أعراض الاكتئاب والقلق النفسي
وفقًا لجمعية القلق والاكتئاب الأمريكية (ADAA)، اضطرابات القلق اللي بتشمل اضطراب القلق العام واضطراب الهلع واضطراب القلق الاجتماعي، هي من أكتر مشاكل الصحة العقلية شيوعًا بين البالغين في الولايات المتحدة، وده لأنها بتأثر على 18.1٪ من السكان كل عام.
كمان بتعتبر اضطرابات المزاج واللي بتشمل الاضطراب الاكتئابي الشديد والاضطراب ثنائي القطب، والاضطراب العاطفي الموسمي السبب الرئيسي لاضطرابات القلق.
شاكك إن عندك اكتئاب؟ دوس هنا واعمل اختبار الاكتئاب
علاوة على كده، غالبًا القلق والاكتئاب بيسيروا جنبًا إلى جنب، وكمان الناس اللي بيعانوا من الاكتئاب الشديد غالبا بيعانوا من القلق الشديد والمستمر، وكمان بعض الخبراء بيقدروا أن 60% من الأشخاص اللي بيعانوا من القلق بيعانوا من أعراض الاكتئاب، وفقًا للتحالف الوطني للأمراض العقلية (NAMI)،،، تابع القراية عشان تعرف أعراض الاكتئاب والقلق النفسي والعلاقة بينهم.
المحتويــات
القلق والاكتئاب: أيه العلاقة بينهم
- أبحاث الصحة العقلية بتشير إلى أن الاكتئاب والقلق غالبًا بيصيبوا الشحص في نفس الوقت وبيتعايشوا معا، وده لأنهم تقريبا بيكونوا ناتجين عن نفس العوامل أو عوامل متشابهة.
- وفقًا لمقال نُشر في مايو 2020 في المجلة الأمريكية للطب النفسي، ممكن تما الأسباب المتداخلة للاكتئاب والقلق النفسي:
- العوامل الجينية، ودي بتساهم في 40 في المائة من الاستعداد لأعراض الاكتئاب والقلق، مع 60 في المائة تُعزى إلى عوامل بيئية غير موروثة، وغالبا ما بيكون التاريخ العائلي خاصة مع القلق أكتر من الاكتئاب هو السبب، وبالتالي نقدر نقول أن المريض بيكون عنده استعداد وراثي للحالة دي.
- العوامل البيئية، بيتم الإشارة ليها بالعوامل الاجتماعية، وبتشمل تجارب زي الصدمة أو الإهمال في مرحلة الطفولة المبكرة، والضغوط الحالية زي صعوبات العلاقات والبطالة والعزلة الاجتماعية والمرض الجسدي.
- الأشخاص اللي بيعانوا من اضطراب ما بعد الصدمة (PTSD) مثلا وهو اضطراب قلق، من المرجح بشكل خاص أنهم يصابوا بالاكتئاب، وده طبعا وفقًا للمعهد الوطني للصحة العقلية (NIMH).
- التعب والألم المزمن: وخاصة متلازمات الألم المسببة للإعاقة زي الألم العضلي الليفي، ومتلازمة القولون العصبي، وآلام أسفل الظهر، والصداع، وآلام الأعصاب، كلها مرتبطة ارتباط وثيق بالضيق النفسي، بما فيها القلق والاكتئاب، كمان الأبحاث بتشير إلى أن “الألم يشترك في بعض الآليات البيولوجية مع القلق والاكتئاب”.
- في النهاية، لما بتحس بالقلق، بيكون عندك نوع من التفكير السائد بخصوص بعض القلق أو المشاكل وبتشعر بالسوء والضيق، وبعدين بتحس أنك فشلت وبعدها بتنتقل إلى الاكتئاب، وبالمثل غالبًا الأشخاص المصابون بالاكتئاب بيحسوا بالقلق، عشان كده يمكن لواحد منهم إثارة التاني.
أعراض الاكتئاب والقلق النفسي
وفقًا للدليل التشخيصي والإحصائي الحالي للاضطرابات العقلية (DSM-V)، التصنيف القياسي للاضطرابات العقلية اللي بيستخدمه المتخصصين في الصحة العقلية، القلق والاكتئاب ممكن يشتركوا في الكتير من الأعراض الشائعة، بما فيها على سبيل المثال لا الحصر:
- التعب والاجهاد.
- صعوبة في التركيز أو تفريغ العقل,
- التهيج.
- اضطراب النوم (صعوبة في النوم أو النوم مدة طويلة أو نوم مضطرب).
- خوف وقلق مستمر وغير عقلاني.
- الأعراض الجسدية زي تسارع ضربات القلب، والصداع، والهبات الساخنة، والتعرق، وآلام البطن، و صعوبة التنفس.
- التغييرات في الأكل، سواء أكانت كثيرة أم قليلة.
- الشعور المستمر بالحزن أو انعدام القيمة.
- فقدان الاهتمام بالهوايات والأنشطة.
- قلة القدرة على الاسترخاء.
- نوبات ذعر.
- الحزن ومشاعر اليأس والإحباط.
هل يمكن معالجة القلق والاكتئاب معًا
لحسن الحظ خط علاج القلق النفسي والاكتئاب بيمشي في نفس الاتجاه، ولأنهم من الأمراض النفسية الخطيرة فضروري مجرد ما تحس أن عندك أعراض واحد منهم إنك تطلب المساعدة وتبدأ العلاج في أسرع وقت ممكن.
وطبعا أول خطوة للعلاج هي أنك تحصل على تقييم شامل من طبيب نفسي، ودا طبعا لاستبعاد الاضطراب ثنائي القطب.
بتتضمن استراتيجيات العلاج الفعالة عادةً مزيج من العلاج بالكلام (العلاج النفسي) والأدوية وبعض التغييرات في نمط الحياة، ووفقًا لبحث تم نشره في ديسمبر 2015 في المجلة العالمية للطب النفسي، خطة العلاج ممكن تشمل:
- العلاج السلوكي المعرفي (CBT)، وهو بيركز على تعليم الناس تحدي أفكارهم السلبية لاستخدام مهارات التأقلم، وتقنيات الاسترخاء لتقليل التوتر، وهو مش مجرد علاج للقلق والاكتئاب، ولكنه أفضل علاج نفسي تمت دراسته لعلاج الألم.
- الأدوية المضادة للاكتئاب، ودي بتشمل، مضادات الاكتئاب ومنها مثبطات امتصاص السيروتونين الانتقائية (SSRIs)، زي بروزاك ( فلوكستين )، (ليكسابرو (إكيتالوبرام)، باكسيل ( باروكستين)، زولوفت (سيرترالين).
- التمرين: ممارسة التمارين الرياضية بتساعد في تخفيف أعراض كل من الاكتئاب والقلق النفسي، على الرغم من عدم وضوح السبب تمامًا.
- وفقًا لمايو كلينيك، أحد الأسباب لأهمية التمرين هو أن التمرين بيطلق مواد كيميائية بتحسسك بالسعادة في الدماغ واللي بتعزز شعورك بالراحة.
