشكلتي مع عيلتي

السلام عليكم
عندي مشكلة انا ما بقدر اتفق مع عيلتي ودائما في مشاكل وكل نقاش بينا بنتهي في مشكلة حاولت اعمل حدود بس لانه ما بدي اغضب والدي بس ما زبط كل بحاول اهدا وابعد عنهم بس هم ما بتركوني بحالي
المشكلة انه بستهزؤوا مني ودائما بستصغروني وانا الانسانة السيئة وانا عندي مشكلة اني بسير هجومية وما بقدر اسكت وبسير الحكي الهجومي يطلع لا اراديا وكل ما بحاول اهدا ما بقدر يمكن لاني كثير مهتمة في عيلتي وبحبهم وبنزعج من استهزائهم حتى كرهت حالي وكل ما احكي معهم بحكوا هبطي صوتك مع انه صوتي ما بكون عالي وصلت لمرحلة حتى صوتي كرهته
مع انه انا انفعالية وهجومية بس معهم يعني مع الناس بكون هادية وبقدر اكسب اي نقاش بهدوء وما بتأثر بأي اشي بحكوا لانهم ما بهموني كثير ،مع كلشي انا بس تصير المشكلة بسير هجومية وبذايقهم بالحكي هو بكون حقيقي بس مزعج بالنسبة لالهم لانه ما بحبوا حدا ينتقدهم
ومع كل المشكلات لسا بتأثر من حكيهم شو الحل انا ما بدي اغضب والدي لاني خايفة من الله