أعراض الاكتئاب والخوف
اضطراب القلق، هو نوع من حالات الصحة العقلية، وهو بينطوي على الخوف والرهبة من موافق معينة، وكمان أعراض جسدية زي خفقان القلب والتعرق.
إذا كان القلق شديد، ففي احتماله أن يتشابك مع الاكتئاب، وهو اضطراب مزاجي خطير بتخنلف شدته ومدة استمراره من شخص للتاني، ولكنه بيتشرك مع الخوف والقلق في نقطة وهي: عدم القدرة على الاستمتاع بالحياة.
شاكك إن عندك اكتئاب؟ دوس هنا واعمل اختبار الاكتئاب
تابع القراية عشان تعرقي يعني أيه خوف وأيه هي أسبابه وكمان هنوضحلك أعراض الاكتئاب والخوف
المحتويــات
أيه هو الخوف
- الخوف عاطفة إنسانية طبيعية وقوية وبدائية، وهو شعور بينطوي على استجابة كيميائية حيوية واستجابة عاطفية فردية عالية.
- الخوف بينبهنا لوجود الخطر أو التهديد بالضرر سواء كان الخطر ده جسدياً أو نفسياً، وهو بينبع أحيانًا من تهديدات حقيقية، بس أوقات تانية بينشأ من مخاطر متخيلة.
- الخوف ممكن يكون في بعض الأحيان واحد من أعراض بعض حالات الصحة العقلية زي اضطراب الهلع، واضطراب القلق الاجتماعي، والرهاب واضطراب ما بعد الصدمة (PTSD)، والاكتئاب.
- بس الأمر بيصبح مقلق من الناحية السريرية في حال استمر الشعور بالخوف حتى في حالة مكنش في أي تهديد وفي حالة بدأ في التدخل في الوظائف والعلاقات اليومية.
- أسباب الخوف والقلق واضحة، زي فقدان وظيفة أو منزل، أو أسباب بيصعب تحديدها، زي الأحداث الصادمة من الماضي، زي العنف أو الفقر أو الضغوط المرتبطة بالهجرة.
ما هو الاكتئاب وما هي أسبابه
- على عكس التوتر والخوف، يمكن ناس كتير ميعرفوش أسباب الاكتئاب وأعراضه وآلياته، الاكتئاب اضطراب مزاج خطير ممكن لطبيعته المنهكة تخلي المريض يفقد القدرة على العمل في جميع مجالات الحياة، بما فيها الشغل والعلاقات والأنشطة.
- منظمة الصحة العالمية بتصنف الاكتئاب كسبب رئيسي للإعاقة في جميع أنحاء العالم، وهو اضطراب مميت في بعض الأحيان في حالة قاد الشخص للتفكير والتخطيط للانتحار.
- في الفترة اللي عدت تحول الباحثون من اعتبار الاكتئاب اختلال كيميائي حيوي للناقلات العصبية – زي السيروتونين والدوبامين والنورادرينالين – لنظرة أوسع للمرض، واللي ممكن يكون ناتج عن تغيرات في النشاط الكهربائي بين الخلايا العصبية أو الأعصاب الخلايا في الدماغ، ففي حالة الاكتئاب بتقل قدرة الخلايا العصبية على الاتصال ببعضها البعض.
- يمكن للحظة دي مفيش دراسة تصويرية مؤكدة أو علامة بيولوجية ممكن تعرفنا ما إذا كان الشخص مصاب بالاكتئاب وأيه هو نوع الاكتئاب اللي بيعاني منه، أو سبب إصابته به.
- وعدم القدرة على تحديد الأسباب الأساسية للاكتئاب معناه أن العلاج، على الرغم من فعاليته بالنسبة للبعض، بيعتمد بشكل أساسي على نهج التجربة والخطأ.
- ومع ذلك، للأطباء النفسيين قادرين على وصف الأدوية، وكمان علماء النفس أو المعالجين المتخصصين قادرين على وصف أنواع مختلفة من العلاج.
أعراض الاكتئاب والخوف
الاكتئاب مرض مؤلم، ممكن تشمل أعراضه الجسدية فقدان الوزن أو اكتسابه، وقلة النوم، والألم الجسدي، والتحدث أو التحرك ببطء أكثر من المعتاد، وممكن تشمل مظاهره العقلية الحزن المستمر، واليأس والقلق والشلل العقلي.
دا غير أن مريض الاكتئاب ممكن يحس أنه عبء على الناس وده ممكن يخليه ميطلبش المساعدة وممكن ينتهي بيه الأمر بالانسحاب الاجتماعي.
حاجة تانية كمان وهي أن الاكتئاب ممكن يسبب اجترار الأفكار والشعور بالذنب، وبيضعف قدرة الشخص على التفكير أو التركيز وتكوين الذكريات.
التعرف على الاكتئاب والقلق والخوف أحيانا بيتطلب من التفكير الصادق في سلوكياتك ومشاعرك وعاداتك، ومن أهم علامات الاكتئاب:
- اللامبالاة، وهي فقدان الاهتمام بالأنشطة اللي كنت بتحبها، وكمان بتحس أن الحياة فقدت الكتير من المعنى لدرجة أنك بتحس بالفراغ.
- اليأس، وهو احساسك أن مفيش في إيدك حاجة تعملها عشان تحسين حياتك.
- التغييرات في العادات، زي النوم الكتير أو الأرق، أو الأكل أقل أو أكتر من المعتاد، وده بدوره ممكن يسبب الانخراط في سلوك محفوف بالمخاطر، زي الشرب أو تعاطي المخدرات.
- التعب المستمر، من الطبيعي أنك تحس بالتعب في نهاية اليوم، بس لو كنت تعبان ومجهد طول الوقت، فده ممكن يكون بسبب الاكتئاب أو القلق.
- صعوبة التركيز أو اتخاذ القرارات: الناس المصابين بالاكتئاب والقلق بيواجهوا صعوبة في اتخاذ القرارات لأنهم بيخافوا وبيقلقوا من أن قراراتهم تكون غلط، دا غير إنهم بيواجهوا دايما صعوبة في التركيز أو الاهتمام بالآخرين.
- تقلب المزاج: وهو إن الشخص بيكون غير صبور وانفعالي وعصبي حتى على أسباب تافهه.
- العزلة والانسحاب: دايما بتحس انك عايز تكون لوحدك، وبتواجه صعوبة في التعامل مع الناس والانخراط في الأنشطة الإجتماعية.
