الصحة النفسية

15 سبب للتعب و الإرهاق منهم الأكل الغلط وقلة شرب الميه والاكتئاب

15 سبب للتعب و الإرهاق منهم الأكل الغلط وقلة شرب الميه والاكتئاب

الإرهاق والتعب هو شعور طبيعي بيحصل لكتير مننا، بس ساعات مش بنكون عارفين ايه السبب اللي ورا الإحساس بالتعب والإرهاق لانه ممكن يكون عرض لأمراض نفسيه كتير.

ولقوا أن فيه 50% من اللي بيلجأوا للدكاترة عشان يكشفوا بيقولوا أنهم بيحسوا بالتعب ، وهنا هنحاول نقول علي حوالي 15 سبب للتعب والإرهاق اللي منهم الاكتئاب والأكل الغلط وقلة شرب الميه.

  1. قلة ساعات النوم :

وده ممكن يكون الشائع  للتعب لان عدد ساعات النوم المناسبة بتختلف من الشخص للتاني، وفيه أبحاث كتيرة بتقول أن حوالي 8 – 7 ساعات من النوم هي الساعات اللي المفروض يكون ينامها الشخص عشان يحس انه اخد كفاية من النوم، وأن قلة النوم بنعكس بالسلب علي إحساس الشخص بالحيوية في يومه، غير أن ثبت برضه أن النوم لساعات طويلة ممكن يسبب مشاكل طبية كبيرة، زي السمنة مثلا أو الوفاة.

  1. التغذية الغلط:

ممكن تسبب برامج الريجيم الطاحنة ونقص كتير من المغذيات ان الشخص بالتعب والارهاق وانه عامته يبقي مش مظبوط، ودا بيجي من نقص الطاقة اللي بيبقي وظيفتها تبني وتدعيم الجسم. في حال النقص الحاد في الطاقة، بيبدأ الجسم في تفكيك العضلات ومنها للعضم وبالتالي بيأثر علي الأداء اليومي للشخص.

  1. قلة شرب الميه :

خصوصا في الصيف ودا مش معناه ان الشتا عادي ممكن ما نشربش ميه ، بس هنا بنقول علي شرب الميه بشكل عام صيف وشتا لأن قلة شرب الميه ممكن تخلي الشخص يحس بالتعب ، عشان كده المفروض أن الشخص العادي يشرب حوالي من 10 :8 كوبايات من الميه بمعني لترين ميه دا للستات، وللرجاله المفروض يشربوا من 12:10كوبايات ميه في اليوم.

  1. فقر الدم :

وفقر الدم هنا معناه هبوط الهيموجلوبين وكرات الدم الحمراء بالدم ودا بيسبب الإحساس بالتعب والارهاق ، وفيه أسباب كتير لفقر الدم والشائع هو نقص الحديد، فيتامين B12، حامض الفوليك أو الأمراض المزمنة، التصلب المتعدد، أمراض المناعة الذاتية كالذئبة والتهاب المفاصل، السرطان وغيرها، وممكن تسبب الأمراض المزمنة التعب بسبب حالة التهابية مستمرة بتتطلب طاقة كتيرة.

  1. الحمل:

اللي بيميز فترة الحمل التغييرات جسدية كبيرة اللي بتحصل في جسم الست واللي بتحتاج فيها طاقة كبيرة، عشان كده المعروف أن الستات في بداية الحمل بيبقي عنها أحساس بالتعب شديد اللي ممكن يفضل يقد تدريجيا أنا يتطور الحمل ويبقي في الشهور الوسطانية، عشان كده الحمل بيستنفذ كتير من الفيتامينات، الحديد والمعادن اللي ممكن يسبب نقصها تعب وبالتالي بتحتاج الست الحامل أنها تاخد فيتامينات تعويضية قبل ما تحمل وأثناء الحمل ، دا غير أن فترة الخصوبة و فحص الحمل وفحوصات الدم العادية بما فيها للفيتامينات والحديد بتساهم اننا نفهم  أسباب التعب والإرهاق.

