الصحة النفسية

5 خطوات ممكن تساعد بيها مراتك الموسوسة

5 خطوات ممكن تساعد مراتك الموسوسة

أصعب حاجة ممكن تواجك كراجل انك تعيش مع زوجة ” موسوسة ” تكون ليها روتين نظافة معين مثلا متدخلش البيت من غير متمسح جزمتك 5 مرات و متعدش على أى كرسي … غير لما تغير هدومك كلها و تحطها فى الغسالة عشان البيت يفضل نضيف …. ده غير مصروف البيت ألى هتشتروا بيه منظفات و مناديل من كل صنف و لون

و يسلام بقى لو عندك أولاد بيبقى الوضع أصعب كتيررررر أوى ….بس برده لازم تعرف أن حالك أحسن من ناس كتيررررر فلو جت على النظافة تبقى الحكاية هينة لأن لو مراتك لقدر الله عندها وسواس قهرى …. هتلاقى ان الفكرة اللى مسيطرة عليها بتتحكم فى حياتكوا أنتو و أولادك بس كل حاجة ممكن تتحل لو ساعدنا بعض

أزاى ممكن نعيش أسعد أنا و مراتى ؟!

الخطوة الأولى : طمنها و قويها

لأن الحكاية بتبقى فى الأصل معتمدها على الخوف و القلق من فكرة متسلطة تنكد على صاحبها و الناس اللى حوله .

فيا ريت لو تحسسها ان دى مشكلتكوا انتو الأتنين و لازم تحلوها سوا و أنك هتفضل معاها و مدعمها… طبعا طول ما هى مواظبة على بالعلاج و المتابعة …لأن الموضوع صعب و طويل لازم حد متخصص يساعد فى خطوات العلاج.

هنا تيجى الخطوة الثانية: أصبر عليها 

لانك مهما نصحتها انه أيه ممكن يجرى لو مسمعناش كلام الوسواس اللى بيزن فى دمغها ….. مش تتهد الدنيا يعنى …. هيبقى عندنا شوية قلق معلش مع العلاج هيخف شوية بشوية .

الخطوة الثالثة : تكبير دماغك مش هتنفعك

لانك لو ريحت دماغك وطوعتها بذات لو كانت مشكلتها لسه فى الأولها …. يا عينى على اللى هيحصلك أنت و ولادك … كل شوية هتلاقى
تعليمات الوساوس ده بتزيد .

الخطوة الرابعة : العند مش حل حتى لو كنت بوسامة ليوناردو دى كابريو !!

كمان العند و الرفض مش حل …. وديك شفت حال ” ماريون كوتيار ” الى لعبت دور مرات ليوناردو دى كابريو فى فيلم “Inception ” لما سيطرت عليها فكرة أن حياتهم مش حقيقية و حاول يفرض عليها الواقع …. فأجبرتها الوساوس انها تنتحر عشان مصدقة ان ده الطريق الوحيد عشان ترجع لحياتها الحقيقية .

يعنى الشك و القلق مبيتعلجوش بالعافية و العناد ….لكن لو فهمت اد ايه صعب على حبيبتك انها متصدقش عقلها حسستها أنك مهتم طبعا ده مع نصايح الدكتور النفسى اللى هيدلك على احسن طريقة تناسب حالة مراتك و درجة مرضها … مع الإنتظام على الدواء عشان يحرجم القلق شويه.

الخطوة الخامسة : نعمل حاجة مع بعض

ساعات بيبقى الوسواس عشان مراتك مش سعيدة فدور على فكرة تخليكوا مبسوطين أكتر مع بعض …. يعنى مثلا ممكن نعمل اى نشاط سوا نتعلم حاجة جديدة …. تقربكوا من بعض أكتر و فى نفس الوقت تبعد تفكيره عن الوساوس و تفكر فى حاجة تانيه

الموضوع ده هيفرق معاها كتيررررر قوى يعنى مثلا :

  • ممكن تشجعها على رياضة معينة تمارسوها سوا حتى لو مشى
  • تتعلموا حاجة جديدة حتى لو كانت اننا هناخد كورس طبلة .
  • أو تجمعوا أغانى English لفرق او مغنين فى فترة معينة تكونوا بتحبوها أنتو الأتنين من على النت و بعدين تعدوا تسمعوها سوا .

مهما كنت الفكرة طقة المهم انها تجمعكوا و تبعدها عن وساوس دمغها ….و طبعا كل ده هدفه انها تحس فعلت انك السند و مع الوقت و المحاولة كل شىئ هيتغير حتى لو بنسبة صغيرة .

عادى ان الواحد  يقع فى مشكلة مرة و برده ممكن يتعطل فى مطب ” الإنتكاس وقت العلاج ” لكن المهم انها تحس بحب الى حوليها و مسندتهم عشان تقدر تقف على رجلها تانى و تقاوم .

عن الكاتب

نهلة شعلان