الخوف من الظلام عند الأطفال وإزاي تساعدهم

اتكلمنا قبل كده علي علاج تفصيلي لـ فوبيا الظلام عند الكبار، وهنا هنحاول نوضح أسباب الخوف عند الأطفال وعلاماته، وكمان 11 طريقة ممكن تساعد بيها طفلك بأنه يتخلصوا من خوفه ويتغلب علي فوبيا الظلام أو رهاب الظلام.

ايه اللي بيخوف الأطفال

  • الفرجة علي التليفزيون عي أسوأ حاجه ممكن تزود حاله الخوف عند الأطفال من الضلمة الآباء والأمهات مش مدركين للكارثة دي وخاصة لما الأطفال بيتفرجوا علي أفلام الرعب.
  • قراءة الكتب الخيالية زي كتب رسوم الوحوش وقصص الساحرة الشريرة،كل النوعيات دي من الكتب بتعمل حاله من الفوضى في مخ الأطفال،وبالتالي بيكونوا صور مخيفة في خيالهم وده بيزود حاله الخوف عشان الأطفال بيحاول يتخليوا أن الوحوش دي بتهاجمهم تاني بالليل.
  • تخويف الطفل زي لما ماكلتش أمنا الغوله هتيجي تاكلك او هحبسك في أوضة الفيران الضلمة وغيره من امثله التخويف اللي بيقولوها للأطفال ،بهدف أنهم يسمعوا الكلام وهنا بيتم ربط النوم بالوحش دايماً.
  • العوامل الوراثية برده بتكون عامل للخوف عند بعض الأطفال،أو وجود حاله من قلق المفرط عند حد سواء الأب او الأم وبينتقل للطفل عن طريق التعلم بالمشاهدة.
  • الحماية الزايده من الأبوين،وبالتالي الطفل بيحس بالعجز وإنه مش قادر يعمل حاجه.

علامات خوف الطفل من الظلمه:

  • بيشوف كوابيس مرعبة وهو نايم بالليل.
  • بيرفض النوم إلا لما يكون النور والع.
  • فزع الطفل لأي سبب حتي لو كان بسيط.
  • تخيل الطفل بأنه فيه وحوش في أركان الأوضه بسبب الظل.
  • مش قادر يميز بين الخيال والواقع.
  • بيصحي بالليل كتير بسبب خوفه من الوحش اللي مستنيه تحت السرير وغيرها من الأسباب اللي ممكن تصحيه مفزوع .

هنا فيه 11طريقه ممكن تساهم وتساعد الأبوين إنهم يخلوا ولادهم يقدروا يتعاملوا مع خوفهم من الضلمة.

  • ا تكلم مع ابنك عن اللي بيخوفه:
  • خلي ابنك هو اللي يحكيلك عن اللي بيخاف منه وقت النوم  لكن من غير إجبار لو كان مش مستعد للحكي خلي بالك أن خوف الطفل متغير على حسب نموه العقلي،يعني مثلا الأطفال الأصغر سنًا يلاقوا صعوبة في التفريق بين ما هو حقيقي وما هو خيالي.
  • ما تردش على مخاوف الطفل بأنك تقول إنها سخيفة أو غبية اقبل مخاوفه وساعده في انه يتغلب عليها، افتكر دايما أنك كنت طفل وكان عندك مخاوف زيه،جرب تتكلم مع طفلك  عن مخاوفه بالنهار لما ما يكونش خايف،وناقش معاه  إيه اللي ممكن تعملوه عشان ما يبقاش خايف بالليل،قوي ثقة الطفل بنفسه أثناء النهار،علق على شجاعته وعلى إنه كبر بسرعة، المهم أن يحس بالأمان والثقة بالنهار وده هيساعده علي أنه يتغلب علي اللي بيخوفه بالليل.
  •  ما تدعمش طفلك في الحاجات اللي بيخاف منها او تزود خوفه:
  • في الأول أعرف طبيعة المخاوف بتعته حتي لو بدون قصد، أو انك تلفت انتباهه ليها،مثلا لو طفلك يخاف من الوحوش ما تجيش تكدب وتقول إن فيه رشاش آلي ضد الوحش أو انك تروح تفتش الأوضة عشان تتأكد أنها مفهاش وحش كل ده بيخلي الطفل بيصدق أن فيه وحش من الأساس.
  • بدلًا من كل ده كلمه عن الفرق بين الخيال والحقيقة لو كان خايف من الوحوش اللي متخيل انها تحت السرير ده لأنه أتفرج علي فيه فيه وحوش،أتكلم معاه عن إن الأفلام دي قصص خيالية، هتحتاج أنك تعمل الحوار ده اكتر من مرة  عشان تتطور قدرته العقلية على المنطق والسببية،أكد له باستمرار أنه بأمان،وحاول توصل له مفهوم الأمان بشكل متكرر.
  •   راقب اللي بيتفرج عليه علي التليفزيون:

ما تسمحشي لطفلك أن يتفرج علي أفلام الرعب أو يلعب بالألعاب العنيفة علي الايباد أو الفيديو جيم أو التليفون قبل النوم.

