ابنى مجننى ومش عارفة أعمل معه أيه؟ جملة بتسمعها من أمهات كتير وده لأن كلنا عندنا أولاد بيعملوا تصرفات غلط و بيكون نفسنا نغيرها بس مش عرفين أزاى، عشان كدا بقى فى دلوقتى حاجة أسمها جلسات تعديل السلوك اللي كان السبب فيه سواء تصرفاتنا مع الطفل أو نتيجة إبداعة الخاص 🙂 . 

أيه هى تصرفات الأطفال اللى بتحتاج بعديل سلوك ؟

طبعا التصرفات دى كتير و مش هتقدر نحصرهم بس ممكن نذكر شوية .

• الزن: و ده بحب الزن ذى عنيه  بيفضل يزن فى دماغك لحد لما تسمعى كلامه.
• الكذب : مش دايما بيكون عشان يهرب من العقاب ساعات بيكون خد على التصرف ده .
• الضرب : مشاكله كلها بيحلها بالضرب اول ما يزعل يضرب
• وفى كمان شوية سلوكيات مقرفة ذى اللى بيأكل المناديل و اللى بيلعب فى مناخيره و الى بيقشر أى جرح صغير على جسمه أو يبمص صوابعه و غيرها من التصرفات المستقرة و المقرفة .

ليه الطفل بيعمل الحاجات دى ؟! 

• لفت الأنتباه : ساعات الطفل بيعمل كدا عشان تحسى انه موجود أصلا و تزود اهتمام بيه حتى لو كان بالخناق معه.
• إبداعه الخاصة: لما بيكبر حبه بيحب يضيف لمسته يعنى تفكيره الخاص فى حل المشاكل و كل واحد بقى و دماغه هتوديه فين .
• رد فعل : السلوك سئ بيكون رد فعل لتصرفاتنا أحنا الكبار يعنى مثلا المدلع   بس هو مين اللى دلعه أصلا و عوده على كدا .

أزاى أعدل سلوك أبنى و أخلص من السلوك السئ؟!

• التجاهل : فى بداية ملاحظة السلوك ساعات لما  تتك على ان ده غلط بيعملوا عند و لو اتجاهلنا الموضوع شويه بينساها .
• مدح التصرف الكويس : السلوك الكويس يعنى لما يتكرر السلوك الوحش زيادة عن اللزوم بيكون أحسن أنك توفري له المواقف اللى عارفة انه بيعمل فيها حاجة كويسة و امدحى تصرفه واديله حاجة حلوة نسيه التصرف السئ.
• إشغليه : اول ما يبتدى يكرر التصرف الرخم ألهيه أطلبى منه أى يجيب منديل  ، لعبة المهم انه يتلهى فى حاجة تانية .طبعا ده لو سلوكهم مش مؤذى .
• الحوار : و ده طبعا لما تفشل الوسائل اللى فاتت و كمان يكون الطفل فى سن هيفهم … بتكلميه و تفهميه ان السلوك ده و حش و كمان ليه متختارش حاجة تانية تعملها. كمان ده بيساعدها انه يحس بشخصيته و بالأستقلال عشان هو اللى هيختار بالطريقة اللى تنسبه من مجموعة طرق.
  مثلا : هتلبسي الفستان و له البنطلون النهاردة و بنتك تختار بدل ما نضيع اليوم فى الزن و محدش عاجبه حاجة .
• فهميه عواقب افعاله : يعنى مثلا لما بترسم على الحيط ده بياخد وقت كبير مننا عشان ننضف و ساعديه يعمل ده بنفسه
• إيجاد بدائل : يعنى مثلا لو بيرسم على الحيط هاتيله ألوان و كراسة رسم و جربي ترسمى معه و أوعديه أنك هتجبيله كمان ألوان مايه و لوحات ورق فيكون فى دافع عشان يبطل .
• الجدول السحرى :  أنك ترسمى جدولمع ابنك وتحددى فيه مرات عمل التصرف السئ و التصرفات الكويسة و أخر اليوم لو الكويس أكتر حطيلوا أستيكر لسمايل فايس أو علامة صح . ونتفق ان كل يومين أو تلاتة لو  الكويسة أكتر هيكون فى مكافأة بس طبعا لازم تبقى المكافأة هادية و معنوية عشان لو كل مرة حاجات حلوة أو مصروف هيتعود ميبقاش كويس غير بتمن ” كله بتمنه يعنى “

المهم أنك ما تيأسيش وتحاولى تشتغلى على خطة تعديل السلوك و متفوتيش  لازم تتعاملى مع السلوك لما تقبليه مش مرة اه و مرة لا.