أعراض الاكتئاب الأولى
كل واحد مننا بيمر بفترة تغيرات في المزاج، وممكن يحس بالحزن أو الضيق نتيجة لعدد من العوامل الحياتية، وناس كتير أوقات بيقولوا أنهم بيعانوا من الاكتئاب لما بيحسزا بالحزن أو بالإحباط، بس ده مش معناه أنهم بالضرورة بيعانوا من الاكتئاب.
الاكتئاب هو اضطراب مزاجي ومرض عقلي شائع بيصيب حوالي 1 من كل 6 منا، وفيه بتحس بالحزن المستمر لأسابيع أو شهور، وبيأثر على قدرتك على القيام بالأنشطة اليومية، أو الشعور بالمتعة أو الاهتمام بالأنشطة، وعشان تعرف أعراض الاكتئاب الأولى تابع قراءة المقالة.
شاكك إن عندك اكتئاب؟ دوس هنا واعمل اختبار الاكتئاب
المحتويــات
ازاي أكتشف العلامات الاكتئاب الأولى
مش كل الناس اللي بيعانوا من الاكتئاب بتظهر عليهم الأعراض النمطية للحزن واليأس، أوقات بتكون العلامات الوحيدة اللي ممكن تظهر عل ى المريض هي الأعراض الجسدية، زي التعب أو الأرق أو تغيرات الوزن.
ممكن تشمل العلامات التانية للاكتئاب الخفي تعاطي الكحول أو المخدرات، والتصرف سريع الانفعال أو الغضب، وفقدان الاهتمام بالأنشطة الممتعة زي الجنس والهوايات.
وضروري نفهم افهم أن الشخص اللي بيعاني من الاكتئاب ممكن متظهرش عليه أي أعراض واضحة، ومع ذلك في بعض العلامات لازم نحاول نكتشفها زي تغيرات السلوك، أو التعب والإرهاق المستمر والعزلة أو العصبية والنرفزة بسرعة.
أيه هي الأعراض المبكرة للاكتئاب
في حالة كنت محتار بخصوص الشعور بالاكتئاب ومش عارف اللي بتعاني منه ده هل هو اكتئاب أو مجرد شعور مؤقت بالحزن، هنقولك على بعض العلامات والأعراض اللي ممكن تساعدك في تشخيص حالتك:
الشعور بالغضب أو الانفعال
- كتير من الناس مش بيربطوا بين الغضب والتهيج والاكتئاب، فبدلًا من الظهور بمظهر حزين، ممكن يُظهر بعض الأشخاص المصابين بالاكتئاب تهيجًا وغضبًا صريحًا أو مكبوتًا.
انخفاض الدافع الجنسي
- وفقًا للدكتورة جينيفر باين، مديرة مركز اضطرابات المزاج عند النساء في جونز هوبكنز ميديسن في بالتيمور، ماريلاند، بعض المهنيين الصحيين بيعتبروا أن التغيرات في الدافع الجنسي مؤشر رئيسي لتشخيص نوبات الاكتئاب.
- وفي أسباب كتيرة ممكن تؤدي لانخفاض الرغبة الجنسية عند مريض الاكتئاب، زي فقدان الاهتمام بالأنشطة الممتعة، التعب وانخفاض مستويات الطاقة، احترام الذات متدني.
السعادة القسرية
- في بعض الأحيان، بيشير الناس للاكتئاب الخفي على أنه “اكتئاب مبتسم”، وده لأن الأشخاص اللي بيخفون أعراضهم ممكن يظهروا بوجه مبتسم لما يكونوا مع الناس.
- ومع ذلك، من الصعب الحفاظ على السعادة القسرية، عشان كده القناع بيقع وبيظهر على الشخص علامات الحزن أو اليأس أو الوحدة.
من أهم الأعراض التانية للاكتئاب:
- زيادة أو انخفاض مفاجئ في تناول الطعام.
- استهلاك الكحول للتعامل مع مشاعر الحزن واليأس.
- التشاؤم والشعور بالدونية.
- انخفاض كبير في التركيز يؤثر على الأداء الأكاديمي والإنتاجية في العمل.
- الأفكار الانتحارية.
- النوم الكتير أو الشعور بالأرق.
- الشعور بالاختفاء والعزلة الاجتماعية.
- الخمول في جميع الأوقات.
- زيادة أو نقصان وزن الجسم بشكل مفاجئ.
ليه بنحس بالاكتئاب
- الوراثة: حسب الأبحاث الطبية، الاكتئاب ممكن يتنقل بين الأجيال، عشان كده لو تعرض أي فرد في عيلتك للاكتئاب، وكنت حاسس بالوحدة والضيق، فمن المحتمل أنك بتعاني من الاكتئاب.
- كيمياء الدماغ: النواقل العصبية (كيماويات الدماغ) داخل دماغنا، هي المسؤولة عن نقل المعلومات بين الخلايا العصبية، في الوقت اللي بتتحكم بعض النواقل العصبية زي السيروتونين والنورادرينالين في مزاجنا، هشان كده لو كنت بتحس بالضعف، فمن المحتمل أن يكون عدد المواد الكيميائية في الدماغ أقل.
- تعير الهرمونات أو الإجهاد أو إدمان الكحول: الإجهاد العقلي والكحول وتعاطي المخدرات أو عدم التوازن الهرموني، ممكن يؤثر بشكل كبير على مزاجك، ويستنزف طاقتك من غير سبب واضح وبيخليك تحس بالخمول.
- الصدمة أو التوتر: فترات التوتر الشديد أو الأحداث المؤلمة أو التغيرات الكبيرة في الحياة، ممكن تسبب نوبة من الاكتئاب.
- سمات الشخصية: تدني احترام الذات أو التشاؤم ممكن يتسبب في زيادة خطر الإصابة بالاكتئاب.
- الأمراض: ممكن تؤدي الإصابة بحالة صحية عقلية أو جسدية، أو تناول بعض الأدوية لزيادة خطر الإصابة بالاكتئاب.