  • قاعدة عامة من الأفضل أنك تقلل من تعرض الطفل للتلفزيون أو الأجهزة الإليكترونية قبل النوم عشان يقدر ينام بهدوء،بدل من التليفزيون اطلب منه أن يقرأ أو اقرأ معاه،الأبحاث أظهرت أن قصص ما قبل النوم بتحسن من قدرة الطفل على التعلم والتطور وتساعد الوالدين انهم يتقربوا من أطفالهم .
  • حميه أو حميه بدوش دافي قبل النوم:
  • ده هيساعده أنه يرفع من درجة حرارة جسمه وقت الاستحمام ثم يقللها بعد ما يستحمي،ده لأن درجة حرارة الجسم المنخفضة بتساعد الأطفال على أنهم يستغرقوا في النوم،لكن من المفترض أن الطفل ياخد الدوش الدافي قبل ميعاد النوم بساعتين عشان تدي للجسم فرصه أنه يرفع من درجه حرارته وينزلها مرة تانية .
  • صمم أوضة  نوم مثالية للنوم:
  • أتأكد أن الأوضة منظمة قبل ما طفلك يدخل ينام وإن كل الألعاب والحاجات التانية في مكانها المخصص ليها، ده لأن في الضلمة عينه ممكن تخدعه،رجع كل حاجه في مكانها عشان تبعد عن فكرة أنه يشوف حاجات او خيالات غير حقيقة،وكمان السرير المرتب ممكن  من ضمن طقوس النوم .
  • خلي الأوضة مريحة بإضافة بعض اللمسات:
  • ممكن تضيف مخدات كتير عشان الطفل يحس بأنه مرتاح وآمن ،حط دباديب او عرائيس هو بيحبها جمبه في السرير أو صورة للعائلة او أي صورة تانية بيحبها .
  • ولع لمبة سهارى:
  • اللمبة السهارى هديته إحساس بالهدوء وهو داخل ينام ، خليه هو اللي يختار نوهع اللمبة السهاري وشكلها وليه هتشتريها له،ده عشان تديه دور في انه يتغلب علي خوفه، لو اللمبة السهارى منعته انه ينام أو يستغرق في النوم هنا ممكن تشيلها،وممكن تستخدم الضوء الليلي لو مكنش مزعج للطفل أو هيخليه قلقان،ممكن كمان تخلي باب الأوضة مفتوح بشكل جزئي أو كلي ، لما تسيب الباب مفتوح ممكن يساعد طفلك على التغلب على أي مخاوف متعلقة بانفصاله عن والديه بالليل.
  • هات حيوان أليف معاه في الأوضة:

فيه اطفال بتحس بالأمان لما تحضن الحيوان الأليف بتاعها وهي نايمه أو يكون نايم قريب منه قطه او كلب او حوض سمك.

  • خليك معاه شوية:
  • لو ابنك خايف خليك معاه شوية لو كان مش قدر يبقي لوحدة في الأوضة أو ريح جمبه في السرير،بس اعمل الموضوع ده مش بصورة دايمه عشان ما يبقاش نومه مرتبط بوجودك جمبه،لو خايف انه ينام لوحدة قوله انه هيوحشك أوي وهو نايم وبص عليه في اوضة مرة كل 10 او15 دقيقه وما تطولش كتير.
  •  اتأكد من أن طفلك موجود في سريره:
  • لو صحيت بالليل لأس سبب اتأكدى إن طفلك موجود في سريره ، عشان لو لقيته مش موجود وخايف حاول تطمنه وترجعه ينام تاني وفهمه ان كل شئ زي ماهو وانه في آمان ،لو جالك اوضك رجعه لأوضته تاني ونيمه فيها المهم إنه ما ينمش معاك في نفس السرير،ده لأنك لو سمحتله أنه يبقي معاك في السرير مش هيخليه قادر علي أنه يتغلب علي خوف، لأنك بكده بتأكد له أن فيها حاجه بتخوف فعلا موجودة.
  • روح لدكتور لو استمر الخوف:
  • لو استمرت المخاوف اللي بيحس بيها الطفل بعد ما عملت ال10خطوات السابقة ، هنا من الأفضل انك تروح للدكتور وكمان لو حاله الخوف بدأت تأثر علي حياة الطفل اليومية .
اترك تعليق