الى متى تستمر أعراض انسحاب أدوية الاكتئاب؟
أكتر من نص الناس اللي بيوقفوا استخدام مضادات الاكتئاب بيعانوا من أعراض انسحاب، وطبعا بتختلف التجربة دي بالنسبة للجميع، فهنلاقي ناس بتعاني من أعراض خفيفة، وناس تانية بيعانوا من أعراض شديدة لدرجة أنها بتأثر على حياتهم اليومية.
الأعراض الانسحابية بيتحصل لأن جسمك بيكون “مصدوم” بشكل أساسي من عدم وجود الدوا وبيبدأ ياخد وقت عشان يتكيف مع الوضع الجديد ” عدم وجود الدوا”.
شاكك إن عندك اكتئاب؟ دوس هنا واعمل اختبار الاكتئاب
من المهم أنك تعرف أن التوقف عن مضادات الاكتئاب في معظم الأحيان بيؤدي إلى انتكاس الأعراض الأصلية، وممكن كمان يسبب ظهور أفكار انتحارية
تابع قراءة المقالة عشان تعرف الى متى تستمر أعراض انسحاب أدوية الاكتئاب؟، وكمان هنقولك على كذا نصيحة بخصوص التأقلم مع الأعراض الانسحابية.
المحتويــات
يعني ايه أعراض انسحابية والى متى تستمر
- أعراض الانسحاب اسمها العلمي متلازمة التوقف، وهي حاجة معروفة وشائعة جدا، وفي ما يقرب من 20 ٪ من الأشخاص بيعانوا من الأعراض دي نتيجة للتوقف أو تقليل الجرعة بشكل مفاجئ بعد تناول مضادات الاكتئاب بانتظام لمدة شهر على الأقل.
- بتظهر أعراض الانسحاب عادة في غضون 5 أيام من إيقاف الدوا، وبتستمر بشكل عام من أسبوع إلى أسبوعين، دا غير أن بعض بعض الأشخاص ممكن يعانوا من أعراض شديدة تستمر لعدة أشهر أو أكثر.
- من المهم جدا إنك متوقفش عن تناول أدوية الاكتئاب فجأة، وكمان ضروري تقلل الجرعة بالتدريج، عادة خلال 4 أسابيع، ولكن في بعض الأحيان لفترة أطول.
ليه بتحصل أعراض الانسحاب بعد ما بنوقف أدوية الاكتئاب
- الأعراض الجسدية والعقلية والعقلية دي بتحصل بسبب الانخفاض المفاجئ في مادة السيروتونين الكيميائية في الدماغ في بعض الأشكال الجديدة من مضادات الاكتئاب، ودورها هو تنظيم مستويات السيروتونين في دماغك لتحسين مزاجك.
- عشان كده بطبيعة الحال، لما بنتوقف عن أخد الأدوية دى، بتظهر أعراض ضيق وعدم راحة.
أعراف معانا علامات وأعراض انسحاب أدوية الاكتئاب
- أعراض تشبه أعراض الأنفلونزا، زي الدوخة والصداع والغثيان والضعف ونقص الطاقة.
- صعوبة النوم.
- الهياج أو القلق أو الأرق.
- تنمل أو الشعور بوخز أو “دبابيس وإبر”.
- زيادة معدل ضربات القلب.
- ارتفاع ضغط الدم.
- التعرق.
- الغثيان والقيء أو تقلصات البطن.
- تشنجات عضلية.
أهم نصايح لتأقلم مع أعراض انسحاب أدوية الاكتئاب
يمكن أفضل طريقة للتعامل مع انسحاب مضادات الاكتئاب، هي منعه في المقام الأول عن طريق التأكد من عدم التوقف أو تعديل جرعة الدوا دون استشارة الطبيب، وده لأنه ممكن يساعدك على وضع خطة للتوقف مع الحد من الآثار السلبية للانسحاب أو تجنبها، ومع ذلك في كام حاجة ممكن تعملهم للوقاية من الأعراض الانسحابية زي:
1- اسأل نفسك: أنا ليه هوقف الدوا؟
- السؤال ده مهم جداً، وعلى أساس الإجابة هتقدر تتغلب على الأعراض، زى مثلا هل إنت حاسس إنك إتعافيت من الاكتئاب، ولا هتوقفه عشان مش متحمله هل الآثار الجانبية للدوا؟ أو مثلا مش متحمل تكلفة الدوا،.
- دي كلها أسباب مختلفة جدًا وليها آثار مهمة على تعاملك مع الانسحاب، المهم افتكر إن الاكتئاب مرض خطير وممكن يهدد الحياة لو متعالجش بشكل صحيح.
2- وقف الدوا تدريجياً
- ممكن يساعدك التخلص من مضادات الاكتئاب في تقليل الآثار الجانبية للانسحاب، ومفيش جدول زمني واحد بيناسب الجميع، والوقت بيتغير اعتمادًا على طريقة استجابتك.
- الدكتور طبعا هيقرى مدى سرعة أو بطء التوقف عن تناول الدوا بناءً على الأعراض الخاصة بيك، نوع مضاد الاكتئاب، طول فترة تناولك للدوا، والجرعة.
3- دور على البديل
- في أنواع كتير من الأدوية المضادة للاكتئاب بتعمل بشكل مختلف في الدماغ، وليها آثار جانبية مختلفة، من أهم الأنواع: مضادات الاكتئاب ثلاثية الحلقات، ومثبطات مونوامين أوكسيديز (MAOIs)، ومثبطات امتصاص السيروتونين الانتقائية (SSRIs)، ومثبطات امتصاص السيروتونين والنورادرينالين (SNRIs).
أخيراً، بالرغم من أن مضادات الاكتئاب يمكن يكون لها آثار جانبية مزعجة إلا أنها بتساعد ناس كتير في التعافي، ومن المهم إدارة الدوا تحت إشراف طبيعي لتجنب أي آثار انسحاب مزعجة.
