الى متى تستمر أعراض انسحاب النيكوتين؟

210

النيكوتين، هو مادة كيميائية مسببة للإدمان لأنها بتأثر على وظيفة الدماغ، والمادة دي موجودة في التبغ زي السجاير والسيجار، بمجرد ما جسمك بيتكيف مع الدخول الكمية المنظمة من النيكوتين، هتلاقي صعوبة شديدة في الإقلاع عن التدخين.

لأن للأسف النيكوتين بيخلقلك حالة من الرضا والسعادة المزيفة في مخك، وطبعاً التأثير ده بيكون لحظي وده هيخليك تدخن سجارة ورا سجارة عشان كل ما تدخن أكتر هتحس بشعور راحة أكتر، وده يمكن السبب اللي بيخلي أي شخص بيحاول يبطل تدخين بيكون دايما عصبي بسبب الأعراض النفسية والجسدية لانسحاب النيكوتين،،، بس السؤال المهم هنا… الى متى تستمر أعراض انسحاب النيكوتين؟

يعني إيه انسحاب النيكوتين؟

خلال عملية التدخين المدخن بيمتص النيكوتين من خلال بطانة أنفه وفمه ورئتيه، ومن من المواقع دي النيكوتين بيدخل مجرى الدم.
لما النيكوتين يوصل للدماغ هينشط المناطق اللي بتهتم بمشاعر المتعة والمكافأة، وبيعزز مستويات مادة كيميائية اسمها الدوبامين وهي واحدة من هرمونات السعادة الأربعة.
النيكوتين كمان بيأثر على مناطق في الدماغ بتتعلق بعمليه التنفس، الذاكرة، ااشهية، ومعدل ضربات القلب.
لما الشخص يستخدم النيكوتين لفترة طويلة، فإنه ده هيسبل تغييرات في توازن الرسل الكيميائية في دماغه.
وعشان كده لما ببتوقف عن التدخين فجأة فده بيخل بالتوازن الكيميائي، وهيبدأ يعاني من آثار جانبية جسدية ونفسية زي الرغبة الشديدة في التدخين وتدني الحالة المزاجية.
الخبراء بيصفوا الاضطراب ده في المواد الكيميائية في الدماغ بأنه إدمان على النيكوتين، وهو جزء من الأسباب اللي بتخليك تواجه صعوبة في الإقلاع عن التدخين.

الى متى تستمر أعراض انسحاب النيكوتين؟

زي ما قولنا أعراض انسحاب النيكوتين جسدية ونفسية، النفسية معروفه طبعا وكلنا بنلاحظها طبعا فالمدخين أثناء الصيام بنلاقيهم متنرفزين ومتعصبين وده بيخليهم يناموا كتير عشان ميفكروش في السجارة.
الأبحاث بتقول إن المدخن العادي بيبدأ في الشعور بأعراض الانسحاب في خلال ساعة من إطفاء آخر سجارة و بتظهر عليه مشاعر القلق والحزن وصعوبة التركيز خلال الساعات الثلاث الأولى.
عادة بتكون أعراض الانسحاب في ذروتها بعد يوم إلى تلات أيام من التوقف عن التدخين وبتستمر لفترة من 3 إلى 4 أسابيع، بعد الفترة دي بيقوم الجسم بطرد معظم النيكوتين، وبتكون آثار الانسحاب نفسية بشكل أساسي.

أعراض انسحاب النيكوتين

زي ما قولنا قبل إن الإقلاع عن التدخين بينتج عنه آثار انسحاب جسدية ونفسية، بتستمر الآثار االجسدية كذا يوم بس،لكن الآثار الجانبية النفسية يمكن تستمر لفترة أطول.
بعد الإقلاع عن التدخين، في غضون 20 دقيقة، بينخفض ​​معدل ضربات القلب وضغط الدم، وخلال 12 ساعة بتعود مستويات أول أكسيد الكربون في جسمك لطبيعتها، وفي غضون أسبوعين بتتحسن الدورة الدموية عندك.

أهم الأعراض النفسية لانسحاب النيكوتين بتكون:

  • رغبة قوية في التدخين.
  • التهيج أو الإحباط.
  • مزاج سيء.
  • صعوبة في التركيز.
  • القلق.
  • تقلب المزاج.

أما الأعراض الجسدية فبتكون:

  • الصداع.
  • التعرق.
  • الأرق.
  • صعوبة النوم.
  • الاستيقاظ في الليل.
  • زيادة الشهية.
  • مشاكل في الجهاز الهضمي زى الإمساك.

نصايح مهمه ممكن تساعدك على الإقلاع عن النيكوتين

كن مستعد:

  • ابدأ في التخطيط قبل الإقلاع عن التدخين بأسبوع، مثلا أعمل قائمة بكل الأسباب اللي خلتك عايز تتخلص من العادة دي واحفظها على تليفونك، أو اطبعها وعلقها في المكان اللي متعود تحط فيه سجايرك.
  • فكر في الحجات اللي ممكن تعملها عوضاً عن التدخين، زي مثلا انك تشرب عصير الصبح بدل السجارة.
  • اختار يوم مناسب للتوقف، وحاول ميكونش اليوم ده فالوقت اللي بتكون فيه عندك مشاكل أو مضغوط في الشغل أو حد عزيز عليك مريض.

بعد الإقلاع عن التدخين:

  • بعد ما استعيت وولعت آخر سجارة ليك، أولاً لازم تتعلم تأخير رغبتك في التدخين.
  • خد 10 أنفاس عميقة، وادخل المطبخ وصب لنفسك كوباية مية ساقعة واشربها.
  • جهز لنفسك وجبة خفيفة، أو عصير أو فاكهه.
  • احتفظ بكتاب معاك لكاتبك المفضل أو موضوع حابب تقرأ عنه، حاول تقرأ كام صفحة وتدون ملاحظات وفي الحالة دي عقلك هينشغل بحاجة تانيه غير التدخين.

المراجع

مصدر1
مصدر2

اترك تعليق