استشارة نفسية: عايز أعرف تفسير و حل لحالتي النفسية

• أنا مش حاسس بأي هدف أو معنى للحياة. مش عارف إحنا مخلوقين ليه و المفروض نعمل ايه ف حياتنا. أنا مش بعمل أي حاجة ف حياتي حرفيا
• ثقتي ف النفس معدومة. بخاف من الناس و ببقا متوتر و مش بعرف أعمل حاجات كتير عادية بسبب توتري قدامهم. و شخصيتي ضعيفة جدا. مش بعرف أحط حدود للناس ولا أدافع عن نفسي ولا عمري اتخانقت مع حد و ده لإني ضعيف جدا و مش هقدر أخش ف خناقة. كنت بسمع إهاناتهم و اسكت.
• أنا شايف إن الناس كلها غلط و كلهم شريرين و إن مفيش أي خير في العالم حرفيا و مفيش فايدة من أي حاجة. مش شايف إن في جانب إيجابي ف أي حاجة اصلا. عندي صدمة كبيرة من الواقع و من إن كل الناس مش عندها أخلاق ولا رحمة ولا إنسانية.
• مش فاهم نفسي خالص ولا شخصيتي ولا عارف أنا عايز ايه ولا قادر أحدد المشكلة اللي مسببالي الإكتآب و الرغبة ف الانتحار ولا فاهم العالم حواليا. دايما لما بعمل اختبارات شخصية ببقا محتار فالإجابة و ببقا مدرك إن أنا مش عارف نفسي ولا شخصيتي ولا رغباتي ولا أهدافي ايه اصلا.
• مفيش أي حد بيحبني ولا بيحترمني حتى و كلهم بيحاولوا يضايقوني او يهينوني ف اقرب فرصة. أنا معنديش أي صحاب خالص ولا بكلم أي حد، و علاقتي بأهلي أسوأ ما تكون و أغلب الوقت بعد أكلم نفسي و أتخيل مواقف نفسي تحصل. و مفيش أصلا بنت بتفكر إنها ترتبط بيا.
• دايما كانت الناس بترفض وجودي و بتتقزز منه و مفيش حد عايز يعمل اي علاقة معايا و مفيش حد مهتم بيا ولا مراعي وجودي.
• دايما كنت حاسس إني أقل من كل الناس. انا طيب جدا و هادي جدا و مش بعرف اعبر عن نفسي خالص و قدراتي الاجتماعية صفر و حساس جدا و حاسس بضغط جامد من أقراني. كل جيلي دلوقتي روشين و بيعرفو يتصرفو و يعملو حوارات و يخشوا ف علاقات و بيبقا شكلهم جامد و أنا ولا حاجة حاسس كئني زي الطفل مش عارف اتصرف إزاي ف الحياة و مصدوم جدا من قلة الأدب اللي بقت منتشرة ف جيلي عادي صدمة عملالي إكتآب. دايما بيتريقو عليا إني مؤدب زيادة عن اللزوم.
حتى بيقولوا إن البنات أرجل مني عشان أقوية و جريئيين و بيعرفوا يتعاملوا و بيشتموا و بالتالي أكيد عمر ما بنت فكرت تبصلي.
• مش بعمل أي حاجة ف حياتي خالص غير المذاكرة و معنديش طاقة ولا رغبة إني أعمل أي حاجة، حاسس بتوهان و وحدة و إن مفيش حل لأي حاجة. مش بخرج مع حد ولا بتفسح و مش بنزل غير عشان أجيب طلبات للبيت. عمري ما لعبت رياضة ولا روحت چيم ولا اشتركت ف اي حاجة
• حرفيا مش مبالغة عمري ما حسيت إني فرحان لأي سبب و دايما كنت حزين من ساعة ما اتولدت و ناس كتير علقوا على كده و قالوا إني محتاج دكتور نفسي.
• بحلم أحلام مخيفة و ساعات بعمل أصوات صريخ و أنا نايم و كتير أشوف حاجات تخليني ازعل. كذا مره أشوف ناس بيحاولوا يقتلوني.
• في كلام و تفاصيل كتير تانية عايز اقولها بس كفاية كده عشان متزهقوش
• بحس بنوستالجيا لماضي محصليش، و بخاف جدا من أي تغير يحصل لأي حاجة حواليا، و كتير بيحس إني من جوايا ببقا فرحان لما أبقا مكتئب و كئني بحس في اللاوعي إن ده هو الصح إني ابقا مكتئب

تعليق 1
  1. مريم خالد أخصائية نفسية - تحت التمرين يقول

    بص مش معنى انك مختلف عن الي حواليك يعني انك غلط بالعكس الصح ديما بيقى محاط بحاجاتغلط كتير بس انت تختار ايه واحتيارك ده لسه انت بتكتسب خبرات انفعاليه بدور على شخصيتك بدور عليك جواك وبتكتسب حاجات ليك في شخصيتك.
    أعراف أيه مواهبك ونميها وروح جيم بالعكس بيدي ثقة كبيرة.
    وخليك زي ما انت مش لازم تتغير عشان حد.

اترك تعليق