0
0 Comments

مبدئيًا انا عندي ١٧ سنة ثانوية عامة … عارف إن العلاقات في وقت زي ده غلط بس الي حصل بقى البنت ديه عارفها من سنتين و كان نفسي أكلمها … كان بقالي فترة بكلمها و كنت عاوز في النهاية بعد ما نخلص ٣ث نعرف بعض اكتر و لو في نصيب الدنيا تمشي ، لكن للأسف هي ما وافقتش على كده عشان هي من وجهة نظرها احنا لسه ما نعرفش احنا عاوزين ايه ( انا عارف من جويا ان ده صح بنسبة ما بس انا حسيت إن الي انا كنت حاسه ده كان بجد و لحد دلوقتي ) ، فا حاولت على قد ما اقدر بكل الطرق ما كنتش ملتزم في الصلاة و إلتزمت عشان الدعاء و في الآخر برضو ما وصلناش لحاجه و كل واحد راح من طريق و مفيش طريقة نتكلم بيها تاني.

( ملحوظة: انا هدفي من البداية كده إن أعرفها أكتر و لو في نصيب نكمل لاني أعجبت بيها جامد، مش تسلية ولا الكلام ده انا مليش فيه أصلًا )

فاضل ٣٧ يوم تقريبًا على الامتحانات و انا حاسس بضيق جامد ، و مش عارف افكر في حاجه ولا اذاكر ، لأن معظم كلامنا كان على الدراسة و كل ما افتح حاجه افتكرها ، مش قادر ابص حتى في وش المدرسين ولا اروح للمدرسين اصلا ، و عاوز أعيط بس مش عاوز أعيط عشان لو عيطت هتبقى دايرة كده مش هعرف أخرج منها + مش المفروض انا كا راجل اعرف اتحكم في مشاعري؟

فا ازاي اتخلص من الشعور السيء ده؟ و حاسس برضو من كتر ما حاولت معاها اني أهنت نفسي فا ازاي اتخلص برضو من الشعور ده؟

MM اسأل 26 أبريل، 2023