الصحة النفسية

20 خطوة هتساعدك لو عندك اكتئاب وبتشتغل

20 خطوة هتساعدك لو عندك اكتئاب وبتشتغل

لو عندك اكتئاب وبتشتكي من الإرهاق وضغوط الشغل، أو الروتين الممل أو بتحس بالاكتئاب ومش عارف سبب ده ايه، أو  فقدت حماسك اللي كنت بتحس بيه وأن بتشتغل ، وحاسس ان حالتك من السئ للأسوأ، طب فكرت في السبب ورا ده دورت علي الخطوات اللي هتساعدك أنك تشتغل حتي وأن حاسس بكل الأعراض دي وتتخلص من الاكتئاب هنا هنقولك 20خطوة هتساعدك انك تقدر تكمل شغلك حتي وانت مكتئب بس علي 3 مراحل.

والمرحله الأولي : وانت شغال

  •  حاول تعرف السبب الحقيقي اللي وراء شعور بأنك مش سعيد، ممكن يكون السبب موجودا في بيتك أو شغلك، أو حاجه  صغير أنت مش واخد بالك، ابذل مجهود عشان تعرفه، ودي أول خطوات الحل انك تحدد سبب المشكلة.
  •  امشي نصف ساعة كل يوم  في الهواء، عشان تحاول تقلل من الاكتئاب، لما تواظب علي النمط ده من التغيير هتفرق معاك لأن الرياضة بتساعد على تغيير كيمياء الجسم.
  • أشتري بوكية ورد وانت رايح للشغل الصبح وحطه في مكتبكبحث أن كل اللي حواليك يشوفوه، انت هتيبق مرتاح ومبسوط نسبيا وهما كمان وهتضيف لمسه جميلة علي المكان.
  • أبعد عن كل الأفكار السلبية  أي فكرة بتستدعيها في دماغك وتقف قدامها عاجز ومبمنعه عن أنك تشتغل ، من الأحسن أنك ما تفكرش فيها من الأساس عشان هتجيبك لورا.
  • أدي  لنفسك راحة 5 دقائق خلال يوم الشغل، ممكن تسمع فيها موسيقي مع حته شكولاته من النوع المفضل، أو أي نوع من السكريات عشان ليها تأثير نفسي على استرخاء الأعصاب وتعديل المزاج.
  • اقترح على زمائلك في الشغل أنكم تعملوا الإجتماع الأسبوعي أو الشهري في أي مكان بره، هتلاحظ الفرق في ارتفاع مستوى مناقشة أمور الشغل، وهيساعدك أنك تحسن علاقتك بزمايلك في الشغل.
  • خليك مبتسم مهما كانت الظروف ، البحوث أثبتت أن الابتسامة بتأثر على الشرايين اللي تغذي المخ بالدم، فا بيزود تدفق الدم للمخ وبالتالي بيساعد علي الهدوء والإحساس بالبهجة والسرور.
  •  فكر أن ضغط الشغل مش أمرا سلبي في جميع الأحوال، بالعكس دا هيخليك أقوي وقادر علي تحمل المسئولية وأنك تحقيق احلامك وطموحاتك حتي لو فيها ضغط.
  •  حسن حوارك مع النفسك وأبعد عن  تفسير الأمور بصورة مبالغ فيها، يعني مثلا فكر نفسك أن عندك شغلانه بيحلم بيها ناس كتير وأن شغلك بيفيد ماديا ومعنويا غيرك نفسه فيها.
  • اتعلم أنك تقول “لا” للطلبات اللي مش معقولة، نفسك أغلى بكثير من أنك ترهقها بالحاجات اللي متقدرش تتحملها.
  • اتكلم عن بعض إنجازاتك في الشغل، وفكر نفسك إنك عملت إنجاز  في شغلك وفي وقت قصير الكلام ده هيديك شعورا بالثقة بالنفس.

المرحلة التانية : التفريغ النفسي

  • ممكن تستخدم أي طريقة من  طرق التفريغ النفسي زي

– اعمل جلسة فضفضة مع زملائك في الشغل، وخليهم يتكلموا براحتهم أوي، بس هنا لازم تحط شوية ضوابط أن أي كلام هيتقال في الجلسة دي هو سر بينكم، كمان تحتار المكان الآمن والمناسب للحوار ده، ومحدش يتقمس دور الواعظ وأنه ينصح اللي حوالية.

– أو اتبع طريقة الاستشارة النفسية مع شخص ما مدرب على فن الاستماع، الأمر ده هيسمح لك  بأنك تعبر عن مشاعرك، فالحديث والاستماع من قبل شخص بيظهر التفهم والقبول ممكن يساعدك في أنك تكتشف الحاجات اللي بتزعجك.

-أو إمسك ورقة وقلم، واكتب كل اللي بتحس بيع، الكتابة هتساعدك على أنك تفرغ الشحنة التي جواك، كما هتساعد ذهنك علي أنه يتخلص من الأحاسيس السلبية المستمرة.

  • أشرب شوية أعشاب اللي بتساعدك في انك تعدل مزاجك، وبتديك  شعور بالهدوء والاسترخاء زي الكاموميل، أو البردقوش، أو استخدم الزيوت العطرية في “فواحة” على مكتبك، زي زيت اللافندر، أو زيت ماجرام، أو زيت العطر، أو زيت الريحان، أو البرتقال، عشان يديك جوًّا مريح في مكتبك، ويساعدك على أنك تشتغل في جو هادئ.

المرحلة التالتة بعد ساعات الشغل

  •  اشتر لنفسك هدية نفسك فيها وانت مروح للبيت.
  • كل أكله حلوه بتحبها وأنت راجع من الشغل أنت تستهل كده علي فكرة.
  • خد دش دافئ يهدي أعصابك بعد يوم مرهق في الشغل، عشان تقدر تحس بحالة من الهدوء النفسي.
  •  غني أغنية مفضلة ليك، وبصوت مسموع وخد فرصتك في الغنا بس ابعد عن الناس عشان تاخد راحتك.
  •  قابل صحابك المفضلين، الصداقة بتحميك من الاكتئاب، و الصحاب ممكن يساعدوك  في أنك تقلل من خطر الإصابة بأمراض القلب، ويساعدوا إن مناعتك تبقي أحسن.
  •  غير من روتينك العادي في الأجازة الأسبوعية زي أنك تسافر أو تروح تزود حد من العيلة أو تتفرج علي مسرحية جديدة.
  • خلي عندك أيمان بربنا وزود صلتك بيه شوية اطمأن القلب هيساعد الجسم كله أنه يحس بالراحه النفسية.

عن الكاتب

حنان جمـال