ألعاب المنتسوري … جربيها مع ولادك و أكيد هتكسبي ج2

عرضنا سوا فى الجزء الأول أيه هى ألعاب المنتسوري؟

كمان قد أيه ألعاب المنتسوري مهمة لتنمية مدارك الطفل و عرضنا مجموعة من الألعاب المناسبة للطفل من عمر 1.5 : 6 سنين .

و هى المرحلة اللى الطفل بيكتشف الدنيا من حوله وينمى فيها قدراته النفسية واللغوية وحتى الجسدية .

 ألعاب المنتسوري فى المرحلة دى بتركز على تطوير: 

مهارات اللغة: و بتستمر مع الطفل من عمر شهور لحد سن 6 سنين.
النظام: من سن سنه حتى 3 سنوات.
تنمية الحواس: تبدأ من سن سنه وحتى عمر 4 سنين
التركيز على شوية أهداف صغيرة: تبدأ من سن 1.5 : 4 سنين.
السلوك الاجتماعي: بتبتدى من سن 2.5 : 4 سنين.

كل دى مهارات بينميها الطفل فى المرحلة دى و أكتر من أستخدامه لألعاب المنتسوري كمان بتساعده فى التعود على التعليم باللعب

ألعاب المنتسوري تناسب طفلك من سن 1.5 : 6 سنوات

الحصالة من سن 2 :5 سنوات

هنحتاج حصالة و لها قفل و شوية جنيهات كوينز و طبعا لازم يكون اللعب تحت المراقبة .

و يحط الطفل العملات فى فتحة الحصالة الضيقة و بعد ما يضع كل العملات يفتح القفل و يخرجهاو يعيد النشاط تانى.
و ده بيعلموا ان العملة اللى بتدخل العلبة مختفتش بسر هى موجوده جوا العلبة.
و ده كمان بيساعدنا نشرحله شوية حقائق علمية ذى أن ربنا موجود حتى لو أحنا مش شيفينوا.

لعب بخلة الأسنان 3 : 6 سنوات

هنحتاج خلة أسنان و يا ريت ما تكنش مدبابة عشان الأمن كمان ملاحة فتحاتها واسعة شوية .

يحاول الطفل يدخل خلة الأسنان فى فتحات الملاحة و دى لعبة هتساعده على التركيز كمان يتحكم كويس فى عضلات أيده.

لعبة الصيد 4: 6 سنوات

و دى ممكن تلاعبيها لطفلك فى الصيف هنحتاج طبق بلاستيك فيه مياه وشوية لعب ممكن تعوم على وش المياه ومصفة.

يستخدم الطفل المصفاة عشان يصطاد الألعاب من الطبق .

و دى لعبة عشان تنمى أدراكه و عضلاته تكون أقوى و تساعده على التركيز أكتر.

المشى على الحبل 3: 5 سنوات

طبعا مش هنمشى على الحبل ذى السيرك هنحتاج سوليتب ملون عريض و نرسم به خط على الأرض.

و هنلعب مع ولادنا به مجموعة لعب:

  • ممكن نستعمله كطريق الطفل يقعد عند أوله و الأم فى أخره و نمشي عليه عربية صغيرة .
  • برده ممكن نستخدم كورة بدل العربية و نجريها لبعض على الخط.
  • نعملها لعبة جماعية ومعنا أخواته أو أطفال العايلة نجرب نمشي على الخط و كل واحد يستنى دوره فنعلمه النظام و التركيز.
  • كمان ممكن نرفع رجلين الطفل و نماشيه على أيديه و ده بيساعد الأطفال تقوى التواصل البصرى.

كمان ممكن نرسم به متاهة صغيرة و نخليه الطفل يمشى جواها لحد ما يعديها كلها أو يمشى فيها عربية لعبة ضغيرة.

موزع الأشكال 1.5 : 4 سنين

فى أشكال كتير من اللعبة دى و كلها بتتكون من عمود و نركب عليه مجموعة من الحلقات بقطر مختلف على شكل هرم.

على الطفل أنه يلاقى القطعة الأكبر و يركبها فى العمود و بعدين الأصغر و ممكن كمان ينشن بالحلقة على العمود .

كمان لازم يجرب اللعب لوحده عشان لو رتب الحلقات غلط يعرف أزاى يجرب تانى لحد ما ينجح.

الفاصوليا المجففة من1.5 :4 سنوات

نجيب طبق غويط أو علبة و فاصوليا مجففة بيضا و حمرا و معلقة و ممكن كمان 2 بولة صغيرة.

  • نطلب من الطفل أنه يغرف حبة بالمعلقة و يحطها فى البولة الصغيرة.
  • كمان لو طفل صغير قوى ممكن يعمل كدا بأيده و لما يلعب و يسمع صوت حركة الفاصوليا فى الطبق الحكاية هتكون مسلية بالنسبة له.
  • ممكن نطلب منه فصل الفاصوليا البيضا فى طبق و الحمرا فى طبق تانى .

 

جربيها مع أولادك كلها ألعاب بأمكانيات بسيطة و مش هتكلفك قوى كمان هتخليكى تقضى وقت جميل مع طفلك و تنمى علاقتك به أكتر و أكتر.

جربيها و أبعتيلى أيه أكتر لعبة أبنك حبها؟!

اترك تعليق