  1. الخلل في نشاط الغدة الدرقية :

ممكن الغدة الدرقية النشطة  أنها تسبب التعب الشديد والخمول والإرهاق، وبتشمل علامات وأعراض تانية قصور الغدة الدرقية زي عدم تحمل البرد، والإمساك، وجفاف الجلد، والصوت الأجش، قلة الشهية ، في المقابل، فيه فرط النشاط في الغدة الدرقية بيسبب كمان التعب وضعف العضلات، ارتفاع الشهية،  الخسسان، ارتفاع نبض القلب، العصبية والضيق، و انه يبقي مش قادر يتحمل الحرارة، الإسهال وغيرها، وعشان يتم تشخيص نقص\فرط نشاط الغدة الدرقية لازم  فحص مستوى  الهرمونات بالدم T3،T4 -TSH.

  1. مرض السكري وما قبل السكري:

التعب هو الشكوي الرئيسة لأي حد عنده مرض السكري ، والتعب هنا بيحصل بسبب قلة مستوى الجلوكوز، وفيه علامات تانية ممكن تقول إن الشخص ده عنده سكري زي زيادة العطش، وكثرة التبول، وزيادة الشهية، عدم وضوح الرؤية والالتهابات المتكررة.

  1. السمنة المفرطة:

ممكن يكون الوزن الزايد من أسباب التعب والإرهاق بسبب الثقل الجسدي والأيضي على كل نظم الجسم وبالتالي بيفضل الإنسان التخين أو السمين شوية يحس بالتعب لو عمل أي نشاط بدني.

  1. متلازمة توقف التنفس عند النوم:

ودي ظاهرة بيعاني منها كتير من الناس اللي وزنها زايد أو اللي بيشخروا كتير وهما نيمين، وبتنعكس المتلازمة بعدد كبير من مرات التوقف القصيرة عن التنفس الأمر اللي بيخلص الشخص يصحي من النوم بشكل مؤقت وما يقدرش يرجع ينام تاني ويجي عليه الصبح يبقي تعبان، والشخير في حد ذاته بيشوش علي جودة النوم وبيسبب التعب .

  1. أمراض القلب:

الشخص اللي بيجيلة نوبات القلب بيحس بتعب كبير دا طبعا إشارة أولية، والموضوع ده منتشر عن الستات و الأشخاص المسنين ومرضى السكري، دا غير أن التعب هو مكون في أوساط مرضى القلب، ومن ضمن الأعراض أوجاع في الصدر، صعوبة بالتنفس وأساسا ببذل الجهد وغيرها.

  1. الأدوية:

فيه أنواع كتيرة من الأدوية ممكن هي اللي تكون سبب أسباب التعب والإرهاق زي مثلا: مضادات الهستامين للتحسس، الأدوية اللي بتقلل ضغط الدم، الاستروئيدات، محفزات البول، مخففات الألم، الأدوية المضادة للأكتئاب، المضادات الحيوية وغيرها

  1. مرض كريات الدم البيضاء:

ودا من الأمراض المعدية اللي يسببها فيروس EBV ، ويمكن يكون سبب المرض نفسه من قبل فيروس CMV.

  1. متلازمة التعب المزمن :

ودا مرض بيسبب التعب شديد، وبيوصل الأمر أن الشخص مش بيقدر يقوم حتي من السرير، دا غير أنه بيحس بالام في العضلات، الام في الرأس، قلة نوم، تغييرات في الوزن، اكتئاب، قلق، متلازمة الأمعاء العصبية وغيرها، وجزء من الأشخاص اللي عندهم النوع ده من المتلازمات بيتوقفوا عن العمل والاداء، وبينتشر المرض في بين الستات ، وبيكون التشخيص صعب بسبب مجموعة الشكاوى غير المحددة، دا غير أن فيه كتير من الدكاترة أصلا مش مؤمنين بوجود النوع ده من المرض.

  1. فيبروميالغيا:

ودا مرض بينعكس من خلال الأوجاع المبسطة ، على الأقل لمدة 3 اشهر من غير تفسير فيزيولوجي، دا غير أن فيه حساسية بتحصل لما يضغط علي 11 نقطة من بين 18 نقطة محددة بالجسم، وبتشمله أعراض تانية زي تعب شديد، نوم غير منشط، خلل في التركيز والذاكرة، نشاط معوي إشكالي وممكن الأمر يتطور أنه يبقي متلازمة الأمعاء العصبية،و تصلب صباحي مش بيروح إلا بدوش سخن، دا غير أنه منتشر بين الستات أكتر.

  1. الاكتئاب :

ممكن يكون الاكتئاب من أسباب التعب والإرهاق الشديد أو الشعور بانعدام القوة التام واللي بيمنع الشخص من أنه يكون نشيط في الحياة اليومية.

عن الكاتب

حنان جمـال