أعراض الكآبة المزمنة
من الطبيعي إن البني آدم يحس بالإحباط والحزن من وقت للتاني، بس الاكتئاب حالة منفصلة لازم يتم معالجتها بعنايةـ فبصرف النظر عن التسبب في شعور عام بالحزن، الاكتئاب كمان معروف بتسببه في مشاعر اليأس واللي مش بتختنفي بسرعة.
يمكن مصطلح “الاكتئاب” بيتم استخدامه كتير في المجتمع حاليا، ومع ذلك الاكتئاب موضوع أكبر دقة من مجرد شعور بالحزن أو الضيق، على سبيل المثال مش كل حالات الاكتئاب متشابهة، وفي تضنيفات تصنيفات مختلفة منه زي الاكتئاب الخفيف والمتوسط والشديد والمزمن، وكل واحد منها بيأثر على حياتك بطريقة مختلفة.
شاكك إن عندك اكتئاب؟ دوس هنا واعمل اختبار الاكتئاب
وطبعا التصنيف الدقيق لمرض الاكتئاب بيعتمد على الكتير من العوامل، ومنها أنواع الأعراض اللي بتعاني منها، وشدتها، وعدد مرات حدوثها،،،، استمر في القراية عشان تعرف المزيد عن التصنيفات المختلفة للاكتئاب وكمان هنوضحلك أعراض الكآبة المزمنة.
المحتويــات
يعني أيه اكتئاب مزمن
- الاضطراب الاكتئابي المستمر، هو شكل مستمر طويل الأمد (مزمن) من الاكتئاب، وفيه المريض بيفقد الاهتمام بالأنشطة اليومية العادية، وبيحس باليأس وتدني احترام الذات والشعور العام بعدم الكفاءة.
- بتستمر المشاعر والأعراض دي لسنوات وممكن تتداخل بشكل كبير مع علاقاتك ومدرستك وشغلك وأنشطتك اليومية.
- الشخص اللي بيعاني من اضطراب اكتئابي مستمر، ممكن يلاقي صعوبة في أنه يكون متفائل أو مبسوط حتى في المناسبات السعيدة، وبيتم وصفه بأنه عنده شخصية قاتمة وكئيبة.
- وعلى الرغم من أن الاضطراب الاكتئابي المستمر أقل حدة مقارنة بالاكتئاب الشديد، إلا أن مزاجك المكتئب الحالي ممكن يكون خفيف أو متوسط أو شديد.
- وللأسف بسبب الطبيعة المزمنة للاضطراب الاكتئابي المستمر، ممكن يكون التعامل مع أعراض الاكتئاب أمر صعب، ولكن الجمع بين العلاج بالكلام (العلاج النفسي) والأدوية ممكن يكون فعال في علاجه.
- ووفقًا للمعهد الوطني للصحة العقلية، في ما يقرب من 1.5 ٪ من الأمريكيين البالغين بيعانوا من الاكتئاب، والاكتئاب المزمن ممكن يبدأ في مرحلة الطفولة أو في مرحلة البلوغ وهو أكثر شيوعًا عند النساء من الرجال.
أسباب الكآبة المزمنة
- الاكتئاب المزمن، واللي بيشار ليه أحيانًا بالاكتئاب المعتدل المزمن، بيكون أقل حدة وأعراضه أقل من الاكتئاب الشديد، وفيه ممكن أن تستمر أعراض الاكتئاب لفترة طويلة من الزمن، غالبًا لمدة عامين أو أكتر.
- الخبراء مش متأكدين من أسباب الاكتئاب، وبيقولوا أن الجينات ممكن تلعب دور، لكن في كتير من المصابين معندهمش تاريخ عائلي من الاكتئاب، وطبعا في ناس تانية عندها تاريخ عائلي من مشاكل الاكتئاب ومع ذلك مش بيصابوا بالاكتئاب.
- يُعتقد كمان أن الوظائف غير الطبيعية في دوائر الدماغ أو مسارات الخلايا العصبية اللي بتربط مناطق الدماغ المختلفة اللي بتنظم الحالة المزاجية متورطة.
- ضغوطات الحياة الرئيسية، والأمراض المزمنة، والأدوية، ومشاكل العلاقات أو العمل ممكن تزيد من فرص الإصابة بالاكتئاب عند الأشخاص المعرضين بيولوجيًا للإصابة بالاكتئاب.
ما هي علامات وأعراض الكآبة المزمنة
عادة بتظهر أعراض اضطراب الاكتئاب المستمر وتختفي على مدى سنوات، وممكن تتغير شدتها بمرور الوقت، لكن الأعراض عادة بتستمر لأكتر من شهرين في كل مرة، دا غير أن نوبات الاكتئاب الرئيسية ممكن تحصل قبل أو أثناء الاضطراب الاكتئابي المستمر وهي حالة بيطلق عليها أحيانًا بالاكتئاب المزدوج، وممكن تسبب أعراض الاضطراب الاكتئابي المستمر ضعف كبير وبتشمل:
- الحزن أو المزاج المكتئب معظم اليوم أو كل يوم تقريبًا.
- فقدان المتعة في بالأنشطة والحجات اللي كنت بتحبها.
- تغير كبير في الوزن (زيادة أو نقصان أكثر من 5٪ من الوزن خلال شهر) أو الشهية.
- الأرق أو النوم المفرط كل يوم تقريبًا.
- الشخص بيكون مضطرب جسديًا أو مجهد بطريقة يمكن ملاحظتها.
- التعب أو فقدان الطاقة كل يوم تقريبًا.
- الشعور باليأس أو انعدام القيمة أو الشعور بالذنب المفرط كل يوم تقريبًا.
- مشاكل في التركيز أو اتخاذ القرارات .
- الأفكار المتكررة عن الموت أو الانتحار أو خطة الانتحار.
- الحزن والفراغ والشعور بالإحباط واليأس.
- التهيج أو الغضب المفرط.
- تجنب الأنشطة الاجتماعية.
- في الأطفال، ممكن تشمل أعراض الاضطراب الاكتئابي المستمر المزاج المكتئب والتهيج.
المراجع
