استشارة نفسية: خايفة اوي من المستقبل

48

انا طالبة في سنة ساتة طب اخر سنة بكلية الطب ..كنت متفوقة طول حياتي قبل الكلية ، و كان حلم حياتي من يوم ما دخلت الكلية اني اطلع من اوائل الدفعه و لحد النهارده محققتش الحلم ده ، كان نفسي اتعين في مستشفي الجامعه و اتعلم في مستشفي راقيه ومحترمة ، باحب اكون متميزة و مشهورة ، ليه مقدرتش احقق حلمي؟ ما هوده الي انا باعته الاستشاره عشانه اول سنة في الكلية جبت ٩٢ % ..لقيت ترتيبي ٨٤ ..كان نفسي اطلع من العشرة الأوائل، احبطت و تقديري فضل يقل سنة عن سنة زاىد ان بابا بخيل جدا للأسف و محرومة من حاجات كتير نفسي فيها و نفسي اخد كورسات للجامعه عشان اقدر اذاكر كويس ، بس مفيش فلوس ..باعيط والله كل يوم نادرا لما يعدي يوم حلو ، بافضل اصرخ و محدش بيسمعني وانا في اوضتي لان أنا قاعده في شقة في الدور الأرضي مع اخويا و فوق امي و ابويا و اختي الصغيرة ، فمش قاعدين في نفس الشقة ، باعيييييط كتييييير جدا فوق ما تتخيلي لدرجة ماما بتقولي انتي بتعشقي العياط ، باحس اني وحيدة لاني كنت انطوائية اوي بس مؤخرا ابتديت اتصاحب على ناس جديدة بس حتي لو عندي اصحاب مش بيريحني كلامهم ، ايوا بيحبوني و بيقفوا جمبي بس مش بيفهموني دايما اقولهم ” الي بيفهمك سابق الي بيحبك بخطوة ، و الي بيطمنك سابقهم بمشاوير” انتوا مش فاهمني واما باجي باتكلم معاكم مش بارتاح مش باحس اني هديت بالعكس باحس الدنيا ضاقت عليا و بافضل اصرخ و اقول يارب ..من كل الكلام ده المشكلة الرئيسيه اني عايزة ابقي متفوقة و العائق الرئيسي العياط الكتير جدا جدا جدا جدا و السبب قلة الفلوس ..نفسي اطمن ، نفسي ارتاح ، نفسي ابطل افكار سلبيه، نفسي ابطل جلد ذات، نفسي احس بالسكينة ،
خايفة من المستقبل عشان باكره ابويا حرفيا و حاسه ان مليش سند ، حاسة بعدم الأمان ، خايفة ملحقش التخصص الي باحلم بيه ، خايفة ابقي نكرة في الحياة ، خايفة افضل طول عمري مستوايا عادي زي مستوايا في الجامعة .

تعليق 1
  1. مريم خالد أخصائية نفسة - تحت التمرين يقول

    القلق: ده طبيعي عند اي انسان بس مريض القلق بزيادة بيبقى قلقان وبيتوتر من كل حاجه.
    حاجه مزمنه بتيقى معانا واحنا بنتحكم بيها، زي بنصلح انماط تفكيرنا الخطأ وبنعمل حاجه اسمها استرخاء التنفسي والعضلي، والتأمل.
    وأهم حاجه الرضا وتكوني قنوعه، ظروفك كده بأيدك تحسنيها انتي.

اترك تعليق