هل الاكتئاب يصيب الرجال؟

13

الاكتئاب بيجي لأي حد وفأي عمر، يعني بييجي للستات والرجالة وحتى الأطفال. كمان بييجي للصغيرين والكبار. والاكتئاب حالة بتأثر على تفكير الشخص واحساسه وكل تصرفاته.

اه الدراسات بتقول أنه بييجي للستات أكتر، لكن بردوا بييجي للرجالة وأعراضه كمان بتكون أشد عندهم. وفي ناس بتقول أن الدراسات دي مش بتقول النسبة الصح لأن الظروف الاجتماعية وطبيعة الراجل بتخلي من الصعب تشخيصه بالاكتئاب. الرجالة غالبًا بتحاول تداري احساسها عشان ميكونوش ضعفاء من وجهة نظرهم.

اختبار-الاكتئاب-bannerشاكك إن عندك اكتئاب؟ دوس هنا واعمل اختبار الاكتئاب أونلاين

لو كنت حاسس أن عندك اكتئاب أنت أو أي حد تعرفه، فلازم تعرف أكتر عن أعراض الاكتئاب علشان تتأكد وتقدر تتصرف وتتعالج. لأن الاكتئاب لو متعالجكش بيتطور وأعراضه بتسوء أكتر.

الأعراض الجسدية للاكتئاب عند الرجالة

الرجالة اللي عندهم اكتئاب هيحسوا بتغيير في جسمهم، أه الاكتئاب الناس بتشوفه مرض نفسي أو عقلي. لكن ميمنعش أنه كمان بيأثر على جسم الإنسان. ويمكن الي بيخلي الرجالة تزور الدكاترة هي الأعراض الجسدية مش النفسية. والأعراض دي زي:

  • ضيق الصدر
  • مشاكل في الجهاز الهضمي زي الغازات والإسهال والإمساك
  • ضعف الانتصاب ومشاكل جنسية أخرى
  • الصداع
  • مشاكل هرمونية زي انخفاض هرمون التستوستيرون
  • الم
  • سرعة ضربات القلب أو خفقان القلب
  • فقدان الوزن من غير قصد وأوقات زيادة الوزن

الأعراض العقلية للاكتئاب عند الرجالة

الأعراض الأعراض العقلية للاكتئاب بتظهر بشكل مختلف عند الرجالة عن الستات، ودا بيخلي من الصعب اكتشاف الاكتئاب. والأعراض دي بتأثر على طريقة تفكير الشخص وتصرفاته ونظرته للأمور وحتى عواطفه. ومنها:

  • مفيش قدرة على التركيز
  • مشاكل في الذاكرة
  • الوسواس القهري
  • أفكار كتيرة وبتيجي بسرعة
  • مشاكل في النوم، وفي الغالب صعوبة في النوم أو النوم المتواصل
  • أفكار انتحارية

الأعراض العاطفية للاكتئاب عند الرجالة

لما الناس بتسمع كلمة اكتئاب بييجي فدماغهم علطول حد حزين. لكن الحزن حاجة واحدة من مشاعر كتير وحشة ممكن يسببها الاكتئاب. والمشاعر التانية اللي بيحس بيها الرجالة المكتئبة هي:

  • الإثارة
  • عدوان
  • الغضب
  • البعد عن الأصحاب والعيلة والزمايل
  • اليأس
  • مفيش اهتمام بالبيت أو الشغل أو الحاجات اللي بيحبها
  • نقص في الرغبة الجنسية
  • الأرق

العلامات السلوكية للاكتئاب عند الرجال

زي ما قولنا أن الاكتئاب بيأثر على الجسم والعقل والعواطف وكل دا طبيعي هيأثر على السلوك. لأن الرجالة بيحاولوا يخفوا مشاعرهم وعواطفهم فيظهر دا فسلوكهم. وكمان لما جسمهم بيتعب دا بردوا بيأثر على سلوكهم. وغالبًا أعراض الاكتئاب السلوكية هي اللي بتكون ظاهرة أكتر من أي أعراض تانية. وبتضم الأعراض السلوكية الحاجات دي:

  • صعوبة في الشغل وصعوبة في التعامل مع الأهل
  • مبيقمش بالمسؤوليات الشخصية اللي عليه
  • تعاطي المخدرات
  • شرب الكحول كتير
  • يعمل حاجات خطر كتيرة، زي السواقة المتهورة
  • بينعزل عن الكل
  • محاولات انتحار

ليه تشخيص الاكتئاب عند الرجالة صعب؟

على الرغم من أن في وقتنا دا الكلام عن الصحة النفسية والعقلية بقى أكتر، والوعي زاد. لكن لسه بردوا في ناس بتتكسف وتحس أن دا وصمة عار خاصة الرجالة.

