مذاكرة الامتحانات:ممكـن تبقى أحسن من كدة
الامهات وموسم الامتحانات …..خفوا شويه من الضغط ياامهات كل ام فى الوقت دا كل كلامها عندى مذاكرة العيال ? عندى امتحانات … نسأل الام من دول ابنك فى سنه كاام ؟ تلاقى الرد اولى ابتدائى وكل القلق دا… صوت صرصووور الحقل يرن فى ودانى طب والقلق ليه تلاقى قايمة باسماء الاهل والمعارف والاصدقاء والجيران واهل جوزى واختى واخوية عيالهم بيجيبوا كااام
وقتها بحس بالمأساة اللى بيشوفها الطفل مع الأم دى وننصحها ربى عيالك وبس ماتقارنيهمش بحد ولا انتى داخله مسابقه مع حد راعى الفروق الفردية بين الاطفال لو
عندك اتنين توأم استحالة يجيبوا زى بعض فهل يعقل يجيبوا زى ولاد الجيران ؟!!!!
مش لازم ولادك يقفلوا الدرجات كلها فى كل المواد اهتمى اكتر بإنهم يفهموا كل المواد….ربى عدل بقى ?
دول شوية خطوات للمذاكرة حاولوا تظبطوها على نظامكم
- نظموا يومكم كويس وخصوصا وقت الامتحانات واعملوا جدول
- اهتموا بالاكلات المحبوبه والمفيدة للاولاد
- الغوا خالص العقاب البدنى سلاح الام (الشبشب)?? التراث الموروث دا
- ذكروا دايما باستمرار من اول السنه ماتضغطوش وقت الامتحانات
- لازم تبقوا عارفين اقصى مده تركيز للماده الواحده اول 30:45 دقيقه بعد كدا الطفل بيفصل ?
مع تمنياتى حياة اسرية سعيدة
شيرين محمود زمرة
مقالة جميلة ومفيدة جدا