هل يزول الاكتئاب من تلقاء نفسه؟

الاكتئاب بيأثر على حياتك اليومية. لما تعمل حاجات بسيطة هتحس بالتعب، وهتحس أنك مش قادر أصلًا تعملها أو بتعملها بشكل مش كويس.

طيب السؤال هو الاكتئاب هيروح لوحده؟ لأ مفيش حاجة تضمن أن الاكتئاب يروح لوحده وميرجعش تاني، ممكن مع الوقت أعراضه تقل. لكن لازم نهتم بعلاجه زيه زي أي مرض تاني. العلاج بيكون بالأدوية أو العلاج النفسي أو الأتنين مع بعض.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

 إزاي بيشتغل علاج الاكتئاب؟

لو كنت عايز تسيطر على الاكتئاب، يبقى أحسن حاجة تتكلم مع دكتور. لأنه هيساعدك في تحديد الحاجات الأساسية اللي مسببالك اكتئاب. ويعرفك إزاي تتعامل معاها علشان تسيطر على أعراضك، وتقدر تعيش حياتك بطريقة طبيعية.

ممكن دا يكون عن طريق إنك تلاقي حل لحاجة قديمة حصلتلك ولسه مش قادر تخرج منها، أو أنك تغير أسلوب حياتك لأن في حاجات فيه هي اللي بتعملك اكتئاب.

أي الصعوبة في علاج الاكتئاب؟

علاج الاكتئاب ممكن يكون مش سهل عند ناس، علشان لسه بيشوفوا أي العلاج اللي هيناسبهم. ودا ممكن ياخد منهم شهور أو سنين، وفي الفترة دي بيفضلوا يسألوا نفسهم هو الاكتئاب هيروح أمتى. ولو اختفت أعراضه فبيكون في خوف من

الدراسات بتقول أن أكتر من 21 مليون طفل وكبير بيجلهم اكتئاب كل سنة، وأقل من تلتهم بياخدوا العلاج المناسب. كمان في 60 % على الأقل من اللي جالهم نوبة اكتئاب هيجلهم نوبة تانية، و 70 % من اللي جالهم نوبتين هيجلهم نوبة تالتة، و 90 % من اللي جالهم 3 نوبات هيجلهم الرابعة.

سبب انتكاسة الاكتئاب

في ناس ضغوطات الحياة اللي سببتلهم اكتئاب في الأول، بترجع تاني وتكون أقوى فبينتكسوا. وفي ناس مفيش العلاج منفعش معاهم، وبتكون الأعراض المخفية خطر أكتر وبتظهر مع زيادة ضغوط الحياة.

كمان في ناس ممكن تكون طبيعتهم مستعدة للاكتئاب المتكرر، وفي ناس بتوقف العلاج قبل معاده لأنهم بيحسوا أن الأعراض اتحسنت، فينتكسوا.

لي الاكتئاب اللي مش بيتعالج خطير؟

الاكتئاب اللي مش بيتعالج هيعيق المريض أنه يعيش حياة طبيعية في بيته أو حياته العملية. كما الاكتئاب لما بيتساب بيكلف المجتمع أكتر، لأن المصاب بيه بيغيب من شغله، أو مبيقدرش يعمله بالطريقة المطلوبة.

كمان الحياة مع شخص مكتئب صعبة ومرهقة بالذات لما يكون رافض العلاج، ومفكر أن الاكتئاب هيروح من نفسه، أو مش معترف بيه أصلًا. ولازم تعرف أن الاكتئاب هو السبب في حالات الانتحار اللي بقت تحصل كتير. وعلشان كدا أي حد يقول فكرة الانتحار لازم نساعده، ومنفكرش أن دا كلام وخلاص.

حاجات بتزود فرصة الانتحار بسبب الاكتئاب

  • حد فالعيلة اتصاب باضطراب عقلي أو تعاطي المخدرات
  • حد فالعيلة اتعرض لاعتداء جسدي أو جنسي
  • محاولة انتحار قبل كدا أو حد مالعيلة أو الأصحاب
  • الاضطرابات النفسية وتعاطي المخدرات
  • في سلاح فالبيت

لو كنت أنت أو أي حد تاني تعرفه عنده نية في الانتحار، لازم تطلب مساعدة فورًا. متسبوش أبدًا لوحده. وخد بالك اللي هينتحر غالبًا بيتكلم عن الموضوع قبلها.

علامات بتظهر على اللي عايز ينتحر

  • الاكتئاب (الحزن الشديد، وفقدان الاهتمام، وصعوبة النوم أو الكل)
  • الكلام عن الموت، والمخاطرة بالحياة يعني زيادة السواقة بتهور
  • تعليقات زي أنا ميؤس مني أو عاجز أو مليش قيمة
  • ترتيب الأمور، أو تغيير الوصية
  • كلام زي، كان يبقى أحسن لو مكنش موجود
  • التحول من الحزن الشديد للهدوء الشديد أو التظاهر بالسعادة
  • الكلام عن الانتحار
  • زيادة في شرب الكحول أو تعاطي المخدرات
  • الاهتمام بأخبار القتل والانتحار
  • التدوير على طرق الانتحار على النت

المراجع:

المصدر1

المصدر2

المصدر3

اترك تعليق