أسباب الاكتئاب بدون سبب

الاكتئاب هو مرض نفسي خطير، وليه أسباب كتيرة وكلها معقدة ويصعب فهمها، في بعض الحالات، ممكن ترتبط مشاعر الاكتئاب بشكل واضح بتجربة في حياة الشخص، زى خسارة مأساوية أو حدث عنيف، وأوقات الشخص بيدرك أن عيلته عندها تاريخ من المرض العقلي عشان كده مش بيتفاجئ لما بيتم تشخيصه بالاكتئاب.
أوقات كتير بيكون سبب الاكتئاب غير واضح، ولكن لمجرد عدم وجود سبب واضح دا مش معناه إنك مش بتعاني من الاكتئاب،،، تابع القراءة عشان تعرف أسباب الاكتئاب بدون سبب، وهل فعلا في اكتئاب مالهوش سبب واضح؟!

 

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب

ليه الشخص ممكن يخفى انه مصاب بالاكتئاب

احيانا بعض بعض الناس ممكن يصابوا بالاكتئاب من غير ما يعرفوا السبب، خاصة لو كانوا شايفين أن حياتهم “مريحة ” أو “سهلة” مقارنة بالناس اللي حواليهم.
الشخص اللي بصحة بدنية كويسة وبيشتغل وعنده بيت يعيش فيه، ومقتدر ماديا وقادر يصرف على أسرته، وعنده أصدقاء بيدعموه، بيكون صعب جدا عليه يفهم سبب شعوره بالحزن أو الغضب أو الانفعال المستمر.
في حالة عدم وجود “محفز” واضح زي وفاة أحد الأحباء أو الطلاق أو فقدان الوظيفة، هيحس انه مش من المنطقي بالنسبة له الشعور بالاكتئاب.
ممكن وجود كل الحجات دي تخلي الشخص يحس انه “معندوش حق” في أن يكون غير سعيد، خصوصا لو عيلته مفيهاش تاريخ مرضي، وأن طفولته كانت معتدلة ومفيهاش أي أذى.
عشان كده الشخص ده لو حس بالاكتئاب بيخاف من يعبر عن شعوره ده، لأنه خايف من رائ الناس فيه وأنهم يعتبروه شخص مش بيقدر اللي في ايده لو شافوه حزين أو محبط.
أوقات بيخاف يعبر عن شعوره بالاكتئاب خوفا من وصمة العار المرتبطة بالاكتئاب، زى أن رئيسه في الشغل ينظر له على أنه شخص مش قادر يؤدي مهام وظيفته لأنه مصاب بالاكتئاب.
في العلاقات، ممكن مصاب الاكتئاب ميتكلمش عن حالته لأنه خايف أن شريكه ميفههوش وبيكون خايف ان شريكه يبطل يحبه أو يبعد عنه.

أسباب تانية بتخلي مريض الاكتئاب يخفي مشاعر الحزن

أوقات كتير الآباء اللي بيعانوا من الاكتئاب، ممكن يكونو قلقين بخصوص أطفالهم وبيخافوا أن مرضهم يأثر على أطفالهم، وكمان بيخافوا أبنائهم ينظرولهم على أنهم “غير لائقين” إذا اعترفوا بمشاعر الاكتئاب.
ممكن ظاهريا الاكتئاب يكون بدون سبب ولكن في مثل بيقول “لا يمكنك الحكم على الكتاب من غلافه”، لأن أوقات كتير طريقة الشخص وتعامله مش هي الحقيقة، لأنهم من الخارج ممكن يتصرفوا بشكل طبيعي.
عشان كده لو حسيت انك بتعاني من اكتئاب ابدأ بالتركيز على أسباب الاكتئاب (اللي بتدعمها الحقائق) بدل من التركيز على الأسباب (الذاتية والنسبية).

هل دايما في سبب للاكتئاب

يمكن للحظة دي الباحثين متوصلوش لسبب محدد للاكتئاب، ودايما في عوامل كتير بتسبب الإصابة بالحالة دي، ومن أهم أسباب ظهور أعراض الاكتئاب:

  • علم الوراثة وهيكل الدماغ.
  • تاريخ عائلي من الاكتئاب أو حالات الصحة العقلية التانية.
  • التاريخ الشخصي لحالات الصحة العقلية.
  • العوامل البيئية زى سوء المعاملة أو الفقر أو التمييز.
  • التجارب المبكرة في الحياة، من الإهمال ل الإجهاد المزمن.
  • تاريخ من الإجهاد المزمن والصدمات.
  • ممكن تزيد الحالات الطبية المختلفة، من التهاب الغدة الدرقية لهاشيموتو ل السرطان، من فرص الإصابة بالاكتئاب.
  • ومع ذلك، ممكن يكون في أسباب تانية للاكتئاب الخبراء لسه مش متأكدين منها، عشان كده حتى لو متعرفش على العوامل دي، فمن المحتمل يكون في سبب تانى لأعراضك.

ازاي اعرف ان ده اكتئاب مش مجرد حزن مؤقت

طبعا المعالج النفسي هو أفضل شخص ممكن يحدد هل ده اكتئاب أو مجرد حزن، بشكل عام الحزن ممكن يكون من أعراض الاكتئاب، لكنه مش العرض الوحيد، دا غير أن الأعراض بتستمر لمدة تزيد عن أسبوعين، الأعراض الرسمية اللي ممكن تساعدك في التعرف على شعور الاكتئاب بتشمل:

  • فقدان الاهتمام بكل الحجات والأنشطة اللي كانت بتهمك.
  • صعوبة التركيز.
  • التهيج.
  • نوبات بكاء، بسبب أو بدون سبب.
  • تغيرات في طريقة نومك وفي شهيتك.
  • القلق.
  • التعب وانخفاض الدافع.
  • آلام الجسم.
  • أفكار انتحارية.

المراجع

مصدر1
مصدر2

اترك تعليق