أعراض التوقف عن علاج الاكتئاب
الاكتئاب مرض نفسي بيتطلب علاج لمنع تفاقم أعراضه للمساعدة في تحسين مزاجك أو تخفيف قلقك، وطبعا العلاج بيكون إما علاج نفسي أو علاج بالأدوية ومضادات الاكتئاب.
بس المشكلة أن بعض المصابين بالاكتئاب بمجرد شعورهم بتحسن، بيفترضوا أنهم مش محتاجين للعلاج، وبيقوموا بوقف تناول الأدوية بشكل مفاجئ والنتيجة هي أنهم بيدأوا يحسوا بأعراض انسحابيه، واللي بتتراوح شدتها من من الإحساس وكأنك مصاب بالأنفلونزا، أو ربما تواجه صعوبة في التفكير وعندك أفكار مزعجة.
شاكك إن عندك اكتئاب؟ دوس هنا واعمل اختبار الاكتئاب
وعشان تعرف أعراض التوقف عن علاج الاكتئاب، ومدة انسحاب مضادات الاكتئاب من الجسم كمل قراية المقالة.
المحتويــات
يعني أيه أعراض انسحابية
- يعتبر انسحاب مضادات الاكتئاب أمر شائع جدا وهو معروف باسم متلازمة التوقف، وفي ما يقرب من 20٪ من الناي اللي بيتوقفوا فجأة أو بيقللوا جرعتهم بشكل كبير بعد تناول مضادات الاكتئاب بانتظام لمدة شهر على الأقل بيعانوا من أعراض الانسحاب.
- طبعا بعض الأدوية ليها معدلات انسحاب أعلى من غيرها، ولكن الأعراض الانسحابية ممكن تحصل لأي شخص بيستخدم أي نوع من مضادات الاكتئاب.
- انسحاب مضادات الاكتئاب بتخلي المريض يشعر بالضيق والانزعاج، وبيواجه صعوبة في النوم والتركيز، وبيحس بالقلق وممكن تيجيله أفكار انتحارية، بالنسبة للبعض ممكن تكون الأعراض دي مشابهة جدًا لأعراض الاكتئاب.
ليه بنحس بأعراض انسحاب مضادات الاكتئاب
- الأعراض الجسدية والعقلية دي بتحصل بسبب الانخفاض المفاجئ في مادة السيروتونين الكيميائية في الدماغ في بعض الأشكال الجديدة من مضادات الاكتئاب، واللي بتنظم مستويات السيروتونين في دماغك لتحسين مزاجك.
- عشان كده بطبيعة الحال لما بتتوقف عن أخذ المستويات دي بتظهر الأعراض الانسحابية، دا غير أن في مضادات الاكتئاب تانية بتعمل عن طريق تغيير مستويات الناقلات العصبية في الدماغ، واللي بتسبب عدم الراحة بمجرد التوقف عن تناول هذه الأدوية.
- مهم نعرف أن الأطباء مش بيعتبروا مضادات الاكتئاب نوع من الإدمان، ومع ذلك، من الممكن تطوير الاعتماد الجسدي على الأدوية دي.
- على عكس الانسحاب من تعاطي المخدرات، تأثيرات التوقف عن تناول مضادات الاكتئاب مش بتتعلق بالإدمان، ولكنها ممكن تعكس العواقب الفسيولوجية للتوقف عن تناول الدوا.
- في حوالي واحد من كل خمسة أشخاص من اللي بيتناولوا مضادات الاكتئاب بيعانوا لمدة 6 أسابيع أو أكتر من أعراض التوقف في حال توقفوا فجأة عن تناول الدوا.
- وعشان كده ضروري إنك تقلل أدويتك بشكل تدريجي، وطبعا تحت إشراف المعالج عشان تجنب الأعراض أو تقليلها.
علامات وأعراض التوقف عن علاج الاكتئاب
- أعراض بتشبه أعراض الأنفلونزا، زي الدوخة والصداع والغثيان والضعف ونقص الطاقة.
- صعوبة النوم.
- الهياج أو القلق أو الأرق.
- تنميل أو الشعور بوخز.
- زيادة معدل ضربات القلب.
- ارتفاع ضغط الدم.
- التعرق.
- الهزات أو الارتجاف أو الاهتزاز غير المتعمد.
- الغثيان والقيء أو تقلصات البطن.
- تشنجات عضلية.
- صعوبة التبول
- في حالات نادرة، ممكن يسبب انسحاب مضادات الاكتئاب الهوس، وممكن تسبب أنواع معينة أقدم من مضادات الاكتئاب اسمها MAOIs حدوث ارتباك وأعراض ذهانية.
في معظم الحالات، أعراض الانسحاب بتكون خفيفة نسبيًا في أول يوم إلى 3 أيام، وبعد كده ممكن تزيد حدتها في اليوم الرابع أو الخامس، وغالبا الأعراض دي بتستمر لمدة تصل إلى ثلاثة أسابيع.
وتختلف تجربة الانسحاب من مضادات الاكتئاب اختلاف كبير باختلاف الشخص ونوع مضاد الاكتئاب، والجرعة وطول المدة اللي تم فيها تناول الدواء.
مضادات الاكتئاب التي يصعب إيقافها
- تقريبا جميع أدوية الاكتئاب بتسبب ظهور أعراض التوقف، بس من المرجح أن بعضها يسبب أعراض أكتر من غيره، وغالبًا ما تحذر ملصقات مضادات الاكتئاب من أن إيقاف الدوا بسرعة كبيرة ممكن يسبب أعراض مزعجة.
- ومع ذلك، بتزيد احتمالية ظهور أعراض التوقف مع مضادات الاكتئاب اللي بتبقى في جسمك لفترة زمنية أقصر، خاصة الأدوية اللي بتأثر على كل من السيروتونين والنوربينفرين، زي دولوكستين (سيمبالتا) وفينلافاكسين ( إيفكسور ).
- بتشمل الأدوية التانية قصيرة المفعول واللب بتأثر بشكل رئيسي على السيروتونين: سيتالوبرام، اسكيتالوبرام (يكسابرو)، باروكستين (باكسيل)، سيرترالين (زولوفت).
- والانسحاب بيكون أقل شيوعًا مع الأدوية اللي بتستغرق وقت أطول عشان يتخلص الجسم منها، زي فلوكستين (بروزاك) أو فورتيوكستين ترينتليكس).
- كمان تم الإبلاغ عن أعراض التوقف عند الأشخاص اللي توقفوا عن تناول أنواع أقدم من الأدوية المضادة للاكتئاب، زي ثلاثية الحلقات ومثبطات مونوامين أوكسيديز (MAOIs).
