8 حاجات كمان لازم تعملهم عشان تحارب الاكتئاب

في الفترة الأخيرة زاد التوجه في وعي الناس بخصوص الاكتئاب، انه مرض زيه زي المرض العضوي لازمله فترة علاج وأدوية، يعني لو كسرت رجلك اكيد مش هنقولك معلش وخلاص، لا هنقولك روحت لدكتور؟ طب كشفت؟ طب ايه طرق العلاج؟ بنفس الطريقة لازم تكون دي ردودنا لكل شخص بيقولنا انه عنده أعراض الاكتئاب.

 طلب المساعدة من اللي حواليك

محدش هيفهمك أكتر من عائلتك وصحابك، حاول تطلب مساعجتهم عشان تخرج من نوبات الاكتئاب اللي بتجيلك، ولو حسيت ان مساعدتهم وكلامهم معاك مش جايب نتيجة يبقى لازم تروح لمتخصص.

 المشي في الهواء الطلق

اللي نعررفه من العلم دلوقتي ان ضوء الشمس والنشاط البدني مرتبطان بتحسينات في الحالة المزاجية والرفاهية الجسدية / العقلية، وأثبت المشي في الهواء الطلق 3-4 مرات في الأسبوع أو 30 دقيقة أو أكثر على فترات متقطعة انه بيقلل من أعراض الإكتئاب، ودا جنب اتباع نظام غذائي صحي طبعا.

 اشرب مياة!

متستغربش النصيحة، أوقات الاكتئاب بيجيب اعراض جانبية زي شراهة الأكل ودا ممكن يعمل بعدين مشاكل أكبر من الاكتئاب، والعكس أوقات عدم شرب المياة بيخلي دماغك جاف ومش هيفكر بطريقة سليمة يعني مخك مش هيكون في صفك طول مانت مش بتشرب مياة! من غير مياة الدماغ مش سليم والمزاج كمان مش تمام!

 التأمل العميق / التأمل

من الاف السنين زمان والتأمل العميق والتنفس العميق لمدة معينة من الزمن بيفصل الشخص عن مشاكله الحياتية والدنيوية وبيمكنه من التركيز على اختياراته واتصاله الروحي بنفسه، ممكن تخصص يوميا 20 دقيقة تهدأ وتتأكل وتفكر بعمق في الحاجات اليجابية اللي في حياتك، اعزل نفسك 20 دقيقة بس عشان تكون العزلة دي إيجابية تأمل فيها، بدل ما تعزل نفسك عن العالم في يأس.

 الصبر والحمد

مع ان التوقف والتفكير من اساسيات أي دين، لكن احنا مش بنميل نفكر بعمق لان اليوم بيجري مننا والحياة كمان بتجري مننا الصبر يعتبر من أشكال الهدوء على النفس والانتظار والتفكير شوية سواء كنت في بلاء أو في مواقف إيجابية في حياتك، وانك تصبروتشكر ربنا على البلاء قبل ما تشكره على النعم من الحاجات اللي هتخليك تعدي ايامك في رضا لحد ما الكرب والغم يعدي وترجع حياتك كويسة، طبعا في مواقف واختبارات في الحياة بتكون صعبة وصعبة جدا، لكن اختيارك بانك تصبر وتحتسب وتشكر ربنا هيخليك تدمج دا مع ايمانك بقضاء الله وانه هو مخلصك في النهاية ووكيلك ودا اللي هيخليك أكثر مرونة في كل نوبة اكتئاب.

عمل الروتين اليومي

بجانب الصلاة يوميا، في برضو شوية حاجات ممكن تعملها يوميا تساعد صحتك النفسية والجسدية، زي انك تزود ذاكرتك العضلية من خلال لعبك الرياضة، طبعا هو صعب أصلا وانت عندك اكتئاب انك تقوم من السرير ويكون عندك إرادة تعمل حاجة تانية، بس هتبدأ واحدة واحدة، تقوم كل يوم من السرير وتتمشي في شقتك كلها، وبعدين تكمل يومك عادي لكن الحاجات اللي هتثبتها وتعود نفسك وجسمك عليها هي اللي مع الوقت هتزود ارادتك في العلاج.

 صلاة اليقظة

ناس كتير بتقول لما حد ينصحهم بالصلاة وقت ما بيكون عندهم اكتئاب، بيحسوا انهم بيعانوا في التركيز وهما بيصلوا، عشان كده نصيحتنا انك وانت بتصلي لازم تكون مصحصح، ازاي؟ قبل ما تصلي تختار تفكير ايه السور اللي عايز تقراها في الصلاة وعايز تطلب من ربنا ايه وتدعيه بإيه أو تشكره علي ايه، ويقظتك خلال الصلاة مع الوقت هتقرب ذهنك وتركيزك للصلاة وتزود اتصالك الروحي وتخفف من الاكتئاب.

معالجة المشكلات بأيدينا – تغيير الموقف

أوقات الاكتئاب بيحصل بسبب علاقات سامة أو علاقات غير صحية في العمل أو حديث سلبي عن النفس، لما تكون الأنواع دي من المشكلات هي السبب ممكن تعالج الاكتئاب بانك تغير الموقف بإيدك، يا تبعد عن العلاقات السامة المؤذية، يا تحط حدود في التعامل، يا اما اخر حل هو انك تبعد عن الأماكن اللي بتغرقك في الاكتئاب وانت مش وخد بالك.

لو حاولت تنفذ كل الحاجات دي جنب جلسات علاج العلاج النفسي أوعدك انك هاتبقى أحسن.