استشارة نفسية: شاب 18 سنه وعندي مشاكل مع شكلي معطلة حياتي
انا اسمي علي18 سنه مشكلتي اني شكلي وحش وانا مش قابل ده ومسببلي ازمة نفسية بخاف اتعامل مع الناس بسبب شكلي وديما بلبس كاب علشان يغطي وجهي اهلي كرهوني بسبب كده اني دايما لابس الكاب او الزنط واني مبخرجش ولا بكلم خد ولا ليا صحاب فواجهتهم بمشكلتي اني شايف شكلي وحش واني شايف نفسي اني اقل من كل الي حوليا بسبب شكلي قالولي لا بالعكس انت شكلك حلو حتي عينيك ملامحها مش عارف ايه وانت طويل وحلو وبتاع بس مش مصدقهم لاني بشوف نفسي في المرايه والصور وحش وبكره ده جدا بصور نفسي فيديوهات واتفرج علي شكلي فيها من قدام ومن الجناب بيطلع شكلي وحش جدا وشكلي في المرايه كذالك. سقط في اهم سنه في عمري 3ث بسبب ده وحاليا بعيد وهسقط تاني علشان مبزكرش اعمل اييه حاسس اني بضييع وان حياتي بتخلص خايف انجح واروح الجامعه ميبقاش ليا قبول ومعملش صحاب لاني مبعرفش اتكلم ولا عندي شخصية اعمل ايييييه حد يساعدني
صورة الذات عندك مشوهه جدا.
قعد مع نفسك وهات 5 ادله على ان شكلك وحش. وفسرلي ليه.
و اكتب فيه 10 مميزات فيك وعيوب.
واكتبلي اسباب متخلكش تنجح وايه الدليل
هستنى منك استشاره فيها ده كلو