أساليب علاج الاكتئاب
الاكتئاب، هو مرض عقلي شائع وخطير وبيأثر سلبًا على شعورك وطريقة تفكيرك وتصرفك، ويتسبب في الشعور بالحزن أو فقدان الاهتمام بالأنشطة، وكمان ممكن يسبب مجموعة متنوعة من المشاكل العاطفية والجسدية.
البيانات بتقول أن الاكتئاب بيصيب شخص من بين كل 15 بالغًا (6.7٪) في أي عام، وممكن كمان يصيب الشخص في في أي وقت، ولكن في المتوسط، بيظهر لأول مرة خلال فترة المراهقة المتأخرة وحتى نص فترة العشرينات.
شاكك إن عندك اكتئاب؟ دوس هنا واعمل اختبار الاكتئاب
دا غير إن النساء أكثر عرضة من الرجال للإصابة، وبتظهر بعض الدراسات أن ثلث النساء معرضين للإصابة بنوبة اكتئاب شديدة في حياتهك، وأن في درجة عالية من التوريث (حوالي 40٪) لما بيكون عندك حد في العيلة من الدرجة الأولى (الآباء / الأطفال / الأشقاء) بيعاني من الأكتئاب من الاكتئاب.
لحسن الحظ إن المرض ده رغم خطروته ممكن علاجه، وبتتنوع أساليب علاج الاكتئاب من العلاج النفسي لـ العلاج بالأدوية، لكن أهم حاجة في علاج مريض الاكتئاب هي حصوله على الدعم النفسي.
كيفية علاج الاكتئاب
الاكتئاب من أكثر الاضطرابات النفسية قابلية للعلاج، ما بين 80٪ و 90٪ من المصابين بالاكتئاب بيستجيبوا بشكل كبير للعلاج في نهاية المطاف.
قبل التشخيص أو العلاج، من الضروري أن أخصائي الصحة يقوم بإجراء تقييم تشخيصي شام ، بما في ذلك المقابلة والفحص البدني.
في بعض الحالات، قد ممكن يتم إجراء فحص دم للتأكد من أن الاكتئاب مش سببه حالة طبية زي مشكلة الغدة الدرقية، أو نقص الفيتامينات، وهيحدد التقييم ده أعراض محددة ويستكشف التاريخ الطبي والعائلي وكمان العوامل الثقافية والبيئية، عشان يتم وضع خطة العلاج المناسبة.
الأدوية:
كيميا المخ بتساهم بشكل أكيد في الإصابة وممكن كمان تكون عامل مهم فيالعلاج، عشان كده بيتم وصف مضادات الاكتئاب للمساعدة في تعديل كيميا الدماغ، الأدوية دي مش مهدئات أو “أغذية”، وكمان الأدوية المضادة للاكتئاب مالهاش تأثير محفز على الأشخاص اللي مش بيعانوا من الاكتئاب.
مضادات الاكتئاب أوقات كتير بتساعد في تحسن الأعراض خلال الأسبوع أو الأسبوعين الأولين من الاستخدام، ومع ذلك ممكن الفوائد الكاملة للمضادات متظهرش لمدة شهرين إلى 3 شهور.
ولو المريض حس بتحسن طفيف أو محسش لأي تحسن في حالته بعد أسابيع، بيقوم المعالج النفسي بتغيير جرعة الدوا أو إضافة أو استبدال مضاد اكتئاب تاني.
الأطباء النفسيين عادةً بيوصوا أن المريض يستمر في تناول الأدوية لمدة 6 شهور أو أكتر بعد تحسن الأعراض، وممكن اقتراح علاج المداومة على المدى الطويل لتقليل مخاطر النوبات المستقبلية عند الناس المعرضين لخطر كبير.
الآثار الجانبية للدوا:
من المعروف أن مضادات الاكتئاب زي مثبطات استرداد السيروتونين الانتقائية، ومثبطات استرداد السيروتونين الانتقائية ليها آثار جانبية زي:
- الغثيان.
- إمساك.
- إسهال.
- انخفاض سكر الدم.
- فقدان الوزن.
- طفح جلدي
العلاج النفسي:
أحيانًا بيتم استخدام العلاج النفسي أو “العلاج بالكلام” وحده لعلاج الاكتئاب الخفيف، بالنسبة للاكتئاب المعتدل إلى الشديد، غالبًا ما بيتم استخدام العلاج النفسي مع الأدوية المضادة للاكتئاب.
الدراسات أكدت أن العلاج السلوكي المعرفي (CBT) فعال في علاج الاكتئاب، وهو شكل من أشكال العلاج يركز على حل المشكلات في الوقت الحاضر، وبيساعد الشخص على التعرف على التفكير المشوه / السلبي بهدف تغيير الأفكار والسلوكيات للاستجابة للتحديات بطريقة أكثر إيجابية.
ممكن يشمل العلاج النفسي الفرد فقط، وممكن يشمل مجموعة، العلاج العائلي أو الأزواج ممكن يساعد في معالجة المشكلات داخل العلاقات دي.
اعتمادًا على شدة الاكتئاب، ممكن يستمر العلاج كذا أسبوع أو أكتر، في كتير من الحالات، بيحصل تحسن كبير في 10 إلى 15 جلسة.
العلاج بالصدمات الكهربائية (ECT)
هو علاج طبي مخصص بشكل شائع للمرضى اللي بيعانوا من الاكتئاب الشديد واللي مش بيستجيبوا للعلاجات التانية.
العلاج ده بيتضمن تحفيز كهربائي قصير للدماغ وبيكون المريض تحت التخدير، المريض عادةً بيتلقى العلاج بالصدمات الكهربائية مرتين إلى 3 مرات في الأسبوع.
تم استخدام العلاج بالصدمات الكهربائية في الأربعينيات، وأدت سنوات عديدة من البحث إلى تحسينات كبيرة والاعتراف بفعاليته كعلاج سائد وليس “الملاذ الأخير”.
علاجات طبيعية:
بيستخدم بعض الأشخاص العلاجات الطبيعية، زي الأدوية العشبية، لعلاج الاكتئاب الخفيف إلى المتوسط، ومع ذلك، نظرًا لأن إدارة الغذاء والدواء مش بتراقب العلاجات العشبية ممكن تكون غير آمنة أو فعالة.
بتشمل أهم الأعشاب والنباتات اللي بيستخدمها الناس لعلاج الاكتئاب: نبتة سانت جون، الجينسنغ، البابونج، اللافندر والنعناع.
