البزرميط العيال

6 أكلات تقوى الذاكرة و تساعد أطفال صعوبات التعلم

الذاكرة

صعوبات التعلم مشكلة بيعانى منها أطفال كتير و عشان هدفنا دايما بيكون أننا نساعد الطفل.

فيا ريت بجانب الجلسات العلاجية و دروس القراءة المهمة نوفر للطفل نظام أكل صحى و مفيد لحالته.

فممكن نضم لنظام أكله اليومى أكلات تقوى الذاكرة و تساعد ولادنا على التركيز و الأنتباه.
يعنى من الأخر ندور على الأكلات اللى بتغذى المخ و تزود نشاطه.

1- عين الجمل

عين الجمل من أفضل المكسرات لتحسين الذاكرة و ده لأنها بتحتوى على أحماض مفيدة للمخ طبعا غير الدهون غير مشبعة المفيدة للجسم ذى الأوميجا 3 .
فلو عودتى أبنك على جرعة ثابته 3 حبات يوميا.

كمان ممكن تبقى علاج كويس للإكتئاب لأن فى أبحاث علمية أثبتت أن معظم المصابين بحالات الإكتئاب عندهم نقص حمض أوميجا 3 في الجسم.

كمان بيقال أن شكلها اللى شبه المخ بيعنى أنها مفيدة جدا للمخ و من المكسرات الحلوة اللى بينصح بها الأطباء لحالات إضطرابات الأطفال بشكل عام.

2- الأسماك الدهنية

ذى السردين ، التونة ، الماكريل و السلمون كلها أسماك غنية بدهون الاوميجا 3 التى تقوى نشاط المخ و بتساعد على زيادة الأنتباه.

مهم ان الطفل يأكلها مرتين فى الأسبوع على الأقل عشان الأوميجا 3 مهمة عشان تبنى الخلايا العصبية و تساعد على الاتصال الجيد بينها.

كمان الأسماك دى بتحتوى على DHA و دى بتعمل على حماية المخ من الإصابة بفقد الذاكرة.

و الأسماك تعتبر مصدر جيد ” لفيتامين د “و اللى نقصه بخلينا عرضة أكتر لفقدان الذاكرة.

3- حبوب القمح

حبوب القمح الكاملة و الشوفان و كل الحبوب الكاملة اللى شبها وتكون بتحتوي على الألياف التي تقلّل من مستوى الكوليسترول في الدم.

فتساعد على وصول الدم الى المخ كمان تمد الجسم بالنشويات الغنية بالألياف.

و دى بتساعدنا نحافظ على مستوى الجلوكوز طوال اليوم عشان توفر الطاقة للجسم كله.

4- الشوكولاتة الداكنة

من الأكلات اللى بتساعد على تقوي الذاكرة عشان بتحتوى على مضادات الأكسدة و الفينولات و ده بيساعد على تدفق الدماء إلى الرأس .

و يفضل الشيكولاته الداكنه و نسبة سكرها تكون قليلة جدا.

5- الكركم

و هو واحد من أفضل التوابل المهمة لتقوية الذاكرة عشان غني بالكركمين و دى مادة بتساعد المخ أنه يمنع الزهايمر.

كمان بيعمل على مقاومة الالتهابات والكولسترول و ده بيعمل على تدفق الدم بشكل جيد إلى المخ.

6- التوت 

من أفضل أنواع الفاكهة اللى بتحسن الذاكرة عشان بتحتوى على مضادات الأكسدة ذى الفينولات المتعددة اللى بتعمل على تشجيع الاتصال بين الخلايا العصبية في الرأس ووكمان بتساعدنا على تعلم أشياء جديدة بسهولة، مثل تعلم لغة جديدة.

و ده وفقاً لدراسة عملتها جامعة تافتس الأمريكية سنة 2009  و اللى بتقول أنه بيساعد على تحسين قدرتنا على استيعاب معلومات جديدة. 

حافظى على أنك تدخلى لطفلك العناصر الغذائة المتكاملة عشان تفيده و تحسن ذاكرته مع الخضار و الفاكهة المتنوعة.

لأن كل حاجات دى ممكن تساعد الطفل يتغلب على صعوبات التعلم و يذاكر أحسن .

جربى و أبعتبلى رأيك ؟

عن الكاتب

نهلة شعلان