أسباب الاكتئاب والحزن
ليه الاكتئاب مرض خطير؟ أكتر حاجه تخوف في الاكتئاب إنه وبيمتص طاقة الإنسان وبيكسره وبيغير تصرفاته وبيسببله الحزن.
الفرق كمان بين الاكتئاب وباقي الاضطرابات النفسية التانية زي الهوس والفصام، إن في الامراض دي المريض بيكون مش واعي ولا مدرك لسلوكه وتصرفاته فمش حاسس بأي ألم، لكن مريض الاكتئاب بيكون شايف بعنية طاقته وهي بتتسرق، وتوهجة ونشاطة وهو بينطفي قدام عنيه، وده بيدخله في حالة من الحزن وشويه بشويه الحزن ده بيتحول ليأس وبيفقد الأمل نهائي انه يرجع زي الاول.
شاكك إن عندك اكتئاب؟ دوس هنا واعمل اختبار الاكتئاب
أسباب الاكتئاب والحزن مش ضروري تكون مقبوله ومنطقيه للي حواليه، فمش ضروري تقبلنا للاحداث والظروف يكون متشابه لاننا مش شبة بعض في الاحتياجات والبيئة والتكوين النفسي والتنشئة الأسرية.
المحتويــات
تعريف الاكتئاب وأعراضه
الاكتئاب هو حالة طبية بتظهر أعراضها من خلال مزاجك ووظائفك، في حالة إنك بتعاني من الاكتئاب، فده هيخليك تشعر بالحزن أو القلق أو اليأس، الاكتئاب في منه أشكال مختلفة وفي مجموعة متنوعة من التشخيصات للاكتئاب ومدى شدته، الاكتئاب حالة خطيرة وممكن يؤدى عدم علاجه لعواقب خطيرة.
الاكتئاب مش مجرد حالة ليها سبب محدد، وممكن يحصل نتيجة أسباب كتير وليه العديد من المحفزات، عادة الاكتئاب مش بيظهر فجأة ومش بيتطور بسرعة بل بيتطور على مدى فترات زمنية طويلة
الأسباب الأربعة الرئيسية للاكتئاب
1. تاريخ العائلة
على الرغم من عدم وجود جينات محددة يمكننا مراقبتها وتتبع الاكتئاب، ولكن العلماء بيقولوا إنك في حالة أحد أفراد عيلتك مصاب بالاكتئاب، فأنت كمان معرض للإصابة، ومع ذلك ما زال العلماء بيتناقشوا حول ما إذا كان الارتباط ده بيرجع إلى السلوك المكتسب أو علم الأحياء أم لا.
2. المرض والمشاكل الصحية
ممكن يكون للأمراض أو الإصابات الجسدية تأثير كبير على صحتك العقلية، المشكلات الصحية المزمنة أو المشكلات الصحية طويلة المدى أو مشكلات الصحة البدنية اللي بتغير نمط حياتك بشكل جذري ممكن جدا تسبب الإصابة بالاكتئاب.
دا غير أن المشكلات المتعلقة بالدماغ أو الهرمونات أو الدورة الشهرية أو انقطاع الطمث، أو انخفاض نسبة السكر في الدم أو مشاكل النوم شديدة التأثير على الصحة العقلية.
3. الأدوية والمخدرات والكحول
من المعروف أن الكتير من الأدوية ليها آثار جانبية مؤسفة للاكتئاب، فلو شعرت بالاكتئاب بعد بدء دوا جديد، فعليك البحث عن آثاره الجانبية أو تتكلم مع الدكتور، لأنه ممكن يديك بديل أفضل.
بالإضافة لكده، العقاقير الترويحية وتعاطي الكحول قد يتسبب في الإصابة بالاكتئاب أو تفاقمه، في حين أن المريض في الأول ممكن يحس بتحسن في البداية، إلا أن الأدوية دي هتخلي حالتك تسوء مع الوقت.
4. سمات الشخصية
بعض الأشخاص والشخصيات أكثر عرضة لتجربة الاكتئاب، على سبيل المثال، الأشخاص اللي بيميلوا للقلق والتوتر، أو عندهم ثقة متدنية بالنفس، أو اللي بيحثوا عن الكمال، أو اللي مش بيتقبلوا النقد ، دول بطبيعة الحال أكثر عرضة للإصابة بالاكتئاب.
أسباب إضافية للاكتئاب
بالإضافة للأسباب اللي فوق في أسباب تانية الاكتئاب وهي:
أحداث الحياة
الأبحاث بتشير أن أحداث الحياة ممكن تزيد من فرص إصابتك بالاكتئاب، تتضمن أمثلة على الأحداث دي:
- فقدان الوظيفة.
- العلاقات العاطفية المؤذية.
- الإجهاد في العمل.
- العزلة والوحدة.
- التعرض للانفصال أو الطلاق.
- موت وخسارة شخص عزيز عليك.
المواد الكيميائية في الدماغ
كيميا الدماغ هي مجال معقد ومتطور إلى حد كبير، ومازال الكتير منها قيد البحث، بالإضافة لكده في عوامل كتير إلى جانب كيميا الدماغ البسيطة ممكن تسبب الاضطراب الاكتئابي، عشان كده الاكتئاب مش بيجي بسبب نقص بعض المواد الكيميائية بيس، لأن في عمليات محددة بين الخلايا العصبية ممكن تسهم في الاكتئاب.
