ساعد نفسك

5 نصايح بسيطة هتساعدك تقلل من الضغط وتوقف القلق بسرعة

5 نصايح بسيطة هتساعدك تقلل من الضغط وتوقف القلق بسرعة
كتبها سها مطر

القلق هو حالة طبية بتواجه الناس في مختلف الأعمار وهو التحدى المتمثل في أنهم يوجهوا مخاوفهم المجهولة أو اللى ملهاش أساس ويكملوا حياتهم. وهو تحدى صعب بيحتاج في أوقات كتيرة لتدخل طبى وتغييرنمط الحياة علشان الإنسان يحقق التوازن في شخصيته ويكون تحت السيطرة في المواقف المقلقة أو المجهولة بالنسباله.

التغييرات البسيطة بتساعد فعلا في أنك تتغلب على الوضع وبتسهل أنك تتعامل مع التحديات لو أنت مستعد وجاهز.بس ازاى تتغلب على القلق بخطوات بسيطة ؟ دى نصايح مهمة هتساعدك كتير:

  • كمل قايمة الحاجات اللى وراك:

القلق والتوتر غالبا بيحصلوا لما بنفشل أننا ننجز حاجة كنا مخططنلها. ضغط الشغل، الالتزامات العائلية، الضغط الاجتماعى والحياة بشكل عام بتخلى ورانا حاجات لازم نعملها باستمرار خلال اليوم.الفشل في أننا نخلص كل اللى ورانا في الوقت المحدد بيخلق التوتر والقلق.حاول تحصر المهام اللى وراك ل 4 أو 5 عناصر بس، لو مقدرتش تخلصهم كلهم خلص جزء منهم، لأن ده مش بس هيساعدك أنك تتخلص من القلق والتوتر لكن كمان هتحس أنك متمكن وبتنجز. كمان خلص المهام بتاعتك بالراحة وبهدوء ومتحاولش أنك تستعجل أوتوتر نفسك.

  • تقبل فكرة أننا مش مثاليين:

دايما بيحصل فجوة بين اللى أحنا عايزينه وحالنا دلوقتى . الفجوة بين الذات المثالية اللى أحنا عايزنها وذاتنا دلوقتى بتخلق حالة من القلق وعدم الرضا.حاول أنك تتقبل الأشياء زى ما هي. متحاولش أنك  تحرق نفسك علشان توصل للمثالية لأن ببساطة محدش فينا مثالى. لما تكون بتاخد كل حاجة بالراحة مع نفسك هتتشجع أنك تشوف وجهات نظر مختلفة في الحياة. استيعابك للفكرة وتقبلها هيساعدك أنك تتعامل بفعالية أكتر.

  •  احتفل بانتصاراتك الصغيرة:

محاربة القلق بتاخد وقت وغالبا هتحس باحباط لو مشفتش نتايج فورية. لازم تدرك أن الانتصارات الصغيرة مهمة وأى تقدم صغيربيخليك تعيش لحظة من غير قلق بيكون دافع قوى ليك للخروج من حالة لقلق للأبد.

  • كل أكل صحى ومارس الرياضة باستمرار:

مفيش شك أن الأكل الصحى بيساعد على التغلب على القلق، وفي أطعمة معينة بتساعد بسهولة على تخفيف القلق والتوتر زى شاى البابونج (الكاموميل) بيساعد على النوم والسيطرة على الأعصاب.كمان الرياضة ليها تأثير كبير زى أن المشى لمدة 30 ل 45 دقيقة بيساعد كمان على تقليل حدة القلق بسهولة والتمرينات بتعزز الهرمونات اللى بتعمل التوازن لمستويات الكوليسترول ومستوى الإجهاد ممكن يقل بنسبة كبيرة.القلق قابل للشفاء ومع المتابعة وتغيير نمط الحياة، ممكن بسهولة التعامل معاه، بس بيحتاج أنك تركز وتعتز بانتصاراتك الصغيرة علشان توصل لهدفك.

  • الجأ للمساعدة الطبية لو احتاجت :

القلق هو حالة طبية ومن المهم أن الناس اللى بيواجهوا القلق في حياتهم يسعوا للحصول على دعم طبى.وعلى الرغم من أن تغيير نمط الحياة بيساعد بشكل كبيرفى التغلب على القلق، بس مينفعش نقلل من دور الدعم الطبي اللى بيساعد بشكل كبير على عملية الشفاء بسرعة وكمان بشكل دائم.

عن الكاتب

سها مطر