8 فوايد للصيام مُثبتين علمياً

الصوم ممارسة وعبادة بقالها قرون، وهي جزء أساسي من القافات والأديان، والمتعارف عليه ان الصوم الامتناع عن كل أو بعض الأكل والشرب لفترة محددة، وغالبا مبتتخطاش فترة الانقطاع عن الاكل اكتر من 24-72 في كل الثقافات.

اما الصيام المتقطع المتعارف عليه في الأديان اثبت فوائد كتير للجسم والصحة هنذكر منهم 8 مثبتين علميا.

التحكم في نسبة السكر في الدم

وجدت العديد من الدراسات أن الصيام بيحسن التحكم في نسبة السكر في الدم ، ودا بيكون مفيد خصوصا للناس المعرضة للإصابة بمرض السكر، أظهرت دراسة اتعملت على 10 اشخاص مصابين بمرض السكر من النوع الثاني، إن الصيام المتقطع القصير بيقلل بشكل كبير مستويات السكر في الدم، في الوقت نفسه دراسة تانية قالت ان الصيام المتقطع كان فعال في الحد من تناول السعرات الحرارية اللي قللت من مقاومة الانسولين

لما مقاومة الانسولين بتقل ده بيزود حساسية الجسم للأنسولين، واللي بيخلي الجلوكوز يتنقل من مجري الدم للخلايا بشكل اكثر كفاءة، ودا بيساعد انه يحافظ على استقرار نسبة السكر في الدم.

 مكافحة الالتهابات

الالتهاب الحاد للأسف يعتبر عملية مناعية طبيعية بتستخدم لمكافحة العدوى، بس الالتهاب المزمن بيكون له عواقب كبيرة على صحتك، وبتظهر الأبحاث ان الالتهاب المزمن بيكون سبب من أسباب تطور أمراض زي القلب والسرطان والتهاب المفاصل الروماتويدي، الدراسات وجدت ان الصيام بيساعد في تقليل مستويات الالتهاب وتعزيز الصحة.

 تعزيز صحة القلب

تعتبر أمراض القلب السبب الرئيسي للوفاة في جميع أنحاء العالم، حيث تمثل ما يقدر بنحو 31.5 ٪ من الوفيات على مستوى العالم الصيام وتغيير النظام الغذائي بيساعد عن طريق تحسين ضغط الدم والدهون الثلاثية، وكشفت إحدى الدراسات الصغيرة أن ثمانية أسابيع من الصيام ليوم واحد قللت من مستويات الكوليسترول الضار LDL والدهون الثلاثية في الدم بنسبة 25٪ و 32٪ على التوالي.

تعزيز وظائف المخ

معروف ان اغلب الأبحاث بتكون مقتصرة على الحيوانات، بس دراسات كتير اتعملت ولقوا ان الصيام ممكن يكون له تأثير قوي على صحة الدماغ وبيمنع الاضطرابات العصبية التنكسية، واحدة من التجارب اللي اتعملت على الفئران وجدت إن الصيام المتقطع لمدة 11 شهر أدي لتحسين وظائف المخ وبنية الدماغ، ودراسة تانية قالت إن الصيام بيحمي الدماغ وبيزود من إنتاج الخلايا العصبية للمساعدة في تعزيز الوظائف الإدراكية وتقليل الالتهابات، ودا اللي بيساعد وبيحسن من نتائج حالات زي الزهايمر ومرض باركنسون.

 يساعد على إنقاص الوزن

دكاترة التغذية والتخسيس بينصحوا بالصيام المتقطع عن الأكل في حالات معينة عشان الشخص يخس بمعدل سريع في وقت قليل، طب ازاي دا بيحصل؟ لما بتاكل سعرات حرارية أقل طبيعي دا مع الوقت هيقلل من وزنك بس الابحاق بتقول إن الصيام القصير بيعزز عملية الإيض (الحرق) ودا عن طريق زيادة مستويات الناقل نورإبينفرين، ودا بيزود فقدان الوزن، والدراسات اثبتت ان الصيام المتقطع دا بيقلل وزن الجسم بنسبة 9% من الدهون في خلال 12-24 أسبوع، دا غير إن الصيام المتقطع بشكل صحيح وتناول اللي بيحتاجه الجسم من عناصر غذائية بيحافظ على انسجة العضلات ومش بيفقدها.

 زيادة إفراز هرمون النمو

هرمون النمو البشري (HGH) وهو نوع من الهرمونات البروتينية اللي تعتبر أساسية في جوانب كتيرة من صحتنا، الأبحاث بتقول إن هرمون النمو البشري بيدخل في النمو والتمثيل الغذائي وفقدان الوزن وقوة العضلات، ولقت دراسات كتير إن الصيام ممكن يزود بشكل طبيعي من مستويات هرمون النمو، دا غير ان الصيام بيساعد في الحفاظ على ثبات مستويات السكر في الدم والأنسولين على مدار اليوم، وده بيؤدي إلى تحسين مستويات هرمون النمو، وجدت بعض الأبحاث أن الحفاظ على مستويات متزايدة من الأنسولين ممكن يقلل من مستويات هرمون النمو.

تأخيرالشيخوخة وطول العمر

كون ان هرمون النمو بيزيد عن المراهقين والأطفال فدا في الجزء اللي بيمد الشخص بالعضلات وبيشغل اعضائنا الداخلية بطريقة أكتر صحة، اما الصيام بالنسبة لكبار السن والبالغين فكتير من الدراسات اثبتت انه بيزود متوسط عمر الشخص، على تجربة على الفئران لقوا ان الفئران اللي صامت صيام متقطع عاشت 83% أطول من الفئران اللي لم تصوم.

الوقاية من السرطان وزيادة فعالية العلاج الكيميائي

الدراسات اللي اتعملت على الحيوانات اشارت ان الصيام ممكن يفيد في علاج السرطان او الوقاية منه، واحد من الدراسات اللي اتعملت على الفئران وجدت إن صيام يوم ساعد في منع تكوين الورم، لسوء الحظ كل التجارب والأبحاث عن الصيام اتعملت على الحيوانات وخلاياهم، بس برغم نتايج الإيجابية للتجارب دي لازم دراسات تانية تتعمل عن ازاي الصيام بياثر على الخلايا البشرية ووقايتها من السرطان.

اترك تعليق