العصبية الزائدة : اسبابها النفسية والجسدية وازاي نتعامل معاها

العصبية الزائدة هي عبارة عن عاطفة قوية جدا بتيجي بسبب مشاعر وأسباب كتير مختلفة ، وبتختلف من شدتها من واحد للتاني فيه اللي بيعبر عنها بانزعاج بسيط أو فيه اللي بيعبر بعصبية زايدة شوية، هنا هنحاول نشوف ايه السبب اللي ورا ده و ازاي نعبر عن عصبيتنا بالطرق السليمة.

طب ايه معنى العصبية الزائدة

العصبية الزائدة أو الغضب هو عبارة عن استثارة فسيولوجية ومجموعة من الأَعراض الانفعالية اللي ناتجة بسبب الأحساس  بالإحباط،وممكن الشخص العصبي ده يتجه أنه يأذي نفسه أو اللي حواليه دا غير طبعا الشخصية المؤذية بطبعها أو اللي مريضة نفسيا، دا غير أن العصبية الزايدة بيكون معاها أعراض نفسية وجسدية، والغضب كمان ليه معاني تانية زي العدائية والعنف والعصبية.

اسباب العصبية  الزائدة

فيه أسباب كتير للعصبية الزايدة دا غير أن ليها كمان أنواع:

الأسباب الجسدية العضوية

الأسبابٌ الجسدية العضوية ممكن تكون خارجة عن إرادة الواحد وتلاقيها برضه بتسبب العصبية الزايدة ومن ضمن الأسباب هي:

  • سوء التغذية
  • نقص الحديد في الجسم
  • المرض، زي الرشح والصداع.
  • انخفاض السكر في الدم.
  • زيادة إفراز الغدة الدرقية.
  • الأمور اللي ليها علاقة بالستات زي تغير الهرمونات والدورة الشهرية.
  • الإرهاق الجسدي.

 الأسباب النفسية

من الأسباب النفسيّة للعصبيّة الزايدة :

  • الاضطِرابات النفسية.
  • خبرات الفَشل المتكرّرةِ والشعور بالإخفاق.
  • المناقشة والخناقات الكتير
  • الهزار السخيفِ.
  • الحرمان من أشباع رغبات الحب والحنان والاهتمام.

 الأسباب التربوية أو الاجتماعية       

من الأسباب التربوية أو الاجتماعية للعصبيّة الزايدة :

  • مفيش تفاهم وتوافق بين الأزواج.
  • أساليب التربية الغلط زي العنف القسوة زيادة عن اللزوم أو الدلع بزيادة.
  • التعرُض لنموذج عصبي زي مثلا إن حد من الأبوين يبقي عصبي أو المدرس اللي في المدرسة عصبي.
  • مفيش أشباع لحاجه الطفل من العاطفة والحب.
  • التسلط اللي بيحصل من الأب أو الأم وأنه مايدوش الطفل حريته أو قدر من الاستقلالية.
  • المقارنة بين الطفل وقرايبه في العيلةِ.
  • أحساس الطفل بالإحباط أو الحرمان المتكرر وبالتالي بيخليه عصبي اما يكبر.

ايه هي أساليب التعبير عن العصبية والغضب

فيه شوية طرق ممكن نعبر بيهم عن العصبية

 التعبير البناء: وهو محاولة أننا نخلي الموقف أفضل، عن طريقِ اننا نناقش الشخص المتسبب للعصبية أو الغضب، أو اننا نهدي نفسنا شوية قبل ما نعمل أي خطوة يكون سببها الغضب والعصبية.

 التعبير المدمر أو المباشر: وهو أن الشخص يتصرف بنوع من العدائية مع الشخص المسبب للعصبية عن طريق أنه يخرج كل الشحنه اللي جواه من العصبية في الشخص اللي قدامه.

 التَّعبيرُ غير المباشر: وهو ان الواحد يكتم عصبيته من خلال أنه يستخدم التخيل، زي مثلا أنه يتخيل أنه بيصرخ في وش الشخص اللي اتسبب له في العصبية لكنه في الحقيقة مش بيعمل كده.

