الشعور المستمر بالذنب من أهم أعراض وأسباب القلق النفسي زي اضطراب القلق العام

الشعور بالذنب هو إحساس بالقلق وعدم الارتياح، لكنه ممكن يكون الطريق لتصحيح الأخطاء وان الواحد ينتبه ليها ، وبيمنع القلق الأشخاص أنهم يقعوا في الغلط، ولكن لما  تتحول الأحاسيس دي لهواجس ممكن تسبب ضرر كبير زي اللي بيحصل في اضطراب القلق العام واضطراب القلق الاجتماعي واضطرابات القلق النفسية عامة.

وكلنا بنتعرض للخطا في حق نفسا وفي حق الناس اللي حوالينا سواء صحاب أو عيله وأحيانا بنتسبب في الضرر لغيرنا وساعاتها بيجلنا الأحساس بالذنب والقلق تجاه الناس اللي اتسببنا ليهم بأذي، بيعتبر الوقت عامل أساسي في تقليل آثار الشعور بالذنب وإزالة الذكريات السيئة اللي مرتبطة بيه، لكنه ده مش هيكون بتلك السهولة، وهنا هنحاول نقول شوية أفكار هتساعدك أنك تتخلص من الشعور بالذنب.

بياثر الشعور بالذنب على حياتكِ وعلاقتكِ مع الناس اللي حواليك ، تلاقي أنه من الضروري أنك تتعلّم أزاي تتخلّص من الأحاسيس دي ، بأنك مثلا تتحلّي بالثقة بالنفس وترفض أنك تقوم بالحاجات اللي ملهاش قيمة وتبعد عن الأفكار اللي بتثير القلق عندك.

  • استخدم الشعور بالذنب عشان تحسن حياتك وتخليها أحسن مش أسوأ، وهنا هيبقي الأحساس بالذنب صحي ومفيد مش مضر ومش مبالغ فيه بكده الذنب هيبقي ليه بعض التغيرات الايجابية علي حياتك، بس خلي بالك من أنك تذودها حبتين لان الإحساس ده ممكن يأثر علي معنوياتك بالسلب ويضعفها.
  • أتعامل مع الطاقة السلبية اللي بتيجي مع شعورك بالذنب، واللي بتسبب الاكتئاب، التمس العذر لنفسك علي الذنب اللي ارتكبته زمان وواجه أخطائك وأطلب المسامحة، وحول الإحساس بالذنب لطاقه تبني مش تهد .
  • حلل الحاجة اللي بتسبب لك القلق، وأعرف هل هو مفيد ولا مضر ووصل لمرحلة الهوس، و اسئل نفسكِ هل بقت تصرفاتكِ مش عقلانية أو عصبية لحد كبير،غالباً بيجي القلق مع الخوف اللي يبينتج عنه مشاكل سلبية ومؤذية، وبيتحول لحلقة مفرغة بتولّد العجز والأوهام.
  • أرفض ممارسة الأفكار اللي بتسبب لك القلق عن طريق انك توقف الأفكار اللي ملهاش داعي وركز بدلاً منها على النتائج الايجابية، و واجه همومكِ وخد إجراءات عشان تعملها بسرعة، ومفيش دعي أنك تفكر في ألم أنت مش السبب فيه أصلا.
  • أنت ممكن تفكر في القلق مرة واحدة بس بالنهار وبقية النهار قضية من غير ما تورط نفسك في مزيد من الشعور بالذنب وخلي الموضوع ده تعمله الصبح أو أجله أساسا لأي يوم تاني.
  • اعرف انّ القلق ممكن يوصل بيك لمرحله ما تقدرش تسيطر عليه ، وحاول تعيش في هدوء بدل ما تقعد تفكر في الكوارث غير متوقعة في المستقبل، ممكن تروح تلعب يوجا أو تسمع موسيقي أو تشوف فيلم مضحك.
  • دون مشاعركِ، أو اتكلم عليها مع شخص قريب منكِ.
  • ما تترددش في أنك تعتذر للناس اللي اتسببت ليهم في الأذى أو حسيت تجاههم بالذنب.
  • أدي لنفسكِ وقت ترتاح فيه وكافئ نفسك على التصرف الايجابي ده، واعرف أن كل الناس بتغلط مش أنت بس.
  • ما تقارنش نفسك بغيرك، خلي عندك رؤية واضحة عن كل حاجه ليها قيمة في حياتك، وابعد عن الهموم.
  • ثق نفسكِ، لما تكون ثقتك بنفسك قوية وإيمانك بقيمتك وقدراتك عالية مش هيكون من  السهل أن تحس بالذنب مهما أتعرضت للنقد أو اللوم.
  • أتجنب القعاد مع الأشخاص اللي بيلوموا كتير وينتقدوا اللي حواليهم لانهم بيروحوا للطريق ده لأنهم أساسا مش راضيين عن اللي بيعملوه في حياتهم، فا متكونش واحد منهم.
  • إغفر لنفسكِ وللناس، وسامح عشان تبقي مبسوط ، والهدف من ده هو نسيان الألم و انك تتغلب على أحاسيس القلق عشان تلاقي سعادتكِ.

وكلنا بنمر بتجارب كتيرة في الحياة، بنتعلّم منها السيء وبيجلنا شعور بالقلق بس هنا من الافضل أنك تستفيد من الحاجات اللي قلناها، ويبقي عندك طاقة أيجابية تقدر تكمل بيها حياتك مبسوط.

تعليق 1
  1. بنت الأوتاكو OtaKu Girl يقول

    طيب انا اعاني من الشعور بالذنب بدون ما اعمل حاجة، يعني مثلا اذا حد اعرفه تكلم بسوء عن حد ثاني-ما اعرفه بتاتا- بيجيني شعور بالذنب والخزي كأني انا الي تكلم بسوء عن الشخص دا

    *مع ملاحضة انو انا عندي اضطراب القلق العام*

اترك تعليق