البزرميط

الصداع النفسي : مش اي صداع يبقي ليه سبب عضوي

الصداع النفسي : مش اي صداع يبقي ليه سبب عضوي

الصداع النفسي فيه  أسباب كتير مش عضوية للصداع، و ممكن نقول أن معظمها بيرجع لأسباب نفسية، و من أهم الأسباب النفسية اللي بتسبب الصداع هي القلق النفسي أو الاكتئاب.

و القلق النفسي ممكن يظهر بصفة عامة على شكل أعراض نفسية أو أعراض عضوية، ومن ضمن الأعراض الصداع، والصداع النفسي بيحصل بسبب انشداد عضلي يحدث للعضلة اللي بتغطي فروة الرأس، ويكون هذا الصداع عامة في مقدمة الرأس أو في الرأس كلها.

ويختفي هذا الصداع بعد ما الشخص ياخدله فترة حلوه نوم يرتاح فيها ، والاكتئاب النفسي كمان ممكن يسبب نوعا من الصداع النفسي، دا غير إن فيه أسباب تانية مش عضوية100% ومش نفسية بصورة مطلقة، فمثلا الصداع المرتبط بارتفاع ضغط الدم فيه كثير من الناس بيعتقد أن من أعراض ارتفاع ضغط الدم هو الصداع، و الكلام ده مش صحيح 100%، فضغط الدم مش يسبب الصداع إلا في حالات الارتفاع الشديد جدا، أو الارتفاع اللي يصعب التحكم فيه، ولكن فيه كثير من مرضى ارتفاع ضغط الدم بيعانون من الصداع، ويعتقدون أن مجرد تشخيص ارتفاع ضغط الدم وإن المريض انه عنده ضغط دم مرتفع دا في حد ذاته يخلي الصداع يجيله ، وطبعا هنا الصداع هيكون له جانب نفسي مش عضوي.

وفيه كمان صداع بيجي من كتر تعاطي المسكنات، رغم أن الموضع ده ممكن يكون غريب شوية، لكن أغلب الدكاترة عارفين ده كويس، تعاطي مسكنات زي البروفين والبولترين بشكل متكررة يؤدي لظهور الصداع بالرغم من أنها تستعمل لعلاج الصداع في بعض الأحيان، دا غير إن فيه نوعيات من الأكل ممكن تسبب الصداع زي الأجبان الحامضة أو شرب أو أكل شكولاته ممكن تسبب صداع لنوعية معينه من الناس، عشان بيبقي موجود في الشكولاته مركبات تحتوي على مادة تعرف باسم التايرمين، وبعض الناس عندهم حساسية من التايرمين، وممكن يظهر عندهم الصداع وفي بعض الأحيان بيظهر الصداع في شكل ما يعرف بالشقيقة.

دا غير أن الصداع كمان ليه جوانب وراثية الاجتماعية، وفي بعض الأسر بتلاقي عندها أكتر من واحد بيجيله صداع، وممكن يكون هنا العامل الوراثي له دور، دا غير أن الصداع ممكن يجي لبعض الأشخاص اللي بيعانون من العصاب الهستيري وهو حالة نفسية أو الأشخاص اللي بيحاولوا يستعطفوا اللي حواليهم أو أنهم يلفتوا النظر وبأنهم يشتكوا من الصداع، ودا مش تصنع ولكنه جزء من المخزون اللاشعوري.

أسباب الصداع

و من أسباب الصداع عدم النوم بصورة مريحة، ودا غير أن ممكن أستعمال أكثر من مخده وقت النوم ممكن يسبب الصداع لأنه بيسبب انشدادات عضلية في الرقبة وبالتالي بيحصل صداع، وبيشتكي المدمنين كمان من الصداع لأنه هنا هو جزء من علامات الانسحاب اللي بتحصل لما الشخص يتوقف عن تعاطي المخدر أو انه يزود الجرعه بشكل أكبر، وممكن كمان الصداع يجي بسبب انسحاب النوكتين وانسحاب الكوفايين ودا بالنسبة للمدخنين أو اللي بيستعملوا القهوة كثير، وكل ده بيسبب الشعور بعدم الارتياح والصداع .

و يعتبر الصداع هو أكثر الأعراض العضوية اللي ليها علاقة بالاكتئاب، فأكثر الأشخاص اللي بيعانوا من الاكتئاب غالبا بيشكوا من الصداع،

أنواع الصداع :

  • صداع نصفي عادي :

وهما الشخص بأعراض أو مؤشرات انه هيجيله صداع ، وفي الغالب بتستمر نوبته من 4-72 ساعة، وبيحس بألم في جانب الرأس أو الجانبين وممكن يكون نابضًا أو متوسطًا أو شديدًا مع ترجيع ودوخه حساسية للأصوات و الإضاءة‪.

  • صداع نصفي تقليدي :

وفيه بيحس المريض بقرب النوبة مرتين على الأقل سنويًا، وتستمر النوبة 20 يومًا وبيكون فيه قبلها توتر عصبي وتشوش الرؤية‪. ‎

وأثبتت دراسة كندية أجرتها جامعة تورنتو، أن المصابين بمرض الصداع النصفي” هم أكثر الناس عرضة لأن يجيلهم اكتئاب أو أنه يفكروا في الانتحار مقارنه بغيرهم من الناس اللي بيجيها صداع عادي، وأغلب الناس دي من الستات.

 ‎وكشفت تلك الدراسة، أن الاكتئاب والتفكير بالانتحار بيزيد للضعفين في الأشخاص اللي عندهم صداع النصفي سواء كانوا ستات أو رجالة، في حين أن الستات اللي تحن سن الثلاثين أكثر بست مرات عرضة للإصابة بالاكتئاب من اللي عندهم 65 سنه فما فوق، وبتجيلهم الأفكار الجادة للانتحار بمعدل أكثر بأربع مرات.

و غالبًا مش بيقدر يحدد الشخص ده الأمر بشكل دقيق، لأنه بيشكوا من الاكتئاب وفي نفس الوقت من الصداع النصفي، ومن بين الأعراض اللي بتصيب الشخص بنوبة صداع نصفي، أنه بتخليه يعيش في حالة صعبة، دا غير الأثر السلبي على حياته الاجتماعية والعلمية.

 و الدراسات النفسية اكتشفت ، أن من اللي بيعانوا من الصداع النصفي بيشكوا علي طول من مشكلات ذهنية وجسدية واجتماعية أكثر ممن اللي مش بيعانوا منها .

دا غير إن الصداع والاكتئاب مرتبطان بشكل كبير والشخص، اللي بيعاني من الصداع النصفي، ويعرفش أمتي هيجيله الصداع تاني  بيعيش مكتئب، وهنا فيه أدوية فعالة لعلاج الصداع النصفي موجوده دلوقتي، دا غير أدوية جيدة لعلاج الاكتئاب، وهنا الشخص اللي عنده اكتئاب وصداع المفروض أنه يهتم بالموضوع ما يقللش منه ويعتبره تافه، لأن الاكتئاب والصداع ليهم أثر نفسي، و صحي،اجتماعي على المريض.

عن الكاتب

حنان جمـال