أعراض الاكتئاب وطرق علاجه
معظمنا تقريبا بيحس بالحزن أو الوحدة في بعض الأحيان، والمشاعر دي بتكون رد فعل طبيعي للخسارة أو صراعات الحياة أو الثقة بالنفس.
بس لما تتحول المشاعر دي لمشاعر عميقة باليأس والإحباط، لدرجة أنها ممكن تسبب أعراض جسدية،وتستمر لفترات طويلة، وقتها ممكن تمنعك من عيش حياة طبيعية ونشيطة، فده معناه إنك بتعاني من الاكتئاب، ووقتها لازم تعرف أن ده هو الوقت المناسب لطلب المساعدة والحصول على العلاج.
شاكك إن عندك اكتئاب؟ دوس هنا واعمل اختبار الاكتئاب
والطبيعي في علاج أي مرض هو التعرف على أعراضه، بس لسوء الحظ، حوالي نص الأشخاص المصابين بالاكتئاب، مش بيتم تشخيصهم أو علاجهم، وهنا هنشرح أعراض الاكتئاب وطرق علاجه
المحتويــات
ما هي علامات وأعراض الاكتئاب
التشاؤم والإحباط
- الاكتئاب الشديد هو اضطراب مزاجي بيأثر على الطريقة اللي بتشعر بيها حيال الحياة بشكل عام، وامتلاك نظرة يائسة أو عاجزة عن حياتك ده من أكبر أعراض الاكتئاب شيوعًا.
- المشاعر التانية بتشمل انعدام القيمة أو كره الذات أو الشعور بالذنب غير المناسب.
فقدان الاهتمام واللامبالاة
- للأسف الاكتئاب مرض خطير وقادر أنع ينتزع المتعة أو الاستمتاع بالحجات اللي تحبها، ويعتبر فقدان الاهتمام أو الانسحاب من الأنشطة اللي كانت تهمك زي الرياضة أو الهوايات أو الخروج مع الأصدقاء، علامة مهمة على الاكتئاب.
زيادة التعب ومشاكل النوم
- جزء من سبب فقدان الاهتمام بالأنشطة اللي بتستمتع بيها هو شعورك بالتعب الشديد، وده لآن غالبًا الاكتئاب بيجي مصحوب بنقص في الطاقة، وشعور غامر بالإرهاق، واللي بيعتبر من بين أكثر أعراض الاكتئاب الموهنة، وده بدوره ممكن يسبب اضطرابات النوم.
- الاكتئاب كمان بيرتبط بالأرق، وهم نتيجة وسبب لبعض، وممكن كل واحد فيهم يتسبب في تفاقم أعراض التاني.
القلق
- بينما لم يثبت أن الاكتئاب يسبب القلق، إلا أنه غالبًا الحالتين مرتبطين ببعض، وأعراض القلق بتمشل، العصبية أو الأرق أو الشعور بالتوتر، مشاعر الخطر أو الذعر أو الرهبة، سرعة دقات القلب، تنفس سريع، مشكلة في التركيز أو التفكير بوضوح.
التهيج عند الرجال
- الاكتئاب بيأثر على الجنسين بشكل مختلف، بتظهر الأبحاث أن الرجالة المصابين بالاكتئاب ممكن يعانوا من أعراض زي التهيج أو الهروب أو السلوك المحفوف بالمخاطر، أو تعاطي المخدرات أو الغضب في غير محله.
تغيرات في الشهية والوزن
- بنلاحظ أن الوزن والشهية بيتغيروا في الناس المصابين بالاكتئاب، فمثلا بتزداد الشهية عند بعض الناس ووزنهم بيزيد، في حين البعض ممكن بيفقدوا الشهية والوزن.
التفكير في الموت
- يرتبط الاكتئاب أحيانًا بالانتحار، في سنة 2013 ، توفي أكتر من 42000 شخص بسبب الانتحار في الولايات المتحدة، وفقًا لـ مراكز السيطرة على الأمراض والوقاية منها.
طرق علاج الاكتئاب
لحسن الحظ الاكتئاب رغم خطورته ممكن يتم علاجه÷ وبتعتمد خطة علاجك على النوع اللي بتعاني منه ومدى شدته، بعض الناس بيتلقوا علاج نفسي، بجانب مضادات الاكتئاب، وممكن كمان استخدام تقنيات تحفيز الدماغ زي العلاج بالصدمات الكهربائية أو التحفيز المغناطيسي عبر الجمجمة.
وكل شخص تقريبا بيكون ليه خطة علاج خاصة وده بيعتمد علي تشخيصة وأعراضه، فممكن تحتاج إلى تجربة أدوية مختلفة وبجرعات مختلفة للعثور على أفضل علاج لك، وغالبا بيستغرق الأمر بعض الوقت عشان تظهر مضادات الاكتئاب مفعولها الكامل.
أدوية الاكتئاب
- مضادات الاكتئاب بتساعد في تحسين مزاجك وتخفيف الحزن واليأس، وطريقة عملها متعلقة بدوائر الدماغ اللي بتساعد في إدارة حالتك المزاجية.
- المواد الكيميائية الرئيسية التلاته هي النوربينفرين والسيروتونين والدوبامين، بتظهر الأبحاث أنه في حالة الاكتئاب، دوائر الدماغ اللي بتستخدم المواد الكيميائية دي مش بتعمل بشكل صحيح.
- ومضادات الاكتئاب بتقوم بتعديل المواد الكيميائية بحيث تعمل الدوائر بشكل أفضل، وده ممكن يساعد في تحسين حالتك المزاجية.
- عادة بينصح الطبيب بالاستمرار في تناول الأدوية لفترة حتى بعد الشعور بالتحسن، وده بيساعد في تقليل فرص عودة الأعراض، وبتعتمد المدة اللي هتحتاجها للبقاء على مضادات الاكتئاب على أعراضك، ومدى تحسنها، وما إذا كنت قد أصبت بالاكتئاب من قبل.
- الأنواع الرئيسية لمضادات الاكتئاب هي مثبطات امتصاص السيروتونين الانتقائية، ، مضادات الاكتئاب ثلاثية الحلقات (TCAs)، ومثبطات مونوامين أوكسيديز.
العلاج النفسي
- وهو معروف باسم العلاج بالكلام، ومن خلاله هتتعلم طرق جديدة للتعامل مع التحديات والعقلية اللي بيسببها الاكتئاب، وإذا كان اكتئابك خفيف إلى متوسط ، فقد يعمل العلاج النفسي بالإضافة إلى مضادات الاكتئاب.
