العيال

10 غلطات يومية تقرب ولادنا من المشاكل النفسية

10 غلطات يومية تقرب ولادنا من المشاكل النفسية

مبروك بقيتى أم كلمة: بتسعدنا وتخلى الدنيا حلوة بس وراها مسئولية كبيرة أوى لأن أى تصرف بتأثر فى حياة أولادنا و ممكن نعمل أخطاء كتير قوى تخليهم عرضه الى المشاكل النفسية فى المستقبل .

لأن كل تصرف بعمله معاهم بيشكل ذكرى و نقطة فى بحر شخصية الطفل فلازم  نبعد عن الأخطاء اللى فى الأغلب بنعملها من عير وعى لمدى خطورتها .

يا ترى أيه هى الغلطات دى ؟!!

1-الشغل أهم حاجة فى حياتك

وده لما تبقى طول الوقت مهمتم بالشغل حتى و أنت فى البيت مع ولادك يبقى ردك على طول ” أنا مش فاضى ” صدقنى بتضيع بده أحلى وقت ممكن تقضيه مع أطفالك لأن دلوقتى هما اللى عاوزينك فى حياتهم و أنت بتصدهم بكرة لما يكبروا هدور عليهم بس خلاص .

2-عدم الأجتماع عند الأكل

التجمع على سفرة واحدة وقت الأكل حاجة مهمة جدا لأنك بتقدر تعرف أخبارهم اليومية و تطمن عليهم  طبعا غير أنهم كل ما يكونوا صغيرين بيعترفوا على طول بكا حاجة بيعملوا و بتقدر توجهم و تحافظ على التواصل اليومى معهم .

3-عدم الأستماع

أغلب الوقت بنبقى موجودين و مش موجودين  يعنى بتكون مع أولادك فى نفس المكان بس مهتم بمتابعة وسائل التواصل و مش فاضى تسمعه حتى لو بتمثل أنك بتسمعه بس مع الوقت بيعرف أنك مش مهتم و هو كمان بيبطل يتواصل معاك .

4- اللوم و العقاب

طول الوقت لوم و زعيق من غير ما يفهم غلط فى أيه يعنى الأطفال كلها بتلعب و بتغلط بس دورنا أننا نفهم الغلط مش بس نبقى زى نكون أعنية بيظة و معلقة .

5-معملة الأوامر

و ده بقى مصيبة فى المستقبل لما تعمل الطفل دايما بالأوامر و هو يجب عليه طاعتها من غير ما يفهم و لا يناقش و دى بقى بتجعله رجل غير مسئول فى المستقبل أو ست مشقدرة تاخد قرار غير لما ترجع لماما و بابا يعنى من الأخر ماكينة بتنفذ المطلوب و بس .

6- الأستهزاء

و ده بيحصل لما تعقد تسمع أولادك بس بدل ما تناقشهم فى أراءهم بتحبطهم و تستهزء بكلمهم مع أن مهما كان الكلام تافه أو سن الطفل صغير لازم تسمعه و تعرف فكر فى ده أزاى ؟ و ليه؟ و بعدين تعرفه بالفكر الصح فى الموقف و توجهه .

7 – عدم مشاركتهم الرأى

الطفل ده أنسان مش ذى أى كرسى لازم نأخذ رأيه فى حياتنا و مشكلنا و حتى الأمور البسيطة برده مهم فلو كان سنه صغير مش عيب مثلا تخليه يختار نوع الأكل اللى هتطبخيه النهاردة أو لو هنخرج تحب نروح فين … كمان لازم يشترك فى حياتنا و مشاكلنا عشان يتعود على ده لما يكبر يتعود يثق فى نفسه و يختار و يقول رأيه و ميكبرش أنانى و بيحس بالناس .

8- التهرب من الأسئلة المحرجة

معظم الأهالى بيهربوا من أسئلة و لادهم المحرجة سواء كانوا أطفال أو فى سن المرهقة و ده طبعا بيخلهم يدوروا على مصدر و المصادر كتير… و النت مخلش بس مش شرط أن المعلومة تتناسب مع سنه و الدنيا اللى عايش فيها .

فأحسن ليك و لأولادك أنك تجاوب بصراحة و بطريقة تقدر من خلالها توصله المعلومة الصح و اللى تتفق مع المجتمع و الدين .

9- المراقبة

فى ناس بتعامل ولادها على أنهم لو فلتوا من المراقبة هيضيعوا و مش هيعرف يلمهم تانى و طبعا ده غلط …. فأسلوب أنك تتعودى  تفتشى موبايل أبنك و مكتبه و هدومه من باب الحرص  …. فأحب أطمنك أنك بتعرفيه أنه يجرب مخبأ جديد .

10 – البخل

و مش مقصود به البخل المادى فممكن تكون بتصرف على ولادك كويس جيدا بس برده بخيل بوقتك و مشاعرك  لو أدتهم جزء من الأهتمام اللى بتديه لأصحابك على القهوة .

أو لو ماما أهتمت تعمل نشاط معاهم فعلا ذى الوقت اللى بتتفرج فيه على المسلسلات التركى .

المهم أننا نحافظ على التواصل مع ولادنا و نحبهم و نهتم بيهم صح  كبنى أدمين و نعلمهم الصحة من الغلط و بعدين أديهم حرية التصرف ، مش هتحتاج تمشى وراهم ذى المخبر عشان تطمن عليهم .

جرب تغير الحاجات الصغيرة اللى ممكن فى المستقبل تأثر على شخصياتهم .

و تعرضهم لمشاكل و أمراض نفسية كتيرة أو لخلافات و طلاق بسبب تربيتم على أنهم Robots .

 فى الأخر هيواجه  الدنيا لوحده فلازم تساعدهم  طريق توفير صحة نفسية جيدة ذى ما بتوافرلهم الأكل و الهدوم و البيت .

عن الكاتب

نهلة شعلان