لو كان عندك قلق نفسي بجد، كنت هاتحس بإيه؟

أكبر مشكلة بتقابل المريض النفسي إنـه ببسـاطه “مرضه مش ظـاهر للنـاس” مرضـه في أفكاره .. في أسراره .. في أحلامه .. في مخاوفه.

سهل تتعـامل مع مراتك لو مثلاً لا قدر الله رجلها مكسـورة لأنـك عارف بالظبط إيه اللي مطلوب منـك.. ولو فرضنـا إنك مش عارف .. ممكن تتعلم ده بسهـولة.

إنمـا لو مراتك مثلاً عندها “قلق عـام” صعب جداً ييجي في دمـاغك إن في الوقت تليفونـك مقفول فيه ..  هي بتتفرج على مشهد سينمـائي في دمـاغها عن حـادثة عربية كبيرة عالدائري “إنت بطلهـا” والله وأعلم إنت عايش ولا غرقـان في دمـك.. المشهد ده بيتبلور قدام والدتك لدرجة إنـها بتشوف المشهد بكل تفاصيله الدقيقة طول ما الموبايل مقفول.. لدرجة ممكن تخليها تتعب جسدياً جداً ..

صعب جداً تعرف إنت المفروض تعمل إيه ساعتهـا؟ خـاصة لو تليفونـك فصل شحن أو إن الموضوع عامة كـان غصب عنـك.

  • هل تزعق فيهـا عشان تسترجل كدة وتنشف وما تقلقش عالفاضي؟ مش هاتنشـف.
  • هل تمشـي بتلات موبايلات عشـان لو واحد فصل التـاني يشتغل؟ مش هايحصل.

اللي المفروض يحصل مبدئياً وقبل أي حـاجة:

هو إنـك تتفهـم ده .. وتخش جوا دمـاغهـا وتحط نفسـك مكـانهـا.

وتعرف كويس جداً إن الأفكــار السلبية اللي بتخش دمـاغهـا من Trigger بسيط جداً (وهو إنك غير متاح حالياً) أفكـار كلهـا هي لا تتحكـم فيهـا مُطلقـاً .. خالص.. نهـائي.

إيمـانك الحقيقي بالموضوع ده المفروض يخلي الموضوع يهدى شوية.

في الموضوع الجـاي هنتكلم عن شوية hacks عشـان تتعامل مع حد عنده قلق عـام.. طبعاً الموضوع محتاج مجهـود منـك (مش صعب) إنمـا تأكد إنـك هتعمل الكلام ده مع شخص إنت بتحبـه عشـان الموضوع يستاهل فعلاً المجهـود.

اترك تعليق