استشارة نفسية: الرهاب والقلق الشديد
اعاني من خوف شديد وقلق عند القيام باي شيء ممكن يخليني اخد رد فعل او اتعامل مع الناس عندي احساس ان الكل مركز معايا وبيقيمني وشايفني غبية ووحشة مع ان لما ببقي لوحدي ببقي اذكي من اي حد اعرفة انا اساسا متفوقة ولما ببص ف المراية بشوف بنت جميلة باحس اني روبوت بمشي وبتكلم بس مش حاسة اي حاجة. المشكلة ان القلق ابتدي يتحول الي امراض عضوية ملهاش اسباب غير اني خايفة ومش عارفة انا خايفة من ايه بقيت اخاف من حاجات انا بعملها كل يوم . سمعت عن العلاج المعرفي السلوكي لكن معرفش طريقته وهل ممكن اطبقة مع نفسي لان خطوة الدكتور صعبة التطبيق بالنسبالي.اعمل ايه ؟
اهلا بحضرتك
محتاجة تغيري من طريقة تفكيرك فهناك انماط تفكير خاطئة تجعلنا نفكر بطريقة سلبية و تطلق عليها الافكار السامة و يمكن طلب المساعدة من المعالج النفسي لرصدها و تبديلها , تحتاجين تعززي من الثقة بالنفس و عدم التقليل من الذات من خلال عمل رياضة و التغيير من المظهر الخارجي و للتخلص من القلق اثناء محادثة احد يمكن التدريب علي هذه المواقف الحياتية امام المرأة و تخيل الموقف و التعامل معه كأنه حقيقي هذا النشاط يزيد الثقة بالنفس اثناء التحدث لاحد و يمكن عمل تدريبات استرخاء للتقليل التوتر و القلق و تقليل التركيز المبالغ فيه حول الذات اثناء الموقف من خلال التدريب علي ملاحظة كل شئ من حولك و وصفه لتشتيت التركيز حول الذات .