أزاي نتعامل مع الناس اللي عندهم عصبية زايدة:

التواصل الطبيعي بين أي طرفينِ بيكونُ عن طريق أن الأول يكلم التاني يرد عليه بأي طريقه بقي بالصوت أو الكتابة  أو الإشارة وهنا بيحصل التواصل، لكن الشخص الغضبان اللي بيحس بالعصبية فتلاقية أنه بلاعة طاقة سلبية واتفتحت في وشك من غير ما يدي اللي قدامه حق الرد حتي ، مع أن الطرف التاني ممكن يعمل رد فعل سلبي برده،وممكن ده يزود البله طين ويزود العصبية والخناقات ، دا غير أن لو الشخص الطرف التاني يعني هادي وبارد ومردش ممكن الطرف العصبي يفهم ده علي أنه أهانه و أستخفاف، وبالتالي تزيد العصبية طب نتجنب ده ازاي:

  • احكم على السلوك مش علي الشخص نفسه، يعني وجه انتقادك للتصرف المزعج وتأثيره علي الوضع وايه البديل اللي ممكن تعمله من غير ما تهاجم الشخص العصبي أو توجه له انتقاد سلبي
  • اختيار اللغةِ المناسبة واستخدم رسائلِ الأنا، لأن الكلام بصيغة (أنا) بيكون أسلوب عشان نوصف المشاعر تجاهَ المشكلة وأثرها بدل من انك تستخدام كلمة (أنت) وتوجه الاتهامات، اللي ممكت تزود العصبية.
  • اسمع كويس لأن شعور الشخص الغاضب أو العصبي بأن الطرف التاني بيسمع له وبيحاول يتواصل معاه بهدوء بيقلل من العصبية شوية.
  • استخدك الأسئلةِ المفتوحة يعني مثلا لو عايز تسال الشخص العصبي عن حاجه زي مثلا أزاي وليه وفين يعني الأسئلة اللي مش ممكن يجاوب عليها بآه أو لا ، عشان تسمح للشخص العصبي أنه يعبر عن مشاعره بهدوء.

ازاي نتخلص من العصبية الزايدة:

ممكن نتخلص من العصبية االزايدة باي طريقة من الطرق اللي هنقولك عليها:

  • تمارين التنفسِ هي من ضمن الحلول السحرية عشان تتخلص منها وتعالج العصبية اللي بتوقعنا في كتير من المشاكل ممكن نعمل تمارين التنفسِ عن طريقِ أن الشخص ياخد نفس عميق ويخرجه دفعه واحدة لان ده بيساعد أن الشخص يتخلص من الطاقة السلبية اللي متراكمه بسبب الضغوط والمشاكل.
  • ابعد عن سبب العصبية، أفضلِ علاج العصبية هو إن الشخص يبعد عن مصدرها عو السبب الي بيخلي فيه مشاكل وضغوط نفسيه ودي الطريقة المثالية عشان تتغلب علي العصبية الزايدة.
  • ركز على حل المشكلة، ما تفكرش في المواقفِ اللي بتسبب العصبية، وحاول تلاقي حلول كويسة للمشكلة اللي بتواجهها وبتسبب ليك القلق والاكتئاب.
  • الضحك والفرح، بما أن الغضب والعصبية هي عبارة عن طاقة سلبية بتتجمع واللي ممن نعمله اننا نحول الطاقة السلبية دي لطاقة ايجابيةودا بيحصل عن طريق الضحك.
  • عبر بشكل ايجابي عن الغضب يعني استخدم الكلمات المناسب الهادية اللي بعيد عن الانفعال عشان تعبر بيها عن عصبيتك.
  • مارس الرياضةِ، الرياضة بتساعد علي أنها تحسن المزاج والحالة النفسية.
  • ابعد عن الأدوية المنشطة أو الكحوليات لانه بتقلل من كفاءة الإنسان في حل مشكلاته والتعامل مع الإحباط.
  • اطلب الدعم من اللي حواليك لان الدعم والحوار والمناقشة بتقلل من مشاعر الغضب وتساعدنا في حل المشاكل.
  • حاول تحس بغيرك، لان محاولة الشعور بغيرك وفهم مواقفهم ومشاعرهم اما تحاول تصب غضبك عليهم من غير سبب.
  • طور مهارات الاستماع عندك لان الاستماع ممكن يقلل من سوء الفهم االلي ممكن يسبب الغضبِ.
اترك تعليق