استشارات نفسية

عندي مشكلة

انا عندي مشكلة تعباني جدا و هي اني مبعرفش اتعصب خالص و دايما مش بعرف اختار رد الفعل المناسب للحاجة الي بتحصل قدامي يعني باردة حاولت انفعل اكتر من مرة بس بفشل رغم ان المواقف سعات بتبقى تستدعي العصبية ،يعني دائما على هيئة واحدة مبتتغيرش ، لدرجة اني ممكن ابقى مديقة جدا و والعة من جوايا بس ببقى غير كدة خالص من برة فمحدش بياخد باله اني مضايقة حتى اقرب الناس ليا، اكتر من مرة حاولت ابين اني زعلانة معرفتش .. مش بعرف اتحكم في تعابيري نهائي دة غير اني مبعرفش اعبر بالكلام عن الي جوايا ، ببان عادية جدا من برة و اجتماعية و طبيعية جدا بس الموضوع دة تاعبني جدا سعات ببقى نفسي الي قدامي ياخد باله ان مزاجي وحش مثلا و بفشل في دة لانهم مبيعرفوش يفرقوا اصلا لان قدامهم الاتنين واحد لاني مش بعرف اوصل احساسي للي قدامي ..انا مفتكرش ان حد مرة سألني مالك من نبرة صوتي مثلا .. لاني مش بعرف اتحكم في نفسي و مهما كان جوايا نار غصب عني تلقائي باخد وضعية الي هو مفيش حاجة و انا تعبت لاني مش عارفة اتحكم في نفسي و لا قادرة اتعصب حتى

عن الكاتب

Sara Ali