العلاقات

إزاى تساعدى جوزك انه ميتحولش زومبى؟

جوزك العصبى و اللى بيتخانق مع الهواء من حوليه غالبا بيكون بيعانى من “نوبات الغضب ” و الغضب بوجه عام هو حاله العصبية و الثورة الشديدة نتيجة موقف ضيقك أو احرجك و المفروض أنك عشان كبير تعرف تتحكم فى الغضب ده .

بس الحقيقة أن فى كتير منا مش بيقدر يسيطر على غضبه و عصبيته … لأنه بيحس أن فيه نافورة دم بتغلى فى دماغه و هو ده اللى بيأثر على سلوكنا …. فى الغالب بيكون السبب تراكم الضغوط و كبت المشاعر الغاضبة بسبب مشاكل كتير فى حياتنا.

و هو ده اللى بيدفغنا اننا نكون فى حال Rage بدون سبب أو لأسباب تافهه قوى .

5 خطوات تساعد جوزك ميتحولش زومبي

  • حافظى على هدوئك: لأنه فى العادة بيزيد غضب جوزك أنك تتعصبى أنت كمان عليه أو حتى دافعتى أوفر عن موقفك فحولى تبقى العاقلة الهادية لحد ما ه كمان يهدى .
    اسبقى الغضب بخطوة
  • المشاركة و الحوار: حاولى دايما تشاركيه حياته و تعرفى إذا كان فى حاجة مزعله منك مش تستنى لما يتحول و بعدين تتناقشى بقى .
  • مينفعش تتحكمى فى جوزك: قبولك فكرة أنكو شخصين مختلفين مهما أتفقوا غلى أشياء كثيرة هيسهل مهمتك … لأن مفيش حد ممكن يتحكم فى تغيير أفكار و تصرفات الناس اللى بنحبهم … ممكن تقدم له مساعدة بس مش ممكن تتحكم فيه.
  • من حقك تغضب: جملة صغيرة وبسيطة بس بتقرب مسافات كتير عشان بتخلى جوزك يحس أنك على الأقل قدرة تفهمى مشاعره دلوقتى حتى لو لم تكن تعجبك بس الغضب شعور طبيعى و أحنا بنى أدمين و لو لاقتى عنده أستجابة ممكن تنقلى على اللى بعده….اذا كان عنده أستعداد أنه يتكلم ؟
  • أوعى تقولى “أهدى يا حبيبى “: لإن دى الجملة اللى ممكن تهدم كل ما فات و تخليه يتحول أكتر كلمة ” أهدى ” بتضيف لقناعته أنه وصل لقمة الغضب و بالتالى بتخلى الأمور تروح للأسواء
  • ممارسة الرياضة: ممكن تمارسوا رياضة ذى اليوجا ثلا عشان تساعده يصفى ذهنه و يهدى أعصابه على قد ما يقدر .

طبعا ممكن يحتاج مساعدة طبية و دوائية لأن العصبية مش مجرد مشكلة نفسية بس …. ولكن تكرارها ممكن يخلى فى أضرار عضوية ذى الضغط و تعب القلب وغيرها من لأن جسمنا كمان مش بيستحمل الغضب الهائل .

عن الكاتب

نهلة شعلان