تتت

للاسف انا مضطر اشرح المشكلة ب التفصيل لاني محتاج ادق مساعدة وحاسس ان كل الدكاترة مش فاهمين يشخصوني او انا حالة نادرة ومحدش عارف ايه اللي عندي ..
من سنة كنت صاحي ف يوم بدري وزي الفل وبعدين نزلت امشي قعدت ف كافتيريا فجأة كدا من غير اي مقدمات بدأت احس ب اني قلقان من حاجة وعمال احك رجلي ف رجلي التانية وافتكرت وقتها ان ده بيحصل عشان قاعد لوحدي ف كلمت واحد صاحبي جه مكملناش ٥دقايق وحسيت اني لازم اروح انام عشان انا فيا حاجة غلط وانا مروح حسيت ب دوخة غريبة دوخة كدا مش فاهمها اللي هو انا مش هقع ع الارض ولا حاجة بس في دوخة المهم روحت ونمت وصحيت و الموضوع فجأة زاد بعدها لدرجة انا معرفتش اروح السكن حسيت وقتها ان انا عندي مرض خطير ف دماغي خصوصا ان قبلها بسنة او اتنين كنت عاوز اكشف مخ واعصاب ولما اهلي سألوني ليه قلتلهم اني حاسس ان في عروق هتنفجر ف دماغي وعلطول عندي هسهس من موضوع دماغي ده مش عارف ليه ..المهم مقدرتش اروح السكن وروحت جري ع البيت قلتلهم عاوز دكتور كنت حاسس اني اتنقلت ل عالم تاني اي نعم مفيش ألم ملموس بس اللي حاسه كان العن من الالم معرفتش وقتها انه شيئ نفسي المهم بعدها لفينا ع الدكاترة وكلهم قالوا مفيش حاجة ل حد م روحت ل طبيب نفسي وبدإ معايا الجلسات ٦شهور باخد امبيريد و باروكسيديب ومحصلش تحسن والموضوع وصل معايا ل مرحلة اليأس نفسي اموت نفسي ومش فارق معايا اي حد يزعل او لا بس اللي مانعني اني خايف اموت نفسي اللي هو عمال ادور علي طرق مش مؤلمة للموت ..
حضرتك انا مختصر ومجبتش سيرة الاعراض كلها بس انا حاسس ان مفيش امل ب الجلسات النفسية و مبقتش بحب اي كلام ايجابي انا كل اللي محتاجه ي اما اخف ف اسرع وقت ي اما اموت ممكن حضرتك تسيب رقم هنا او حاجة عشان اعرف اتواصل معاك