ما هي أشد أنواع الاكتئاب؟ 

الاكتئاب أكبر بكتير من شوية إحساس بالحزن. كلنا بنزعل وبنحس بخنقة من وقت للتاني، لكن الاكتئاب مرض بيأثر بطريقة وحشة على المزاج وطريقة التفكير والإحساس. أعراضه كتيرة وممكن تختلف من شخص للتاني، لكن فالعموم هي اليأس والتعب واللامبالاة وبتوصل لوجع الجسم وكمان التفكير في الانتحار. الأعراض دي لو طولت عن أسبوعين فدا اكتئاب.

في أنواع كتيرة من الاكتئاب، منها اللي بيحصل بسبب حاجات حصلت، ومنها اللي بيحصل بسبب تغيير في الدماغ، أو حتى بسبب اختلاف المواسم زي الاكتئاب الموسمي. وكمان الاكتئاب  بيختلف في شدته، يعني في أنواع بسيطة وأنواع شديدة. أما الأعراض فبتتشابه لكن لازم بيكون في اختلافات رئيسية.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

المهم تعرف نوع الاكتئاب اللي عندك علشان دا بيساعدك في علاجه. ومن أشد أنواع الاكتئاب نوع اسمه “الاكتئاب الشديد”.

الاكتئاب الشديد

الاكتئاب الشديد ليه اسم تاني وهو “الاكتئاب أحادي القطب: أو “الاكتئاب الإكلينيكي”، دا بيسبب شعورمستمر بالحزن وعدم الاهتمام بأي حاجة. ممكن يكون عندك النوع دا لو عندك 5 أعراض أو أكتر من الأعراض اللي هنقولك عليها لمدة أسبوعين. والأعراض هي:

  • عدم الاهتمام أو الاستمتاع بأنشطتك
  • شعور بانعدام قيمة
  • شعور دايم بالذنب
  • تفكير سلبي ومتقدرش تلاقي حلول إيجابية
  • شعور بالقلق و الغضب
  • مفيش قدرة عالتركيز
  • بتهاجم الناس اللي بتجبها
  • مهاجمة أحبائهم
  • فراق الأحباب
  • نوم كتير
  • إرهاق والخمول
  • التفكير في الانتحار
  • فقدان الوزن أو زيادته

نوبة الاكتئاب الشديد

نوبة الاكتئاب الشديد بتقعد أسبوعين أو أكتر، وفيها بيحس الشخص بأعراض الاكتئاب الشديد زي اليأس ومفيش متعة والتعب والأفكار الانتحارية. وكمان لازم يكون المزاج وحش ومبيهتمش بأي حاجة حواليه حتى اللي كان بيحبها.

الاكتئاب الشديد ممكن يتعالج؟

الاكتئاب الشديد حالة بتيجي وتروح في حياة الشخص. علشان كدا هو مش بيتعالج خالص، إنما العلاج بيساعد في السيطرة على الأعراض وتقليلها مع مرور الوقت وبيعلم إزاي نتعامل معاها.

أي أفضل علاج للاكتئاب الشديد؟

في علاجات كتيرة للاكتئاب الشديد، زي العلاج النفسي والأدوية المضادة للاكتئاب والعلاج السلوكي المعرفي (CBT) والعلاج بالصدمات الكهربائية (ECT) والعلاجات الطبيعية. خطة العلاج بتختلف من شخص للتاني على حسب الاحتياجات الفردية، لكن عمومًا العلاج الأحسن للاكتئاب الشديد هو الأدوية مع العلاج النفسي.

الاضطراب الاكتئابي المستمر

الاضطراب الاكتئابي المستمر أو الاكتئاب المزاجي، دا شكل طويل من الاكتئاب بيقعد سنين وبيأثر على كل حياة الشخص، وعلشان كدا هو نوع صعب.

اللي عندهم النوع دا مش بيحسوا بالفرحة حتى فالمناسبات الحلوة. الناس بتبصلهم أنهم متشائمين، لكن الحقيقة دا مش ذنبهم هما بيعانوا من مرض صعب ومزمن. لكن أعراضه بتروح وتيجي، كمان أوقات بتكون شديدة أوي وأوقات بتكون أقل، لكن فالعموم ممكن تقعد شهرين في كل مرة. أه الاكتئاب المزاجي مش شديد زي الاكتئاب الشديد ولكن هو بردوا اكتئاب وبيسبب مشاعر حزن ويأس، ومشكلته كمان أنه بيقعد كتير.