دا بيرجع لأن بشكل عام مجتمعنا بيعلم الراجل أن يحتفظه بمشاعره جواه، على الرغم من أنهم عارفين أن كدا غلط. لكن رغبتهم في المحافظة على شكلهم الاجتماعي بتغلبهم وتخليهم يخبوا. وبكدا الراجل بيعرض صحته النفسية والعقلية وكمان الجسدية للخطر.

كمان الرجالة مبتقدرش تعرف أعراض الاكتئاب، فمبيعرفوش يطلبوا المساعدة علشان يتعالجوا. وحتى اللي بيعرفوا الأعراض بيتكسفوا يقولوا تجربتهم لغيرهم، علشان ميحكموش عليهم. نتيجة لكدا في رجالة بدل ما يعرفوا أن دا اكتئاب ويعالجوه، بيبدأوا يشغلوا نفسهم أكتر بحاجات تانية. ودا بيعرضهم لمشاكل كتيرة. لكن تشخيص الاكتئاب والتدوير على طريقة العلاج حاجة مهمة وبتحمي حياة الشخص

خيارات علاج الاكتئاب للرجالة

الاكتئاب عند الرجالة غالبًا بيتعالج بالأدوية مع العلاج النفسي. لازم الشخص المصاب يحدد معاد مع الدكتور علشان يحددوا خطة العلاج، اللي ممكن تضم:

  • العلاج السلوكي المعرفي
  • العلاج بين الأشخاص
  • علاج حل المشكلات
  • العلاج النفسي
  • الأدوية، لو لزم الأمر

لكن حالات الاكتئاب الشديدة اللي ممكن تكون خطر على حياة الشخص، دا غالبًا الدكتور بيوصف الأدوية علطول. علشان تخفف من أعراض الاكتئاب المختلفة على الراجل.

بتستخدم مضادات الاكتئاب زي باروكستين (باكسيل) أو سيرترالين (زولوفت) كتير لعلاج الاكتئاب. ومع كدا، ممكن الدكتور يوصف أدوية تانية. لكن لازم تعرف أن الأدوية في الغالب بتحتاج  أسابيع أو حتى شهور علشان تبدأ تحس بتحسن واضح. فلازم تكون صبور وتلتزم بخطة العلاج اللي محطوطة ليك.

أمتى تطلب المساعدة؟

لو كان عندك أعراض الاكتئاب اللي قولناها فوق لدرجة أنها مش مخلياك تعيش حياتك بطريقة طبيعية، فلازم تحدد معاد مع دكتورك. علشان تحل المشكلة ومتزدش.

لأن لو الاكتئاب متعالجش عند الرجالة، هيكون ليه أضرار كبيرة. يعني مثلُا في أمريكا الدراسات بتقول أن الرجالة أكتر عرضة بثلاث إلى أربع مرات من الستات للانتحار. وأن نسبة كبيرة مابين 75٪ و 80٪ من كل اللي بينتحروا هما رجالة. على الرغم من أن ستات كتير بتنتحر لكن في منهم مبيمتوش ومبيكرروش دا، لكن الرجالة بتستخدم طرق فرصة الموت فيها أكبر، يعني مثلُا الراجل يضرب نفسه بالرمسدس أما الست فبتاخد جرعة زايدة من برشام.

الاكتئاب عند الرجالة وتأثيره على الرغبة الجنسية

أيوة الاكتئاب بيأثر على الرغبة الجنسية عند الراجل. كمان للأسف في بعض الأدوية المضادات للاكتئاب بتعمل كدا بردوا. وفي الغالب الراجل مبيحبش يعترف بمشكلة في حياته الجنسية، لأنهم بيحسوا أن دا تقليل من رجولتهم. لكن دا مفهوم غلط، لأن غالبًا المشاكل دي بتكون نتيجة حالة طبية زي الاكتئاب.

المراجع:

المصدر1
المصدر2

اترك تعليق