5 قواعد عشان تتعامل مع الاكتئاب المصاحب للمرض المزمن

بعيدا عن الاكتئاب العادي فيه كمان اكتئاب بالمناسبة أو الاكتئاب المصاحب للمرض اللي هو في الأول بيكون حزن أو زعل ولما بيطول بيتحول لأكتئاب بسبب إننا مش قادرين نتقبل الوضع الجديد لجسمنا وحياتنا بعد المرض المزمن.

ثم في مرحلة ما من المرض بنكون محتاجين إننا نخفف من حزننا أو نتعامل مع الاكتئاب بتاعنا عشان ممكن يضرنا اكتر بالنسبة للوضع المرضي اللي إحنا فيه ويخليه أسوأ، وخلي بالك انه فيه شوية حاجات ممكن تخلي وضعك المرضي أسوء زي…

الخوف من الخسارة والحزن الشديد والتغيرات اللي ممكن تحصل في الشكل العام، والتنقل الكثير سوا من المستشفي أو من بين الدكاترة والتحاليل والإشاعات، كمان ممكن يكون الاكتئاب نفسه هو عرض للمرض الأساسي، كمان الألم والتعب المصاحب لمرض، والآثار الجانبية للدواء والعلاجات التانية، والضغوط الاجتماعية عشان تبين انك كويس.

  • القاعدة الأولي :خليك واثق إن معاك الدكتور المناسب

لما تبدأ تباشر علاجك مع دكتور معين خلي الدكتور يبقي ليه مكانه في حياتك يعني يبقي هو رقم اتنين  بعد مراتك أو أمك مثلا، ده لأن ثقتك بالدكتور دي جزء من العلاج، الأمانة أو من الأفضل انك تبقي أمين مع الدكتور بتاعك وتتكلم معاه بصراحة عشان يقدر يديك المساعدة أو العلاج المناسب ، لو موصلتش لنفس الدرجة من العلاقة مع دكتورك فمن الأفضل انك تبحث عن مختصين تانيين تقدر تكمل معاهم مشوار العلاج.

  • القاعدة الثانيه: أختار مجموعه الدعم كويس : الناس اللي حواليك يعني

العزلة المصاحبة للمرض ممكن تؤدي للاكتئاب هنا لو حواليك ناس رائعين من أصدقاء أو قرايب دون هيبقوا مجموعة دعم هايلة ، في حين أن فيه ناس تانيين هما اللي بيدفعوك انك تبقي من أهل الكهف يعني تدخل في عزله، لو حد من داخل المجموعة الرائعة دي سألت أن عامل إيه؟ رد عليه وقوله الحقيقة أما لو حد من خارج المجموعة ممكن تكذب عليه وتقوله أنك بخير وكويس أو تغير الموضوع، طالما أنت مش واثق فيهم فمن الأفضل انك تبعد عنهم لأنهم هيستهلكوا طاقتك .

لو حد سألك أنت محتاج مساعده أو ممكن اساعدك قوا  اه ممكن تساعدني ، لما تديهم الثقة في أنهم يساعدوك ده بالنسبة ليهم منحه في حين أن العطاء بتاعهم ممكن يكون له نهاية، كمان لو حد طلب منك انه يخدك للدكتور أو يروح معاك للدكتور ده في حد ذاته بيقلل من الضغط اللي عليك حتي لو كان فيه أخبار سعيده أو حزينه قالها الدكتور.

  • القاعدة الثالثة: خلي بالك من نفسك زي الأطفال الصغيرين

وهنا لازم تعرف أنك مش بس مريض أنت زي الطفل الصغير، أهم بنفسك أوي وكل أكل صحي ونام كويس ومارس رياضه، وخلي الناس تدعيلك بالصحة، وحط لنفسك علامات كده توضحلك أنت كده كويس ول فيك حاجه غلط مش طبيعية عشان لو لاقيت اللمبة الحمرا عندك ولعت يبقي كده انت في خطر، وكمان حبه نكت وفكاهة مش هتضر دي هتخلي حياتك فيه شئ مكن الرفاهية يعني اضحك وخلي وقت وخصص للمرح أو التفاهات من وجهه نظر الأخرين.

  • القاعدة الرابعه: حط معايير جديده للقياس

هنا معناه انك ممكن تحط لنفسك معايير عشان تقيس بيها ذاتك وتطورك في الحياة، وتطور المرض المزمن اللي عندك كمان، أتخلص من معاييرك القديمة وحط جديد بناء علي الوضع الجديد اللي إنت  فيه، يعني لو كنت بتقدر تشتغل 50 ساعة في الأسبوع قبل ما تبقي مريض، وحاليا بقتش قادر تعمل كده لا تيأس لأن وضعك حاليا أختل ومش هتقدر تقيس قدراتك بناع علي المعايير القديمة.

ممكن يكون رحله انك تلاقي معيار جديد ومناسب لوضعك صعبه، لكن السؤال هنا ممكن تسأل نفسك إيه هو المعقول؟ وده السؤال التقني ده هو اللي بيسألوه للمرضي؟ يعني هل من المعقول انك تعمل ده بنفسك في الوقت الحالي، وهنا دا الوقت المناسب اللي أنت محتاج فيه انك تبقي شجاع أو أكثر من شجاع كمان عشان تعالج الضغوط القديمة اللي كنت بتتعرضلها  وتخيل ازي ممكن تعمل نفس المهام اللي كنت بتعملها في السابق بس بأساليب تانية تلائم الوقت الحالي و بشكل مختلف.

  • القاعد الخامسة والأخيرة:خلي عندك أحلام واسعي عشان تحققها

يعني لو عندك طموحات عشان تاخد درجة أو الترقية، أو تلف العالم أو تتجوز أو تخلف عيال احلم الحلم مش عيب والطموح حلو، لكن هنا فكر هل أنا هعمل كده ولا أنه صرف النظر عن كل الطموحات دي، وهنا من الضروري أن يكون ليك أهداف شان تعيش عشانها سواء كانت كبيرة أو صغيره الأهداف دي.

ممكن المرض يغير طبيعة أهدافك يعني لو المرض ذاد وكان هدفك انك تجيب أولاد، ممكن هنا تغير الهدف وتقول من الأفضل إني أعيش من غير أطفال وممكن اتبني أطفال أفضل ودا المناسب في الوقت الحالي المهم اي حاجه تديك أمل في أنك تكمل الحياة وأنت مبسوط، لو كان نفسك تسافر سافر ولف العالم وأعمل رحله مثيره وجميله الفكرة هنا انك تغير من نفسيتك وتبعد دماغك عن التفكير في المرض.

قبل ما توصل للنجوم اعرف قيمه الأرض اللي واقف عليه الأول، أحلام اليقظه ممكن تساعدنا إننا نتحايل علي الاكتئاب .

اترك تعليق