الاضطراب ثنائي القطب

دا نوع شديد من الاكتئاب وبيتسمى بردوا ” الهوس الاكتئابي” دا بيسبب تقلبات شديدة في المزاج وتغيرات في الطاقة والتفكير والسلوك والنوم. مع ثنائي القطب الشخص بيحس بإحباط شديد وتفكير فالانتحار، وفجأة يكون سعيد وعنده مشاعر نشوة وطاقة كبيرة. التغيير دا بيحصل كتير يعني ممكن كل أسبوع، وفي نفس الوقت ممكن يحصل مرتين بس فالسنة.

ممكن علشان يتعالج الشخص ياخد أدوية تثبت الحالة المزاجية، زي الليثيوم، وأدوية تانية زي مضادات الاكتئاب ومضادات الذهان. أهم حاجة أن الدكتور هو اللي لازم يوصف الأدوية.

هو اضطراب ثنائي القطب وراثي؟

العلماء محددوش سبب أساسي ليه. لكن ممكن تكون الجينات هي السبب لحوالي 60-80% من الحالات. يعني أه الوراثة بتلعب دور كبير فالإصابة بثنائي القطب.

في علاج لاضطراب ثنائي القطب؟

دلوقتي مفيش علاج ليه، لكن ممكن السيطرة عليه بخطة علاج بتعتمد عالأدوية مع العلاج النفسي.

الاكتئاب الذهاني

في حوالي 20% من المصابين بالاكتئاب بيجلهم نوبات شديدة بتوصلهم لأعراض الذهان. والنوع دا اللي بيميزه السلوك الغريب والمعتقدات الغلط، والأوهام، ومشاهد وأصوات مش موجودة، يعني بيحصل للشخص هلاوس.

أعراض الذهان

بداية أعراض الذهان بتكون شكل في اللي حواليك، والبعد عن الناس حتى أهلك أو قرايبك أو أصحابك. كمان مشاعر سلبية، وصعوبة في التفكير، وقلة النظافة الشخصية، ومفيش اهتمام بالشغل أو الدراسة. علشان يتشخص حد بالذهان، لازم يمر بنوبة تقعد أسبوعين أو أكتر ويكون عنده هلوسة.

هل الاكتئاب الذهاني بيتحول لانفصام؟

الاكتئاب اضطراب مزاجي والفصام مرض ذهاني. أه الأتنين بيشتركوا في أعراض الذهان، لكن دا مش معناه أن الاكتئاب الذهاني هيتحول لانفصام في الشخصية. لكن العكس ممكن يحصل، يعني الناس اللي عندها انفصام لما بيعرفوا حقيقة مرضهم ممكن يجلهم اكتئاب.

الاكتئاب غير النمطي

على الرغم من اسمه، ممكن يكون النوع دا من أهم أنواع الاكتئاب. بيختلف الاكتئاب اللانمطي عن الحزن المستمر أو اليأس اللي بيميز الاكتئاب الشديد. هو يعتبر نوع فرعي من الاكتئاب الشديد، لأنه بيوصف نمط من أعراض الاكتئاب. يعني مثلًا بييجي على شكل نوم كتير، أو أكل كتير. لكن الحاجة اللي بتميزه أن الشخص حالته المزاجية بتتحسن لو حصلت حاجة كويسة. لكن زي أي نوع تاني من الاكتئاب، هو حالة خطيرة وممكن تسبب الانتحار والقلق الدايم. النوع دا غالبًا بيبدأ في سن المراهقة.

مفيش علاج واحد مناسب للكل. لكن بيستجيب كويس للعلاج بالأدوية والعلاج النفسي. الأدوية زي؛ مثبطات مونوامين أوكسيديز (MAOIs) ومضادات الاكتئاب، زي SSRIs ومضادات الاكتئاب ثلاثية الحلقات هي أكتر الأدوية اللي بتستخدم لعلاجه. لكن أهم حاجة توفر الهدوء لنفسك علشان العلاج يجيب نتيجة.

المراجع:

المصدر

اترك تعليق